নিউজ ডেস্ক, ১৭ অক্টোবৰ : সমাগত ঝাৰখণ্ড বিধানসভা নিৰ্বাচন । ১৩ আৰু ২০ নিৰ্বাচনত দুটা পৰ্যায়ত অনুষ্ঠিত হ'ব ৰাজ্যখনৰ নিৰ্বাচন । তাৰ পূৰ্বে শাসক-বিৰোধী দুয়োটা শিবিৰেই ৰাজনৈতিক তৎপৰতা বৃদ্ধি কৰিছে । বিশেষকৈ মিত্ৰদলবোৰৰ মাজত আসন বুজাবুজিক লৈ চৰ্চা চলি আছে ।
ঝাৰখণ্ড বিধানসভা নিৰ্বাচনত বিজেপি, এ জে এছ ইউ, জে ডি (ইউ) আৰু এল জে পি আৰে একেলগে নিৰ্বাচনত অৱতীৰ্ণ হৈছে । অৱশ্যে এতিয়ালৈকে আসন বুজাবুজিৰ বিষয়ে আনুষ্ঠানিকভাৱে একো প্ৰকাশ কৰা হোৱা নাই । কিন্তু তাৰ মাজতে চৰ্চা চলি আছে যে চিৰাগ পাছোৱানৰ দলে ৰাজ্যখনত মাত্ৰ ২ খন আসনহে লাভ কৰিব পাৰে । যাৰ বাবে চিৰাগ পাছোৱানে ঝাৰখণ্ড নিৰ্বাচনৰ বাবে বিজেপিৰ সহ-ভাৰপ্ৰাপ্ত বিষয়া হিচাপে নিযুক্ত অসমৰ মুখ্যমন্ত্ৰী হিমন্ত বিশ্ব শৰ্মাক সাক্ষাৎ কৰে । অনুমান কৰা হৈছে যে এই বৈঠকত দুয়োৱে আসন বুজাবুজি সন্দৰ্ভত আলোচনা কৰে ।
অৱশ্যে চিৰাগ পাছোৱান আৰু হিমন্ত বিশ্ব শৰ্মাৰ মাজৰ এই বৈঠকৰ বহুতে বিভিন্ন ধৰণে ব্যাখ্যা আগবঢ়াইছে । এইটো অনুমান কৰা হৈছে যে ঝাৰখণ্ডত মাত্ৰ দুখন আসন লাভ কৰাত অসন্তুষ্ট চিৰাগ । এই বিষয়টোক লৈয়ে তেওঁ মুখ্যমন্ত্ৰীৰ সৈতে আলোচনা কৰে আৰু ৰাজ্যখনত অধিক আসন দাবী কৰে । এইটো কোৱা হৈছে যে চিৰাগে জে ডি (ইউ)ক প্ৰদান কৰা পৰা আসনৰ পৰা নিজৰ দলৰ বাবে অধিক আসন দাবী কৰিছে । এইকাৰণেই বিজেপিয়ে এন ডি এত আসন ভাগ-বটোৱাৰাৰ বিষয়টো চূড়ান্ত কৰা হোৱা নাই ।
आज हरियाणा के नवनियुक्त मुख्यमंत्री श्री नायाब सैनी जी के शपथ ग्रहण समारोह में शामिल होने के लिए चंडीगढ़ जाने के क्रम में असम के लोकप्रिय माननीय मुख्यमंत्री एवं झारखंड के प्रभारी श्री @himantabiswa जी से मुलाकात हुई। इस दौरान झारखण्ड विधानसभा चुनाव को लेकर विस्तृत चर्चाएं हुई।… pic.twitter.com/R0llBtf6LA
— युवा बिहारी चिराग पासवान (@iChiragPaswan) October 17, 2024
তিনিখন আসন দাবী চিৰাগ পাছোৱানৰ
এইটোও চৰ্চা হৈছে যে চিৰাগ পাছোৱানে ইতিমধ্যে স্পষ্ট কৰি দিছিল যে যদি তেওঁ দলৰ বাবে সন্মানীয় আসন নাপায়, তেন্তে ঝাৰখণ্ডত অকলে প্ৰতিদ্বন্দ্বিতা কৰিব পাৰে । এন ডি এত চিৰাগ পাছোৱানৰ দলক ২ খন আসন দিয়াৰ কথা আছিল । কিন্তু চিৰাগ পাছোৱানে কমেও তিনিখন আসন দাবী কৰিছে । হয়তো তাৰেই পৰিপ্ৰেক্ষিতত মুখ্যমন্ত্ৰী হিমন্ত বিশ্ব শৰ্মাই চিৰাগক বুজা-বঢ়াই সৈমান কৰোৱাৰ চেষ্টা কৰি আছে ।
হাৰিয়ানালৈ যোৱাৰ পথত বিমানতো আলাপ
আনহাতে, চিৰাগ পাছোৱানে তেওঁৰ ছ'চিয়েল মিডিয়া একাউণ্টত লিখিছে যে অসমৰ মুখ্যমন্ত্ৰী তথা ঝাৰখণ্ডত বিজেপিৰ নিৰ্বাচনৰ সহ-ভাৰপ্ৰাপ্ত বিষয়া হিমন্ত বিশ্ব শৰ্মাই হাৰিয়ানাৰ নৱনিযুক্ত মুখ্যমন্ত্ৰী নায়েব ছেইনীৰ শপতগ্ৰহণ অনুষ্ঠানত অংশ লোৱাৰ বাবে চণ্ডীগড়ৰ পৰা ৰাওনা হোৱাৰ সময়ত তেওঁ সাক্ষাৎ কৰে । ইয়াৰ পূৰ্বে বুধবাৰে চিৰাগ পাছোৱানৰ দলৰ দুজন সাংসদেও মুখ্যমন্ত্ৰীক সাক্ষাৎ কৰে আৰু ঝাৰখণ্ডত তিনিখন আসনৰ দাবীৰ বিষয়টো উল্লেখ কৰে । এইটো অনুমান কৰা হৈছে যে বিমানত হোৱা কথোপকথনৰ পিচত চিৰাগ পাছোৱানক মুখ্যমন্ত্ৰীয়ে আশ্বস্ত কৰিব পাৰিছে ।
