স্পৰ্টছ ডেস্ক, 4 আগষ্ট : পেৰিছ অলিম্পিক 2024 ত বৰ্তমানলৈকে ভাৰতৰ অভিযান সন্তোষজনক নহয় ৷ মাত্ৰ 3 টা ব্ৰঞ্জৰ পদক লাভ কৰি ভাৰত বৰ্তমান পদক তালিকাত 54 নম্বৰ স্থানত আছে ৷ ভাৰতৰ 140 কোটি দেশবাসীৰ চকু এতিয়া তাৰকা জেভেলিন নিক্ষেপকাৰী তথা বৰ্তমানৰ অলিম্পিক চেম্পিয়ন নীৰজ চোপ্ৰাৰ ওপৰত ৷ টকিঅ’ অলিম্পিকত ঐতিহাসিক স্বৰ্ণ পদক লাভ কৰাৰ পাচত নীৰজ হৈ পৰিছে জাতীয় গৌৰৱৰ প্ৰতীক ৷ অনুৰাগীসকলে কৌতুহলী হৈ পৰিছে যে নীৰজে ইতিহাসৰ পুনৰাবৃত্তি কৰিব পাৰিবনে ?
Neeraj Chopra practicing hard!
— Mufaddal Vohra (@mufaddal_vohra) August 3, 2024
- Everyone is waiting for 8th August to see Neeraj in action. 🇮🇳pic.twitter.com/thRevK21dU
পেৰিছত কেতিয়া থ্ৰ’ কৰিব নীৰজ চোপ্ৰাই ?
6 আগষ্টত অনুষ্ঠিত হ’বলগীয়া জেভেলিন থ্ৰ’ প্ৰতিযোগিতাত অংশগ্ৰহণ কৰিব তাৰকা জেভেলিন থ্ৰ’ৱাৰ নীৰজ চোপ্ৰাই ৷ গ্ৰুপ এ-ৰ (A) অৰ্হতা ৰাউণ্ড দিনৰ 1.50 বজাৰ পৰা আৰম্ভ হ’ব আৰু একেদিনাই বিয়লি 3.20 বজাৰ পৰা গ্ৰুপ বি (B) আৰম্ভ হ’ব ৷ যদিহে নীৰজে অৰ্হতা ৰাউণ্ডৰ পৰা আগবাঢ়ি যায় তেন্তে 8 আগষ্টৰ নিশা 11.55 বজাৰ পৰা আৰম্ভ হ’বলগীয়া ফাইনেলত অংশগ্ৰহণ কৰিব ৷
নীৰজ চোপ্ৰাৰ পেৰিছ অলিম্পিক 2024 ৰ খেলখন ক'ত চাব ?
পেৰিছ অলিম্পিক 2024ত ভাৰতৰ কেইবাটাও স্পৰ্টছ18 নেটৱৰ্ক টিভি চেনেলত পোনপটীয়াকৈ সম্প্ৰচাৰ কৰা হৈছে ৷ পেৰিছ অলিম্পিক ইংৰাজীত স্পৰ্টছ18 1 আৰু স্পৰ্টছ18 1 এইচ ডিত সম্প্ৰচাৰ কৰা হৈছে, তামিল আৰু তেলুগু বিকল্পও উপলব্ধ ৷ স্পৰ্টছ18 আৰু স্পৰ্টছ18 2 এ খেলখন হিন্দীত উপস্থাপন কৰিব ৷ আপুনি নীৰজ চোপ্ৰাক এই সকলোবোৰ চেনেলত লাইভ চাবলৈ সক্ষম হ'ব ৷
नमस्कार, Paris! 🇮🇳🇫🇷
— Neeraj Chopra (@Neeraj_chopra1) July 30, 2024
Excited to finally reach the Olympic Games village. #Paris2024 pic.twitter.com/qinx6MsMDl
লগতে পঢ়ক : পেৰিছত তীব্ৰ গৰমে দহিছে ভাৰতীয় খেলুৱৈক, ক্ৰীড়া মন্ত্ৰালয়ে ল’লে বিশেষ পদক্ষেপ - Paris Olympics 2024
ভাৰতত ক'ত কৰিব লাইভ ষ্ট্ৰীমিং ?
আপুনি JioCinema app আৰু ৱেবছাইটত পেৰিছ অলিম্পিক 2024 ৰ লাইভ ষ্ট্ৰীমিং চাব পাৰিব, যিটো একেবাৰে বিনামূলীয়া ৷ ইয়াত নীৰজ চোপ্ৰাৰ লাইভ মেচখনো চাব পাৰিব ৷
টকিঅ’ অলিম্পিকত সৃষ্টি হোৱা ইতিহাস :
নীৰজ চোপ্ৰাই টকিঅ’ অলিম্পিক 2020ত এথলেটিকছত ভাৰতৰ হৈ প্ৰথমটো অলিম্পিক স্বৰ্ণ জয় কৰি ইতিহাসৰ সৃষ্টি কৰিছিল ৷ টকিঅ’ গেমছত আকৰ্ষণীয় প্ৰদৰ্শনৰ পিচত 2022 চনত ডাইমণ্ড লীগ খিতাপ আৰু 2023 চনত এছিয়ান গেমছৰ স্বৰ্ণ পদক লাভ কৰি জিলিকি উঠে নীৰজ ৷ এতিয়া তেওঁ জেভেলিন থ্ৰ’ত বৰ্তমানৰ বিশ্ব চেম্পিয়ন হিচাপে পেৰিছ অলিম্পিকত প্ৰৱেশ কৰিছে ৷
" neeraj chopra: time to rewrite history once again! 🔥
— Mr. RP (@ranjitp5252) August 3, 2024
all eyes are on the first #GOLD of this #ParisOlympics2024
Let's Cheer for Him, India 🇮🇳
Our Hopes are Sky-High! 🥹 🙌 pic.twitter.com/HpI7CCkb6K
সোণৰ পদকৰ আশাত 140 কোটি ভাৰতীয় :
ভাৰতে পুনৰবাৰ নীৰজ চোপ্ৰাৰ পৰা স্বৰ্ণ পদক আশা কৰিছে ৷ পেৰিছ অলিম্পিকত আন এক ঐতিহাসিক প্ৰদৰ্শন আগবঢ়োৱাৰ উদ্দেশ্যেৰে ভাৰতে নীৰজ চোপ্ৰাৰ ওপৰত চকু ৰাখিব ৷ দেশৰ আশাৰ বোজা নিজৰ কান্ধত লৈ নীৰজে আকৌ এবাৰ বিশ্বৰ সৈতে যুঁজিবলৈ সাজু হৈছে ৷
কিশোৰ জেনাইও অংশগ্ৰহণ কৰিব :
উল্লেখ্য যে নীৰজৰ লগতে কিশোৰ জেনাই পেৰিছ অলিম্পিকত পুৰুষৰ জেভলিন থ্ৰ’ প্ৰতিযোগিতাতো অংশগ্ৰহণ কৰিব ৷ হাংঝৌ এছিয়ান গেমছ 2023 ত নীৰজৰ পিচতে স্থান দখল কৰি জেনাই ভাৰতৰ হৈ ৰূপৰ পদক অৰ্জন কৰিছিল ৷
লগতে পঢ়ক : শক্তিশালী প্ৰদৰ্শনেও পদক দিব নোৱাৰিলে নিশান্তক - Paris Olympics 2024
