নিউজ ডেস্ক, ৮ এপ্ৰিল: ২০২৪ চনৰ প্ৰথম পৰ্যায়ৰ লোকসভা নিৰ্বাচনত প্ৰতিদ্বন্দ্বিতা কৰা মুঠ ১৬১৮ জনৰ ভিতৰত ২৫৬ জন প্ৰাৰ্থীয়েই নিজৰ বিৰুদ্ধে অপৰাধমূলক গোচৰ থকাৰ কথা ঘোষণা কৰিছে । বিজেপি প্ৰাৰ্থীৰ বিৰুদ্ধে সৰ্বাধিক অপৰাধমূলক গোচৰ ৰুজু হৈ আছে । তাৰ পিচতে কংগ্ৰেছ, এআইএডিএমকে, এছপি আৰু অন্যান্য । প্ৰথম পৰ্যায়ত মুঠ ১৬১৮ জনৰ ভিতৰত মাত্ৰ ১৩৫ (৮%) মহিলা প্ৰাৰ্থী ।
- " class="align-text-top noRightClick twitterSection" data="">
সোমবাৰে প্ৰকাশিত নিৰ্বাচনী সংস্কাৰৰ বাবে কাম কৰা সংস্থা 'এছ'চিয়েশ্যন ফৰ ডেম'ক্ৰেটিক ৰিফৰ্মছ' (এডিআৰ)ৰ এক প্ৰতিবেদন অনুসৰি প্ৰধান দলসমূহৰ ভিতৰত আৰজেডিৰ ৪ জন প্ৰাৰ্থীৰ ভিতৰত ৪ জন (১০০%), ডি এম কেৰ ২২ জনৰ ভিতৰত ১৩ জন (৫৯%), সমাজৱাদী পাৰ্টী (এছ পি)ৰ ৭ জনৰ ভিতৰত ৩ (৪৩%), এ আই টি চিৰ ৫ জনৰ ভিতৰত ২ (৪০%), বিজেপিৰ ৭৭ জনৰ ভিতৰত ২৮ (৩৬%), ৩৬ জনৰ ভিতৰত ১৩ (৩৬%) আইএডিএমকে, কংগ্ৰেছৰ ৫৬ জন প্ৰাৰ্থীৰ ভিতৰত ১৯ (৩৪%) আৰু বিএছপিৰ ৮৬ জন প্ৰাৰ্থীৰ ভিতৰত ১১ (১৩%) প্ৰাৰ্থীয়ে নিজৰ বিৰুদ্ধে অপৰাধমূলক গোচৰ থকাৰ কথা ঘোষণা কৰিছে ।
মুঠ ১৬১৮ জনৰ ভিতৰত ৭ গৰাকী প্ৰাৰ্থীৰ বিৰুদ্ধে হত্যাৰ সৈতে জড়িত গোচৰ ৰুজু হৈ আছে । ১৯ জনৰ হত্যাৰ চেষ্টাৰ সৈতে জড়িত, ১৮ গৰাকী প্ৰাৰ্থীৰ বিৰুদ্ধে মহিলাৰ বিৰুদ্ধে অপৰাধ আৰু অন্যান্যৰ বিৰুদ্ধে বিভিন্ন গোচৰ ৰুজু হৈ আছে ।
স্বঘোষিত অপৰাধমূলক গোচৰ থকা ৰাজ্যভিত্তিক প্ৰাৰ্থীৰ ক্ষেত্ৰত তামিলনাডুৱে শীৰ্ষ তালিকাত স্থান লাভ কৰিছে আৰু ৯৪৫ জনৰ বিৰুদ্ধে ১৩৮ (১৫%) জনৰ বিৰুদ্ধে অপৰাধমূলক গোচৰ আছে । উত্তৰ প্ৰদেশে মুঠ ৮৮ গৰাকীৰ ভিতৰত ২৮ গৰাকীয়ে (৩৫%) তেওঁলোকৰ বিৰুদ্ধে অপৰাধমূলক গোচৰ ঘোষণা কৰিছে ।
আৰ্থিক পটভূমি: প্ৰথম পৰ্যায়ৰ হাই ভল্টেজ লোকসভা নিৰ্বাচনৰ বাবে এই প্ৰাৰ্থীসকলৰ আৰ্থিক পটভূমিৰ ক্ষেত্ৰত ১৯৩ জন (১২%) প্ৰাৰ্থীৰ সম্পত্তি ৫ কোটি আৰু তাৰ ওপৰৰ, ১৩৯ জন (৯%) প্ৰাৰ্থীৰ সম্পত্তি ২-৫ কোটি টকাৰ ভিতৰত, ২৭৭ (১৭%)ৰ ৫০ লাখ-২ কোটিৰ ভিতৰত, ৪৩৬ (২৭%)ৰ ১০-৫০ লাখ টকাৰ ভিতৰত আৰু ৫৭৩ (৩৫%)ৰ ১০ লাখতকৈ কম ।
