স্প’ৰ্টছ ডেস্ক, 27 ছেপ্টেম্বৰ: ইণ্ডিয়ান প্ৰিমিয়াৰ লীগ 2025 সন্দৰ্ভত বি চি চি আইয়ে গ্ৰহণ কৰিছে এক বিশেষ সিদ্ধান্ত ৷ আই পি এলৰ পৰৱৰ্তী সংস্কৰণত খেলৰ সংখ্যা বৃদ্ধি কৰা হ’ব নে নহয়, সেই সন্দৰ্ভত এই সিদ্ধান্ত গ্ৰহণ কৰে ব’ৰ্ডখনে ।
এক প্ৰতিবেদন অনুসৰি, সমগ্ৰ ছিজনটোত অনুষ্ঠিত হ’ব 74 খন মেচ । এই সংখ্যা 2022 চনত অনুষ্ঠিত হোৱা মেচৰ সংখ্যাতকৈ মাত্ৰ 10 খনহে কম ৷ 2023-27 চনলৈকে সংবাদ মাধ্যমৰ প্ৰচাৰ স্বত্ব বিক্ৰীৰ সময়তে ৰাজহুৱা কৰা হয় এই সিদ্ধান্ত ৷
The BCCI has decided to continue with 74 matches in IPL 2025 instead of 84 matches due to players workload management..!!!! (ESPNcricinfo). pic.twitter.com/lviXxEP7t7
— Tanuj Singh (@ImTanujSingh) September 27, 2024
নতুন অধিকাৰ চক্ৰৰ নিবিদা নথিত আই পি এলে প্ৰতিটো ছিজনৰ বাবে মেচৰ সংখ্যা তালিকাভুক্ত কৰিছিল । ইয়াত 2023 আৰু 2024 চনত 74-74 খন মেচৰ কথা উল্লেখ কৰা হৈছে ৷ আনহাতে, 2025 আৰু 2026 চনত 84-84 খন মেচৰ কথা উল্লেখ কৰা হৈছে । আই পি এল 2027 ৰ বাবে নিবিদাত উল্লেখ কৰা হৈছে 94 খন খেলৰ কথা ।
কিন্তু প্ৰতিবেদনত উল্লেখ কৰা হৈছে যে, আই পি এল 2025 ৰ বাবে 84 খন মেচ অনুষ্ঠিত নকৰাৰ সিদ্ধান্ত গ্ৰহণ আই পি এলৰ আয়োজকৰ ৷ ইয়াৰ ফলত আন্তঃৰাষ্ট্ৰীয় খেলুৱৈসকলে নিজৰ কামৰ বোজা চম্ভালিব পাৰিব । তাৰোপৰি ভাৰত বৰ্তমান বিশ্ব টেষ্ট চেম্পিয়নশ্বিপ (WTC)ত শীৰ্ষত আছে ৷ গতিকে ফাইনেলত প্ৰৱেশৰ ক্ষেত্ৰত তেওঁলোকেই ফেভাৰিট । ভাৰতীয় ক্ৰিকেট নিয়ন্ত্ৰণ ব’ৰ্ডে বিচাৰিছে যে, ভাৰতীয় খেলুৱৈসকলে গুৰুত্বপূৰ্ণ মেচৰ প্ৰস্তুতিৰ বাবে লাভ কৰক পৰ্যাপ্ত জিৰণি ৷
NO INCREASE IN IPL MATCHES.
— Mufaddal Vohra (@mufaddal_vohra) September 27, 2024
- The BCCI has decided to continue with 74 matches for IPL 2025 instead of 84 due to players' workload management. (Espncricinfo). pic.twitter.com/SRoVr85eFX
উল্লেখ্য যে, বি চি চি আইৰ সম্পাদক জয় শ্বাহে যোৱা মাহত আই পি এলত খেলিবলগীয়া মেচৰ সংখ্যা সন্দৰ্ভত প্ৰকাশ কৰিছিল এক বিবৃতি ৷
শেহতীয়াকৈ বি চি চি আইৰ বিদায়ী সম্পাদক জয় শ্বাহে ইক’ন’মিক টাইমছক জনাইছে যে, "আমি আই পি এল 2025 ত 84 খন মেচ আয়োজন কৰাৰ সন্দৰ্ভত কোনো সিদ্ধান্ত গ্ৰহণ কৰা নাই ৷ কাৰণ মেচৰ সংখ্যা বৃদ্ধিৰ বাবে খেলুৱৈসকলৰ ওপৰত পৰা অতিৰিক্ত বোজা আমি মনত ৰাখিব লাগিব" ৷
ইক’ন’মিক টাইমছৰ সৈতে হোৱা এক সাক্ষাৎকাৰত তেওঁ কয় যে, "যদিও 84 খন মেচ চুক্তিৰ এক স্থায়ী অংশ, তথাপিও 74 বা 84 খন মেচ আয়োজন কৰিব বিচাৰিলে, তেন্তে সেয়া নিৰ্ভৰ কৰিব বি চি চি আইৰ ওপৰত" ৷
লগতে পঢ়ক: ক্ৰিকেটৰ পৰা অৱসৰ ঘোষণাৰ কিছুসময়ৰ পিছতে এইগৰাকী ক্ৰিকেটাৰক নতুন দায়িত্ব - IPL 2025
