নিউজ ডেস্ক, 27 ফেব্ৰুৱাৰী: উত্তৰ প্ৰদেশ, কৰ্ণাটক আৰু হিমাচল প্ৰদেশৰ ৰাজ্যসভাৰ পোন্ধৰখন আসনৰ বাবে মঙলবাৰে অনুষ্ঠিত হয় নিৰ্বাচন ৷ ক্ৰছ ভোটদানৰ উদ্বেগৰ মাজতে অনুষ্ঠিত হোৱা ভোটগ্ৰহণত তীব্ৰ প্ৰতিদ্বন্দিতা দেখা গৈছে । উল্লেখ্য যে উচ্চ সদনত মঙলবাৰে পুৱা ৯ বজাত ভোটদান প্ৰক্ৰিয়া আৰম্ভ হয় । ইতিমধ্যে ভোটগণনা আৰম্ভ হৈছে আৰু ফলাফলসমূহো ক্ৰমান্বয়ে ঘোষণা কৰি থকা হৈছে ।
- " class="align-text-top noRightClick twitterSection" data="">
ফলাফল অনুসৰি উত্তৰ প্ৰদেশত ৰাজ্যসভাৰ ১০ খন আসনৰ ভিতৰত ৮ খনত জয়লাভ কৰিছে বিজেপিয়ে । বিপৰীতে সমাজবাদী পাৰ্টি (এছপি)য়ে ২ খন আসনত জয়লাভ কৰিছে।
হিমাচল প্ৰদেশত বিজেপি প্ৰাৰ্থী হৰ্ষ মহাজনে জয়লাভ কৰিছে । তেওঁ কংগ্ৰেছ প্ৰাৰ্থী অভিষেক মনু সিংভিৰ বিৰুদ্ধে প্ৰতিদ্বন্দিতা কৰিছিল । দিনটোৰ আৰম্ভণিতে নজন বিধায়কে বিজেপিৰ পক্ষত ভোট দিয়াৰ পিচত কংগ্ৰেছে পৰাজয়ৰ সন্মুখীন হ'বলগা হয় । সিংভি আৰু মহাজন দুয়োগৰাকীয়ে ৩৪ টা কৈ ভোট লাভ কৰে । তাৰ পিচত বহুতো ড্ৰ’ কৰা হৈছিল য'ত মহাজনক বিজয়ী ঘোষণা কৰা হৈছিল ।
হিমাচলৰ মুখ্য নিৰ্বাচনী বিষয়া মনীষ গাৰ্গৰ মতে যদি ভোটৰ সংখ্যা সমান হয়, তেন্তে লটাৰী প্ৰক্ৰিয়া গ্ৰহণ কৰা হ'ব । দুয়োজন প্ৰাৰ্থীৰ সন্মতিক্ৰমে সেই সিদ্ধান্ত গ্ৰহণ কৰা হ’ব । যাৰ পিচত স্লিপবোৰ প্ৰাৰ্থী আৰু প্ৰাৰ্থী দুয়োজনৰ নামত ৰখা হ'ব ৷ তাৰ যাৰ নাম ওলাই আহিব তেওঁকেই বিজয়ী হিচাপে গণ্য কৰা হ'ব । গাৰ্গৰ মতে, নিৰ্বাচনী প্ৰক্ৰিয়াৰ নিয়ম পুস্তিকা অনুসৰি সমান সংখ্যক ভোটৰ ক্ষেত্ৰত লটাৰী প্ৰক্ৰিয়া গ্ৰহণ কৰা হয় ।
আনহাতে কৰ্ণাটকৰ ৰাজ্যসভা নিৰ্বাচনত কংগ্ৰেছে তিনিখন আৰু বিজেপিয়ে এখন আসন লাভ কৰে । কংগ্ৰেছৰ অজয় মাকেন, জি চি চন্দ্ৰশেখৰ, চৈয়দ নাছিৰ হুছেইন আৰু বিজেপিৰ নাৰায়ণচা কে ভাণ্ডাগে কৰ্ণাটকৰ ৰাজ্যসভা নিৰ্বাচনত জয়ী হৈছে ।
লগতে পঢ়ক: অখিলেশৰ শিবিৰত মোক্ষম আঘাত, কোনে এৰিব মুলায়ম পুত্ৰৰ সংগ !
