স্প’ৰ্টছ ডেস্ক: এগৰাকী প্ৰাক্তন ৰঞ্জী খেলুৱৈ তথা মন্ত্ৰীৰ ভাষ্যই তোলপাৰ লগাইছে ক্ৰিকেট খেলুৱৈসকলৰ মাজত ৷ খেলুৱৈ নিৰ্বাচনৰ পূৰ্বে ধন দাবী কৰাৰ অভিযোগ উত্থাপন কৰিছে এইগৰাকী প্ৰাক্তন মন্ত্ৰীয়ে ৷ পিছে কাৰ বিৰুদ্ধে উত্থাপিত হৈছে ধন দাবীৰ অভিযোগ ?
উত্থাপিত অভিযোগ অনুসৰি, অনুৰ্ধ 16 শাখাত কোনো খেলুৱৈয়ে ক্ৰিকেট খেলিব বিচাৰিলে প্ৰায় 6 লাখ টকা দিব লাগিব ৷ তেনেদৰে, অনুৰ্ধ-19 শাখাত খেলিব বিচাৰিলে 30 লাখ আৰু ৰঞ্জী খেলিব বিচাৰিলে কোনো খেলুৱৈয়ে পৰিশোধ কৰিব লাগিব 30 ৰ পৰা 50 লাখ টকা ৷
খেলুৱৈ নিৰ্বাচনৰ ক্ষেত্ৰত ধন দাবী কৰাৰ ঘটনা কোনো নতুন নহয় ৷ পিছে এই ভয়ংকৰ কেলেংকাৰী সংঘটিত হোৱাৰ কথা পোহৰলৈ আনিছে উত্তৰ প্ৰদেশৰ প্ৰাক্তন ক্ৰিকেটাৰ তথা মন্ত্ৰী মহছিন ৰাজাই ৷ উত্তৰ প্ৰদেশ ক্ৰিকেট সংস্থাৰ বিৰুদ্ধে উত্থাপিত হৈছে এই বিস্ফোৰক অভিযোগ ৷
কংগ্ৰেছৰ শীৰ্ষ নেতাৰ হস্তক্ষেপ
মহছিন ৰাজাই এই বিষয়ত কৈছিল যে, "উত্তৰ প্ৰদেশ ক্ৰিকেট সংস্থাৰ প্ৰেক্ষাপট বিগত কিছুবছৰৰ পৰা সলনি হ’বলৈ ধৰিছে । মই অতীতত এগৰাকী ক্ৰিকেটাৰ আছিলো । সেইকাৰণে খেলুৱৈসকলে মোৰ সৈতে যোগাযোগ কৰিছিল ।এই সকলোবোৰ বিষয়ৰ বিষয়ে অৱগত কৰা হৈছে । যেতিয়া আৰ টি আইৰ জৰিয়তে তথ্য লোৱা হৈছিল, দেখা গৈছিল যে এইটো সেই প্ৰতিষ্ঠান নহয়, যাৰ অধীনত আমি খেলিছিলো । ইয়াৰ পৰিচালক মণ্ডলী আছে । এগৰাকী শীৰ্ষ কংগ্ৰেছ নেতাৰ ইয়াত হস্তক্ষেপ আছে" ।
2005 চনত কংগ্ৰেছ নেতাসকলে তদানীন্তন উত্তৰ প্ৰদেশ ক্ৰিকেট সংস্থাৰ সম্পাদক জ্যোতি বাজপেয়ীৰ সহায়ত আগবাঢ়ি গৈছিল বুলিও তেওঁ লগতে কয় ।
ক্ৰিকেটাৰৰ বাছনিত লাখ লাখ টকাৰ লেনদেন
সংগঠনটো ব্যক্তিগত সম্পত্তিৰ দৰে ব্যৱহাৰ কৰি তাৰ পৰা বহিস্কাৰ কৰিছিল জ্যোতি বাজপেয়ীক ৷ পৰৱৰ্তী সময়ত ৰাজ্যখনৰ যুৱক-যুৱতীসকলক এটা ব্যক্তিগত সীমিত কোম্পানী গঠন কৰি বিপথে পৰিচালিত কৰা হৈছিল । অভিযোগ অনুসৰি, শীৰ্ষ কংগ্ৰেছ নেতাগৰাকীৰ ব্যক্তিগত সহায়কে এই সকলো ধনৰ লেনদেন কৰিছিল ৷ শিশুসকলক ক্ৰিকেটত অন্তৰ্ভুক্ত কৰাৰ নামত সংগ্ৰহ কৰিছিল নগদ ধন আৰু তাৰপিছত তেওঁলোকক শোষণ কৰা হৈছিল ৷
চমুকৈ অভিযোগবোৰ নিম্নলিখিত ধৰণৰ:
- শিশুৰ পৰা টকা লোৱা আৰু তেওঁলোকক দলত বাছনি কৰা ।
- অনুৰ্ধ-16 দলত বাছনিৰ বাবে 6 লাখ টকাৰ উৎকোচ ।
- অনুৰ্ধ-19 ত খোৱাৰ বাবে 20 লাখ টকাৰ উৎকোচ ।
- অনুৰ্ধ-23 দলৰ বাবে 30 লাখ টকাৰ উৎকোচ ।
- ৰঞ্জী খেলিবলৈ 30 ৰ পৰা 50 লাখ টকা নীতি বহিৰ্ভূতভাৱে গ্ৰহণ ৷
- এই সকলোবোৰৰ আঁৰত আছে কংগ্ৰেছৰ এগৰাকী শীৰ্ষ নেতা ৷
চিঠি পঢ়ি উত্তৰ দিব ইউ পি চি এ-য়ে
উত্তৰ প্ৰদেশ ক্ৰিকেট সংস্থাৰ এ চি ই অ' অংকিত চেটাৰ্জীয়ে কৈছিল যে, "আমি এইমাত্ৰ মহছিন ৰাজাৰ পৰা পত্ৰখন পাইছো । এই সন্দৰ্ভত সম্পূৰ্ণ তদন্ত কৰা হৈছে । পত্ৰখনৰ তথ্যবোৰ পৰীক্ষা কৰা হৈছে । পিছত এক বিতং সঁহাৰি দিয়া হ'ব । এই বিষয়ত এতিয়াই বেছি ক'ব নোৱাৰি" ৷
লগতে পঢ়ক: মহিলা নহয় পুৰুষহে; চিকিৎসা বিজ্ঞানে উদঙালে স্বৰ্ণজয়ী বক্সাৰ ইমান খালিফৰ প্ৰকৃত সত্য
