স্প’ৰ্টছ ডেস্ক, 20 ছেপ্টেম্বৰ: চেন্নাইৰ এম এ চিদাম্বৰম ষ্টেডিয়ামত ভাৰত-বাংলাদেশৰ মাজত অনুষ্ঠিত প্ৰথমখন টেষ্টৰ আজি দ্বিতীয়টো দিন ৷ মেচখনৰ প্ৰথম দিনটোত বিধ্বংসী বলিঙৰ জৰিয়তে ইতিহাস ৰচে বাংলাদেশৰ যুৱ দ্ৰুত বলাৰ হাছান মাহমুদে । মাহমুদৰ বলিঙত তিষ্ঠিব নোৱাৰি ছেদেলি-ভেদেলি হৈ পৰে ভাৰতৰ টপ অৰ্ডাৰ বেটছমেনসকল ৷
হাছান মাহমুদৰ ইতিহাস ৰচনা
ভাৰতত এখন টেষ্ট মেচৰ এটা ইনিংছতে 5 টাকৈ উইকেট দখল কৰা বাংলাদেশৰ প্ৰথমজন বলাৰত পৰিগণিত হয় হাছান মাহমুদ । বলাৰগৰাকীৰ বিধ্বংসী বলিঙৰ বাবে বাংলাদেশে টীম ইণ্ডিয়াক আটাইকেইটা উইকেটৰ বিনিময়ত প্ৰথম ইনিংছত 376 ৰাণত বান্ধি ৰাখিবলৈ সক্ষম হয় ৷
HISTORY AT CHEPAUK 👌
— Johns. (@CricCrazyJohns) September 20, 2024
Hasan Mahmud becomes the first Bangladesh bowler to take five wicket haul in India. pic.twitter.com/eEAyk3UFkm
নতুন বলৰ সৈতে সঠিকভাৱে বলিং কৰাৰ বাবে বিখ্যাত বাংলাদেশৰ সোঁহতীয়া দ্ৰুত বলাৰ মাহমুদে প্ৰথম ইনিংছত 22.2 অভাৰত 83 ৰাণৰ বিনিময়ত দখল কৰে 5 উইকেট ৷ ইয়াৰ উপৰিও 2007 চনৰ পিছত 17 বছৰত প্ৰথমবাৰৰ বাবে ভাৰতৰ বিৰুদ্ধে 5 টাকৈ উইকেট দখল কৰা এছিয়াৰ ফাষ্ট বলাৰত পৰিগণিত হয় বাংলাদেশৰ হাছান মাহমুদ ।
🥇 First 🇧🇩 bowler to pick up a Test five-for in India
— ESPNcricinfo (@ESPNcricinfo) September 20, 2024
☝ Back-to-back five-wicket hauls
24-year-old Hasan Mahmud wraps up the innings; India have been bowled out for 376 🎯 https://t.co/hBUP43TiZJ #INDvBAN pic.twitter.com/zSQt8IT4Ma
ভাৰতীয় শিবিৰত চাঞ্চল্যৰ সৃষ্টি
চেন্নাই টেষ্টত বাংলাদেশৰ অধিনায়ক নাজমুল হুছেইন শান্তোৱে টছত জয়লাভ কৰি প্ৰথমে বলিং কৰাৰ সিদ্ধান্ত লয় । মাহমুদে উদ্বোধনী টেষ্ট মেচখনতে ভাৰতীয় দলৰ অধিনায়ক ৰোহিত শৰ্মা, শুভমন গিল আৰু বিৰাট কোহলীৰ দৰে শীৰ্ষ বেটছমেনসকলৰ উইকেট দখল কৰি ভাৰতীয় শিবিৰত চাঞ্চল্যৰ সৃষ্টি কৰিছিল ।
Best bowling figures by a Bangladeshi bowler in India in Tests
— CricTracker (@Cricketracker) September 20, 2024
5/83 - Hasan Mahmud, Chennai, 2024
4/108 - Abu Jayed, Indore, 2019
3/55 - Taskin Ahmed, Chennai, 2024
3/85 - Al-Amin Hossain, Kolkata, 2019
3/91 - Ebadot Hossain, Kolkata, 2019 pic.twitter.com/HsA2MPPEbq
ইয়াৰ পাছতেই 24 বছৰীয়া খেলুৱৈগৰাকীয়ে প্রথম দিনৰ দ্বিতীয় চেছনৰ আৰম্ভণিতে পুনৰ প্রত্যাৱর্তন ঘটাই বিপজ্জনক বেটছমেন ঋষভ পন্তৰ উইকেট দখল কৰে ৷ সেই সময়ত ভাৰতৰ দলীয় স্ক’ৰ আছিল 4 উইকেটত 96 ৰাণ ৷ অৱশ্যে ইয়াৰ পিছতে ভাৰতীয় দলটোৱে এক সন্তোষজনক স্থিতিত উপনীত হয় ৷ সেই সময়ত ভাৰতে সপ্তমটো উইকেটত 199 ৰাণৰ বৃহৎ অংশীদাৰিত্বৰে বাংলাদেশক ঠেলি দিয়ে বেকফুটত ।
টেষ্টত 5 উইকেট দখল কৰা প্ৰথমগৰাকী বাংলাদেশী বলাৰ
শুকুৰবাৰে চেন্নাই টেষ্টৰ দ্বিতীয় দিনা মাহমুদে যশপ্ৰীত বুমৰাহৰ ৰূপত দখল কৰে পঞ্চমটো উইকেট ৷ টেষ্ট ইনিংছত 83 ৰাণৰ বিনিময়ত 5 টা উইকেট দখল কৰা প্ৰথমগৰাকী বাংলাদেশী বলাৰ হৈছে হাছান মাহমুদ । ভাৰতৰ বিৰুদ্ধে বাংলাদেশৰ এজন বলাৰৰ এয়া হৈছে পঞ্চম শ্ৰেষ্ঠ বলিং প্ৰদৰ্শন ।
- Five wicket haul in Pakistan.
— Johns. (@CricCrazyJohns) September 20, 2024
- Five wicket haul in India.
Hasan Mahmud, just 24 years old, the future of Bangladesh Cricket is here. 🔥 pic.twitter.com/W5Oq9fl73k
দ্বিতীয়বাৰৰ বাবে 5 টা উইকেট দখল
মাহমুদৰ বাবে শেহতীয়া দুটা ইনিংছত 5 টা উইকেট দখল কৰাটো আছিল বলাৰগৰাকীৰ দ্বিতীয়টো কৃতিত্ব । ইয়াৰ পূৰ্বে তেওঁ পাকিস্তানৰ বিৰুদ্ধে 43 ৰাণ ব্যয় কৰি প্ৰথমখন টেষ্টত 5 টা উইকেট দখল কৰিছিল ৷
লগতে পঢ়ক: চেন্নাই টেষ্টত বুুমৰাহৰ ধুমুহা; সামাজিক মাধ্যমত ভিডিঅ’ ভাইৰেল - IND VS BAN 1ST TEST
