টি 20 এছিয়া কাপত ভাৰত-পাকিস্তান মেচৰ সময়সূচী সলনি, 19 জুলাইত হ’ব আৰম্ভ - T20 Asia Cup 2024

Ind vs Pak Womens Cricket : এছিয়ান ক্ৰিকেট পৰিষদে ১৯ জুলাইৰ পৰা আৰম্ভ হ'বলগীয়া এছিয়া কাপৰ সময়সূচীত কিছু সালসলনি ঘটাইছে । পৰিৱৰ্তিত সূচীত ভাৰত-পাকিস্তানৰ মেচৰ নতুন তাৰিখ নিৰ্ধাৰণ কৰা হৈছে ।

স্প’ৰ্টছ ডেস্ক, ২৬ জুন : চলিত বৰ্ষৰ ১৯ জুলাইৰ পৰা আৰম্ভ হ'ব মহিলা টি-২০ এছিয়া কাপ । কিন্তু প্ৰতিযোগিতাখনৰ পূৰ্বে এছিয়ান ক্ৰিকেট পৰিষদে ইয়াৰ সময়সূচী সলনি কৰিছে । ভাৰত আৰু পাকিস্তানৰ মহিলা ক্ৰিকেট দল দুটাৰ মাজৰ মেচখনৰো সূচী সলনি কৰা হৈছে । নতুন সময়সূচী অনুসৰি এই মেচখন প্ৰতিযোগিতাখনৰ প্ৰথমদিনা, ১৯ জুলাইত অনুষ্ঠিত হ'ব ।

Here is the updated schedule for the ACC Women’s Asia Cup 2024. Brace yourselves for an action-packed tournament featuring the top 8 women's cricket teams in Asia. Mark your calendars, as it is going to kick off on July 19th, 2024, in Dambulla, Sri Lanka!#WomensAsiaCup2024 #ACC pic.twitter.com/GGBITRFCIv

— AsianCricketCouncil (@ACCMedia1) June 25, 2024

এতিয়া মহিলা টি-২০ এছিয়া কাপ ১৯ জুলাইত প্ৰাইম টাইম সূচীত ভাৰত আৰু পাকিস্তানৰ মাজৰ বহু অপেক্ষাৰত আৰু ৰোমাঞ্চকৰ মেচখনেৰে আৰম্ভ হ'ব । অৱশ্যে দুয়োটা দলৰ মাজত এইখন হ'ব দিনটোৰ দ্বিতীয়খন মেচ । দিনটোৰ আৰম্ভণিতে প্ৰতিযোগিতাখনৰ প্ৰথমখন মেচ সংযুক্ত আৰব আমিৰেটছ (ইউ এ ই) আৰু নেপালৰ মাজত অনুষ্ঠিত হ'ব ।

আঠটা দলে অংশগ্ৰহণ কৰিবলগীয়া প্ৰতিযোগিতাখনত ভাৰতীয় মহিলা ক্ৰিকেট দলটোৱে পাকিস্তান, ইউ এ ই আৰু নেপালৰ সৈতে গ্ৰুপ এত স্থান লাভ কৰিছে । গ্ৰুপ বিত আয়োজক শ্ৰীলংকাৰ সৈতে আছে বাংলাদেশ, মালয়েছিয়া আৰু থাইলেণ্ড । এছিয়ান ক্ৰিকেট কাউন্সিলে প্ৰস্তুত কৰা নতুন সূচী অনুসৰি, প্ৰতিটো গ্ৰুপৰ শীৰ্ষ দুটা দলে ছেমি ফাইনেলৰ বাবে যোগ্যতা অৰ্জন কৰিব । দুয়োখন ছেমি ফাইনেল 26 জুলাইত অনুষ্ঠিত হ'ব । আনহাতে, ফাইনেল মেচখন অনুষ্ঠিত হ'ব 28 জুলাইত । ভাৰতৰ আন মেচসমূহৰ ভিতৰত 21 জুলাইত ইউ এ ই আৰু 23 জুলাইত নেপালৰ বিৰুদ্ধে খেলিব ।

মহিলা টি-20 এছিয়া কাপ, 2024 সম্পূৰ্ণ সূচী :

তাৰিখ	সময়	দল	সময়	দল
19 জুলাই	2 বজা	ইউ এ ই বনাম নেপাল	7 বজা	ভাৰত বনাম পাকিস্তান
20 জুলাই	2 বজা	মালয়েছিয়া বনাম থাইলেণ্ড	7 বজা	শ্ৰীলংকা বনাম বাংলাদেশ
21 জুলাই	2 বজা	ভাৰত বনাম ইউ এ ই	7 বজা	পাকিস্তান বনাম নেপাল
22 জুলাই	2 বজা	শ্ৰীলংকা বনাম মালয়েছিয়া	7 বজা	বাংলাদেশ বনাম থাইলেণ্ড
23 জুলাই	2 বজা	পাকিস্তান বনাম ইউ এ ই	7 বজা	ভাৰত বনাম নেপাল
24 জুলাই	2 বজা	বাংলাদেশ বনাম মালয়েছিয়া	7 বজা	শ্ৰীলংকা বনাম থাইলেণ্ড
25 জুলাই	2 বজা	প্ৰথম ছেমি ফাইনেল	7 বজা	দ্বিতীয় ছেমি ফাইনেল
28 জুলাই	2 বজা	ফাইনেল

লগতে পঢ়ক :দক্ষিণ আফ্ৰিকাক ক্লিন ছুইপ ভাৰতীয় মহিলা ক্ৰিকেট দলৰ: অন্তিমখন এদিনীয়াত ৬ উইকেটত জয় ভাৰতৰ - INDW vs SAW লগতে পঢ়ক :ভাৰতীয় ক্ৰিকেট দলত স্থান লাভ ৰিয়ান পৰাগৰ: পুত্ৰৰ সাফল্যত গৌৰৱান্বিত পিতৃ-মাতৃ - Riyan Parag