স্প’ৰ্টছ ডেস্ক, 25 আগষ্ট: পাকিস্তানৰ বিৰুদ্ধে দুখন মেচৰ শৃংখলাৰ প্ৰথমখন টেষ্টত বাংলাদেশে 30 ৰাণৰ সহজ লক্ষ্য আগত লৈ 10 উইকেটত জয় লাভ কৰে ৷ টেষ্ট ক্ৰিকেটত পাকিস্তানৰ বিৰুদ্ধে এয়া বাংলাদেশৰ প্ৰথমটো জয় আছিল । এই পৰাজয়ৰ সৈতে পাকিস্তানে নিজৰ ঘৰৰ মাটিত হতাশাজনক প্ৰদৰ্শন অব্যাহত ৰাখিছে ।
বাংলাদেশৰ বিৰুদ্ধে 10 উইকেটত পৰাস্ত পাকিস্তান
এই মেচখনত বাংলাদেশে টছত জয়ী হৈ আয়োজক দলক প্ৰথমে বেটিং কৰিবলৈ আমন্ত্ৰণ জনায় । চাউদ চাকিল(141) আৰু মহম্মদ ৰিজৱানৰ(171 নট আউট) অংশীদাৰিত্বৰ বাবে পাকিস্তানে 448/6 ৰাণত প্ৰথম ইনিংছ ঘোষণা কৰে । বাংলাদেশৰ হৈ শ্বৰিফুল ইছলাম আৰু হাছান মাহমুদে দুটাকৈ উইকেট দখল কৰে ৷ আনহাতে, মেহিদী হাছান মিৰাজ আৰু চাকিব আল হাছানে এটাকৈ উইকেট দখল কৰে ।
Bangladesh 🆚 Pakistan | 1st Test | Rawalpindi
— Bangladesh Cricket (@BCBtigers) August 25, 2024
Bangladesh won by 10 wickets 👏🇧🇩
PC: PCB#BCB #Cricket #BDCricket #Bangladesh #PAKvBAN #WTC25 pic.twitter.com/yqNmaQ6rsL
বাংলাদেশৰ হৈ ৰহিমৰ 191 ৰাণৰ দৰ্শনীয় ইনিংছ
উইকেটকীপাৰ মুশফিকুৰ ৰহিমৰ 191 ৰাণৰ দৰ্শনীয় ইনিংছৰ বাবে বাংলাদেশে প্ৰথম ইনিংছত মুঠ 565 ৰাণ সংগ্ৰহ কৰে । লিটন দাস, মেহিদী হাছান মিৰাজ আৰু মমিনুল হকে অৰ্ধশতক অৰ্জন কৰাৰ বিপৰীতে নাছিম শ্বাহে পাকিস্তানৰ হৈ তিনিটা উইকেট দখল কৰে । প্ৰথম ইনিংছত বাংলাদেশৰ 117 ৰাণৰ অগ্ৰগতি আছিল ।
Bangladesh win the first Test by 10 wickets 🏏#PAKvBAN | #TestOnHai pic.twitter.com/436t7yBaQk
— Pakistan Cricket (@TheRealPCB) August 25, 2024
বাংলাদেশৰ আগত 30 ৰাণৰ সহজ লক্ষ্য
প্ৰথম ইনিংছত বাংলাদেশক পিছ পেলাই পাকিস্তানে দ্বিতীয় ইনিংছত 146 ৰাণ সংগ্ৰহ কৰে । বাংলাদেশৰ হৈ মেহিদী হাছান মিৰাজে চাৰিটা উইকেট দখল কৰে । পাকিস্তানে বাংলাদেশক 30 ৰাণৰ লক্ষ্য বান্ধি দিছিল । ভ্ৰমণকাৰী দলটোৱে কোনো উইকেটৰ পতন নঘটাকৈ 30 ৰাণৰ সহজ লক্ষ্যত উপনীত হয় ৷ ইয়াৰ লগে লগে বাংলাদেশে শৃংখলাটোত 1-0 ৰ অগ্ৰগতি লাভ কৰে ।
