স্প’ৰ্টছ ডেস্ক: ভাৰত আৰু পাকিস্তানৰ মাজত থকা মতবিৰোধৰ বাবে অনিশ্চয়তাত আছে চেম্পিয়নছ ট্ৰফী 2025 ৰ কাৰ্যসূচী ৷ পূৰ্বে বিষয়টোত আই চি চিৰ হস্তক্ষেপ দাবী কৰিছে পাকিস্তান ক্ৰিকেট ব’ৰ্ডে ৷
অনুষ্ঠানটো সুকলমে অনুষ্ঠিত কৰাৰ ক্ষেত্ৰত প্ৰত্যাহ্বান সৃষ্টি কৰিব পৰা বিষয়সমূহক সামৰি এক জৰুৰী বৈঠকৰ আহ্বান জনাইছে আই চি চিয়ে ৷ 26 নৱেম্বৰত অনুষ্ঠিত হ’বলগা এই বৈঠকত অংশগ্ৰহণৰ বাবে নিমন্ত্ৰণ জনোৱা হৈছে ভাৰতীয় ক্ৰিকেট নিয়ন্ত্ৰণ ব’ৰ্ডৰ লগতে পাকিস্তান ক্ৰিকেট ব’ৰ্ডক ৷
জৰুৰীকালীন বৈঠকৰ আহ্বান আই চি চিৰ
ই এছ পি এন ক্ৰিকইনফ’ৰ এক প্ৰতিবেদন অনুসৰি, চেম্পিয়নছ ট্ৰফী 2025 হাইব্ৰিড মডেলত অনুষ্ঠিত হ’ব নে নহয়, সেই সন্দৰ্ভত এই বৈঠকত আলোচনা কৰা হ’ব ৷
🚨 ICC CALLS EMERGENCY MEETING 🚨
— 𝙎𝙝𝙚𝙧𝙞 (@CallMeSheri1) November 22, 2024
- ICC has convened board meeting for Tuesday to determine the future of the Champions Trophy. (TOI) pic.twitter.com/VGcBpVwtvd
প্ৰতিযোগিতাখন আৰম্ভ হ’বলৈ 100 দিনতকৈও কম সময় বাকী আছে । পাকিস্তান ক্ৰিকেট ব’ৰ্ডে (পি চি বি) 19 ফেব্ৰুৱাৰীৰ পৰা 9 মাৰ্চলৈ প্ৰতিযোগিতাৰ কাৰ্যসূচী নিৰ্ধাৰণ কৰিছে ৷ অৱশ্যে, আই চি চিয়ে এতিয়ালৈকে আনুষ্ঠানিকভাৱে চেম্পিয়নছ ট্ৰফী সন্দৰ্ভত কোনো সূচী প্ৰকাশ কৰা নাই ।
পাকিস্তান ভ্ৰমণ কৰিবলৈ অস্বীকাৰ ভাৰতৰ
বি চি চি আইয়ে আই চি চি-ক সদৰী কৰা অনুসৰি, ভাৰত চৰকাৰে টীম ইণ্ডিয়াক পাকিস্তান ভ্ৰমণৰ বাবে অনুমতি প্ৰদান কৰা নাই ৷ 2021 চনৰ নৱেম্বৰত পাকিস্তানক চেম্পিয়নছ ট্ৰফী আয়োজনৰ দায়িত্ব অৰ্পণ কৰা হৈছিল ৷ ইতিমধ্যে দেশখনৰ তিনি স্থান ক্ৰমে লাহোৰ, কৰাচী আৰু ৰাৱালপিণ্ডিত সম্পূৰ্ণ প্ৰতিযোগিতাখন অনুষ্ঠিত কৰাৰ বাবে চলি আছে প্ৰস্তুতি ৷
The ICC set to hold an emergency meeting on 26th November with the BCCI and PCB for Champions Trophy. (India Today). pic.twitter.com/o3e5ymFmOJ
— Mufaddal Vohra (@mufaddal_vohra) November 22, 2024
বি চি চি আইৰ সৈতে আলোচনাৰ বাবে সাজু পি চি বি
চলিত সপ্তাহত পাকিস্তানৰ সংবাদ মাধ্যমৰ সৈতে হোৱা বাৰ্তালাপত পি চি বি-ৰ অধ্যক্ষ মহছিন নকভিয়ে কৈছিল যে, তেওঁ নিশ্চিত যে চেম্পিয়নছ ট্ৰফী পাকিস্তানত অনুষ্ঠিত হ'ব । পাকিস্তান চৰকাৰৰ আভ্যন্তৰীণ মন্ত্ৰালয়ৰ মুৰব্বী নকভিয়ে কয় যে তেওঁ বি চি চি আইৰ সৈতে আলোচনাত বহিবলৈ সাজু । পি চি বিয়ে সম্প্ৰতি আই চি চিৰ সঁহাৰিৰ বাবে অপেক্ষাৰত ৷ তদুপৰি ভাৰতক কিহৰ বাবে পাকিস্তানলৈ যোৱাত বাধা প্ৰদান কৰা হৈছে, তাক জানিবলৈ আগ্ৰহী ৷
Champions Trophy latest updates:
— Ahmad Haseeb (@iamAhmadhaseeb) November 22, 2024
- BCCI has started connecting with different cricket boards across the world.
- Jay Shah led ICC will have an all board meeting on Tuesday to discuss the future of the Champions Trophy. #ChampionsTrophy2025 #CT25 pic.twitter.com/2PXg71BOTU
হাইব্ৰিড মডেলত অনুষ্ঠিত হ’ব নেকি চেম্পিয়নছ ট্ৰফী ?
দ্বিতীয়বাৰৰ বাবে পাকিস্তানে ভাৰতৰ কাৰণে হাইব্ৰিড মডেলত কোনো প্ৰতিযোগিতা আয়োজন কৰাৰ ক্ষেত্ৰত প্ৰশ্নৰ সন্মুখীন হ’বলগীয়া হৈছে । যোৱা বছৰ ভাৰতে এছিয়া কাপৰ বাবে পাকিস্তানলৈ যাবলৈ অস্বীকাৰ কৰাত প্ৰতিযোগিতাখন পাকিস্তান আৰু শ্ৰীলংকাত হাইব্ৰিড মডেলত অনুষ্ঠিত হৈছিল । চেম্পিয়নছ ট্ৰফী 2025 হাইব্ৰিড মডেলৰ অধীনত অনুষ্ঠিত হ'ব নে নহয়, সেয়া এতিয়াই সঠিককৈ ক’ব নোৱাৰি ৷
লগতে পঢ়ক: ক্ৰিকেটাৰক থাকিবলৈ দিয়া হোটেলত অগ্নিকাণ্ড; বৃহৎ প্ৰতিযোগিতা বাতিল
