স্প’ৰ্টছ ডেস্ক, 12 ছেপ্টেম্বৰ: শ্ৰীনগৰৰ বক্সী ষ্টেডিয়ামত 9 অক্টোবৰৰ পৰা 16 অক্টোবৰলৈ অনুষ্ঠিত হ’ব লেজেণ্ডছ লীগ ক্ৰিকেট(এল এল চি) টুৰ্ণামেণ্ট ৷ প্ৰতিযোগিতাখনত 7 খন খেল অনুষ্ঠিত হ'ব, য’ত উপস্থিত থাকিব বিভিন্ন আন্তঃৰাষ্ট্ৰীয় ক্ৰিকেট তাৰকাসকল ৷
লেজেণ্ডছ লীগ ক্ৰিকেটৰ সহ-প্ৰতিষ্ঠাপক ৰমেন ৰহেজাই ভাৰতৰ প্ৰাক্তন খেলুৱৈ মহম্মদ কাঈফ আৰু নমন ওজাৰ সৈতে বৃহস্পতিবাৰে এখন সংবাদমেল সম্বোধন কৰি প্ৰকাশ কৰে এই কথা ।
প্ৰতিযোগিতাখন 20 ছেপ্টেম্বৰত যোধপুৰত আৰম্ভ হ’ব ৷ পৰৱৰ্তী সময়ত চুৰাটত অনুষ্ঠিত হ’ব প্ৰতিযোগিতাৰ ছয়খন খেল ৷ লীগৰ সকলো খেল শেষ হোৱাৰ পিছত ফাইনেল মেচখন অনুষ্ঠিত হ’ব জম্মু আৰু শ্ৰীনগৰত ।
পাকিস্তানক বাদ দি 30 খন দেশৰ প্ৰায় 124 গৰাকী ক্ৰিকেটাৰে এল এল চি-ৰ তৃতীয় ছিজনত অংশগ্ৰহণ কৰিব । এই প্ৰতিযোগিতাখনত অংশগ্ৰহণ কৰা কেইগৰাকীমান আন্তঃৰাষ্ট্ৰীয় তাৰকা ক্ৰিকেটাৰৰ ভিতৰত আছে- উপুল থাৰংগা, তিলকৰতনে দিলশান, ইৰফান পাঠান, ইউছুফ পাঠান, ইয়ান বেল আৰু অন্যান্যসকল ।
ৰাহেজাই সদৰী কৰা অনুসৰি, চাৰিখন চহৰত অনুষ্ঠিত হ’ব 25 খন মেচ ৷ তদুপৰি শীৰ্ষ দুটা দলে 16 অক্টোবৰত বক্সী ষ্টেডিয়ামত অনুষ্ঠিত হ’বলগীয়া ফাইনেল মেচত অংশগ্ৰহণ কৰিব ৷
প্ৰতিযোগিতাখনৰ তৃতীয় পৰ্যায় 3 অক্টোবৰৰ পৰা 8 অক্টোবৰলৈ জম্মুৰ মৌলানা আজাদ ষ্টেডিয়ামত অনুষ্ঠিত হ'ব ৷ তাৰপিছত শ্ৰীনগৰত অন্তিম সাতখন খেল অনুষ্ঠিত হ'ব ।
ৰহেজাই শ্বেৰ-ই-কাশ্মীৰ ক্ৰিকেট ষ্টেডিয়ামৰ পৰিৱৰ্তে বক্সী ষ্টেডিয়াম বাছনি কৰাৰ সিদ্ধান্তৰ বিষয়েও সংবাদমেলত সদৰী কৰে ৷ তেওঁ কয়, "এইখন মূলতঃ এখন ফুটবল খেলপথাৰ । আমেৰিকাত দেশখনৰ কিউৰেটৰসকলে পিটছখন ক্ৰিকেটৰ বাবে উপযুক্ত কৰি তুলিবলৈ কাম কৰি আছে আৰু লগতে ইয়াক ফুটবলৰ বাবে বহুমুখী কৰি ৰাখিছে ৷ শ্বেৰ-ই-কাশ্মীৰ ক্ৰিকেট ষ্টেডিয়ামৰ তুলনাত ইয়াৰ আকাৰ বৃহৎ হোৱাৰ বাবে বক্সী ষ্টেডিয়ামখন বাছনি কৰা হৈছে ৷ এইখন ষ্টেডিয়ামত 30,000 ৰো অধিক দৰ্শকে একেলগে বহি মেচ উপভোগ কৰিব পাৰিব ৷ কিন্তু শ্বেৰ-ই-কাশ্মীৰ ক্ৰিকেট ষ্টেডিয়াম মাত্ৰ 13,000 দৰ্শকৰ বাবেহে আসনৰ সুবিধা আছে" ।
নিৰাপত্তা ৰক্ষাৰ বিষয়টো উল্লেখ কৰি ৰাহেজাই জনায় যে, কেভিন পিটাৰছনে বিগত সময়ত জম্মু-কাশ্মীৰত থকাৰ সময় বৃদ্ধি কৰাৰ ইচ্ছা প্ৰকাশ কৰিছিল । তেওঁ ক্ৰীড়া পৰিষদ আৰু স্থানীয় প্ৰশাসনৰ সম্পূৰ্ণ সহযোগিতা আৰু সমৰ্থনৰ ওপৰতো আলোকপাত কৰি কয়, "শিখৰ ধৱন, ক্ৰিছ গেইল, সুৰেশ ৰাইনা, দীনেশ কাৰ্তিক, ইয়ান বেল আৰু হৰভজন সিঙৰ দৰে ক্ৰিকেট কিংবদন্তীয়ে এল এল চি-ত ছয়টা পৃথক ফ্ৰেঞ্চাইজিক প্ৰতিনিধিত্ব কৰিব" ৷
এই প্ৰতিযোগিতাখনত ছয়টা মুখ্য দল জড়িত থাকিব । এই দলবোৰৰ ভিতৰত আছে ইণ্ডিয়া কেপিটেলছ, গুজৰাট জায়েণ্টছ আৰু কোণাৰ্ক সূৰ্য । লগতে আছে মণিপাল টাইগাৰ্ছ, ছাউদাৰ্ণ চুপাৰ ষ্টাৰ আৰু আৰ্বান ৰাইজাৰ হায়দৰাবাদ । এল এল চি-ৰ পূৰ্বৰ সংস্কৰণত গৌতম গম্ভীৰ, এৰন ফিঞ্চ, মাৰ্টিন গাপ্টিল, হাছিম আমলা, ৰছ টেইলৰ আদিৰ দৰে আন্তৰ্জাতিক তাৰকাসহ 200 ৰো অধিক খেলুৱৈ আছিল ৷
