স্প’ৰ্টছ ডেস্ক, 7 ছেপ্টেম্বৰ: অন্তিম পৰ্যায়ত উপনীত হৈছে এছিয়ান স্প’ৰ্টছ জাৰ্ণেলিষ্ট ফেডাৰেচন(এ আই পি এছ এছিয়া) ৰ 25 তম বাৰ্ষিক অধিৱেশনৰ প্ৰস্তুতি ৷ 11-14 ছেপ্টেম্বৰৰ ভিতৰত আন্তঃৰাষ্ট্ৰীয় প্ৰতিনিধিসকলক অভিবাদন জনাব আয়োজক দেশ নেপালে ।
এই সন্দৰ্ভত নেপালৰ ক্ৰীড়া সাংবাদিক মঞ্চৰ সভাপতি দুৰ্গানাথ চুবেদীয়ে প্ৰকাশ কৰা অনুসৰি, নেপালৰ ইতিহাসত প্ৰথমবাৰৰ বাবে এনে হ’ব, য’ত ইউৰোপ আৰু এছিয়া দুয়োখন মহাদেশৰে প্ৰতিনিধিসকলে এই সন্মানীয় অনুষ্ঠানটোত অংশগ্ৰহণৰ উদ্দেশ্যে দেশখনত একত্ৰিত হ'ব ।
দেশখনৰ ৰাজধানী চহৰ কাঠমাণ্ডুৰ মনোৰম পৰিৱেশত অনুষ্ঠিত হ'বলগীয়া এই বাৰ্ষিক অধিৱেশনখনে এছিয়াত ক্ৰীড়া সাংবাদিকতাৰ বিকাশ আৰু প্ৰচাৰৰ বিষয়ে আলোচনা কৰাৰ ক্ষেত্ৰত এক মঞ্চ হিচাপে কাম কৰিব । ক্ৰীড়া সাংবাদিকতাত মহিলাসকলৰ বাবে প্ৰত্যাহ্বান আৰু সুযোগৰ মোকাবিলা কৰা এক মঞ্চ, যাৰ ভিতৰত আছে উদ্যোগটোত তেওঁলোকে সন্মুখীন হোৱা সমস্যাবোৰ হ’ব অনুষ্ঠানটোৰ এক গুৰুত্বপূৰ্ণ বিষয় ৷
এই আলোচনাৰ উপৰিও এইক্ষেত্ৰত সহযোগিতা বৃদ্ধিৰ বাবে কেইবাখনো বুজাবুজি চুক্তি স্বাক্ষৰ কৰা হ'ব । অধিৱেশনখনে এছিয়ান ইলেক্ট্ৰনিক ক্ৰীড়া ফেডাৰেচনৰ কাৰ্যকলাপৰ বিষয়তো অন্তৰ্দৃষ্টি প্ৰদান কৰিব । অনুষ্ঠানটোৰ তাৎপৰ্যৰ ওপৰত গুৰুত্ব আৰোপ কৰি প্ৰতিনিধিসকললৈ অলিম্পিক কাউন্সিল অৱ এছিয়া আৰু এছিয়ান ফুটবল কনফেডাৰেচনৰ বিশেষ বাৰ্তা প্ৰদান কৰা হ'ব ।
দুৰ্গানাথ চুবেদীয়ে নেপালৰ প্ৰাকৃতিক সৌন্দৰ্যৰ মাজত এনে এক বিশাল অনুষ্ঠান আয়োজন কৰি গৌৰৱ প্ৰকাশ কৰে ৷ যিখন দেশ ইয়াৰ ৰাজকীয় সৌন্দৰ্যৰে ভৰা পৰ্বতৰ বাবে জনাজাত, যাৰ ভিতৰত আছে আইক’নিক মাউণ্ট এভাৰেষ্ট আৰু প্ৰাকৃতিক নৈসৰ্গৰাজি । তেওঁ আলোকপাত কৰিছিল যে, প্ৰাকৃতিক দৃশ্যৰাজিয়ে এই ঐতিহাসিক সমাৱেশক এক উপযুক্ত পটভূমি প্ৰদান কৰিব ।
এ আই পি এছ এছিয়াৰ মহাসচিব আমজাদ আজিজ মালিকে পৰৱৰ্তী সংবাদমেলত এই অধিৱেশনৰ সন্দৰ্ভত অধিক তথ্য প্ৰদান কৰিব ৷ নেপাল ক্ৰীড়া সাংবাদিক মঞ্চৰ সৈতে এই অধিৱেশন এক স্মৰণীয় আৰু প্ৰভাৱশালী অনুষ্ঠানত পৰিণত হ’ব বুলি যি প্ৰতিশ্ৰুতি দিয়া হৈছে, তাৰ বাবে সকলো প্ৰস্তুতি নিশ্চিত কৰা হ’ব উক্ত সংবাদমেলত ।
লগতে পঢ়ক: চেম্পিয়নছ ট্ৰফীৰ ভাৰতৰ পাকিস্তান ভ্ৰমণ: অমিত শ্বাহে কৰিলে স্থিতি স্পষ্ট - CHAMPIONS TROPHY 2025
