চিটাৰা ডেস্ক, 8 মে’ : ‘হীৰামাণ্ডী’ ৰ অভিনেতা শেখৰ সুমনে মঙলবাৰে ভাৰতীয় জনতা পাৰ্টিত যোগদান কৰে । যোগদানৰ পিচতেই দলটোৰ হৈ কাম কৰিবলৈ আনুগত্য প্ৰকাশ কৰে অভিনেতা তথা ন বিজেপি কৰ্মীগৰাকীয়ে ৷ শেখৰ সুমনে তেওঁৰ পুত্ৰ অধ্যয়ন সুমনৰ প্ৰাক্তন প্ৰেমিকা কংগনা ৰাণাৱটৰ পক্ষত প্ৰচাৰ অভিযান চলাবলৈ ইচ্ছা প্ৰকাশ কৰে ৷
উল্লেখ্য যে, কংগনা ৰাণাৱট আৰু শেখৰ সুমন এতিয়া একেটা ৰাজনৈতিক দলৰ সদস্য । দলত অন্তৰ্ভুক্তিৰ সময়ত শেখৰক এটা সংবাদ সংস্থাই সুধিছিল যে, তেওঁ কংগনাৰ হৈ মাণ্ডিত প্ৰচাৰ চলাব নেকি ৷ যিহেতু তেওঁলোকৰ মাজত পূৰ্বতে মতভেদ থকা দেখা গৈছিল ৷
তেওঁ লগে লগে কয়, "যদি তেওঁ মোক নিমন্ত্ৰণ কৰে তেন্তে মই কিয় নাযাম ? এয়া মোৰ দায়িত্ব আৰু মোৰ অধিকাৰ" ৷ ৰাজ: দ্য মিষ্ট্ৰী কণ্টিনিউছৰ চিত্ৰগ্ৰহণৰ সময়ত কংগনাই ২০০৮-০৯ চনত কেইমাহমানৰ বাবে অধ্যয়নৰ লগত প্ৰেমৰ সম্পৰ্কত আছিল ৷ তেওঁলোকৰ বিচ্ছেদৰ পিছত অধ্যয়ন আৰু শেখৰে কংগনাৰ বিৰুদ্ধে ক'লা যাদু কৰাৰ অভিযোগ উত্থাপন কৰিছিল ।
বিজেপিত যোগদান কৰাৰ পূৰ্বে শেখৰে কংগনালৈ অ’লিভৰ এটা শাখা সম্প্ৰসাৰিত কৰিছিল । তেওঁ কৈছিল, "আমি পুৰণা কথা ধৰি থকা নাই । অধ্যয়নেও পুৰণা কথা ধৰি থকা নাই ৷ মই ভাবো এইবোৰ কথা আলোচনা কৰাটো অৰ্থহীন । মই বিশ্বাস কৰো যে সেইটো সময়ৰহে দাবী আছিল ৷ কেতিয়াবা এনেকুৱা ঘটনা হয়, কিন্তু তাৰপিচত ই শেষো হয়" ৷
পেছাদাৰী ক্ষেত্ৰত কংগনাক পৰৱৰ্তী সময়ত আহিবলগীয়া ছবি ইমাৰজেন্সীত প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰা দেখা যাব ৷ আনহাতে শেখৰক শেষবাৰৰ বাবে হীৰামাণ্ডীত দেখা গৈছিল ।
লগতে পঢ়ক: দিল্লীৰ দলৰ মুখ্য কাৰ্যালয়ত বিজেপিত যোগদান শেখৰ সুমনৰ - Shekhar Suman joins BJP