১০০% শতকৰা হাৰত থকা আৰজেডিত সৰ্বাধিক কোটিপতি প্ৰাৰ্থী আছে আৰু তাৰ চাৰিজন প্ৰাৰ্থীয়েই সেই তালিকাত পৰে । তাৰ পিচতে আছে এআইএডিএমকেৰ ৩৫ (৯৭%), ডিএমকেৰ ২১ (৯৬%), বিজেপিৰ ৬৯ (৯০%), কংগ্ৰেছৰ ৪৯ (৮৮%), টিএমচিৰ ৪ (৮০%) আৰু বিএছপিৰ ১৮ (২১%)। লোকসভা প্ৰথম পৰ্যায়ৰ নিৰ্বাচনত প্ৰতিদ্বন্দ্বিতা কৰা প্ৰতিজন প্ৰাৰ্থীৰ গড় সম্পত্তি ৪.৫১ কোটি টকা ।
গড় সম্পত্তি: মুখ্য দলবোৰৰ ভিতৰত, এআইএডিএমকেৰ ৩৬ জন প্ৰাৰ্থীৰ বাবে প্ৰতিজন প্ৰাৰ্থীৰ গড় সম্পত্তি হৈছে ৩৫.৬১ কোটি টকা । ডিএমকেৰ ২২ জন প্ৰাৰ্থীৰ গড় সম্পত্তি হৈছে ৩১.২২ কোটি টকা, ৫৬ জন কংগ্ৰেছ প্ৰাৰ্থীৰ গড় সম্পত্তি ২৭.৭৯ কোটি টকা, ৭৭ জন বিজেপি প্ৰাৰ্থীৰ গড় সম্পত্তিৰ মূল্য ২২.৩৭ কোটি টকা, ৪ জন আৰজেডি প্ৰাৰ্থীৰ গড় সম্পত্তি ৮.৯৩ কোটি টকা, ৭ জন এছপি প্ৰাৰ্থীৰ গড় সম্পত্তি ৬.৬৭ কোটি টকা আৰু ৫ জন এআইটিচি প্ৰাৰ্থীৰ গড় সম্পত্তি ৭.৭ কোটি টকা ।
মধ্য প্ৰদেশৰ প্ৰাক্তন মুখ্যমন্ত্ৰী কমল নাথৰ পুত্ৰ কংগ্ৰেছৰ নকুল নাথে সৰ্বাধিক ঘোষিত ৭১৬+ কোটি টকাৰ সম্পত্তিৰ সৈতে শীৰ্ষ পদত অধিস্থিত হৈছে । তাৰ পিছত আছে এআইএডিএমকেৰ অশোক কুমাৰ (তামিলনাডু) ৬৬২+ কোটি টকা, ধেৱনাথন যাদৱ টি (তামিলনাডু) ৩৯৪+ কোটি টকা টকা ।
সৰ্বনিম্ন সম্পত্তি ঘোষণা কৰা শীৰ্ষ তিনিজন প্ৰাৰ্থীৰ ভিতৰত আটাইকেইজন নিৰ্দলীয় । তামিলনাডুৰ পোনৰাজ কে (৩০০+ টকা), সূৰ্য মুথু (৫০০+ টকা) আৰু মহাৰাষ্ট্ৰৰ কাৰ্তিক গেণ্ডলালজী ডোকে (৫০০+ টকা) ।
বয়সৰ ভিত্তিত শিক্ষাৰ পটভূমি আৰু প্ৰাৰ্থী: মুঠ ১৬১৮ জনৰ ভিতৰত ২৮ জন নিৰক্ষৰ, ২৫৫ জন স্নাতক, ৩০৯ জন স্নাতকোত্তৰ, ৪৭ জন ডক্টৰেট ডিগ্ৰী আৰু অন্যান্য । সৰ্বাধিক ৪১-৫০ বছৰ বয়সৰ ভিতৰত ৪৬৬ জন আৰু ৩১-৪০ বছৰৰ ভিতৰত ৩৮৮, ৫১-৬০ বছৰৰ ভিতৰত ৩৮৩, ৬১-৭০ বছৰৰ ভিতৰত ২১০, ২৫-৩০ বছৰৰ ভিতৰত ১১৭, ৭১-৮০ বছৰৰ ভিতৰত ৫০ জন আৰু ৮১-৯০ বছৰৰ ভিতৰত ৪ জন ।
লগতে পঢ়ক: ১৯৫৭ চনৰ পৰা লোকসভা নিৰ্বাচনত মহিলা প্ৰাৰ্থীৰ সংখ্যা ১৬ শতাংশ বৃদ্ধি - Lok Sabha election 2024
