নিউজ ডেস্ক, ১৪ জুলাই : দেওবাৰে কংগ্ৰেছ দলে ঘোষণা কৰে লোকসভাত কংগ্ৰেছৰ উপ-দলপতিৰ নাম ৷ সাংসদ গৌৰৱ গগৈক উপ-দলপতি হিচাপে মনোনীত কৰা হয় ৷ তদুপৰি সাংসদ কে সুৰেশক লোকসভাত মুখ্য হুইপ হিচাপে মনোনীত কৰে কংগ্ৰেছে ৷ আনহাতে সাংসদ মণিকম ঠাকুৰ আৰু মোঃ জাৱাইদে দলৰ হুইপ হিচাপে কাম কৰিব ৷
I am grateful to Hon’ble CPP Chairperson Smt. Sonia Gandhi, @INCIndia President Shri @kharge , LOP Shri @RahulGandhi and GS(O) @kcvenugopalmp for their trust and faith in my abilities.
— Gaurav Gogoi (@GauravGogoiAsm) July 14, 2024
I congratulate my colleagues. Our aim will to raise the voice of the people of India inside… https://t.co/WUSxyKeGZx
ইয়াৰ পিচতে সাংসদ গগৈয়ে এক্সৰ জৰিয়তে কংগ্ৰেছ নেত্ৰীৰ প্ৰতি কৃতজ্ঞতা জ্ঞাপন কৰে ৷ তেওঁৰ ওপৰত দলৰ নেতৃত্বই আস্থা ৰাখি এই দায়িত্ব অৰ্পণ কৰাৰ বাবে কৃতজ্ঞ সাংসদগৰাকী ৷ উল্লেখ্য যে কংগ্ৰেছ নেত্ৰী ছোনিয়া গান্ধীয়ে লোকসভাৰ অধ্যক্ষ ওম বিৰলালৈ এখন আনুষ্ঠানিক পত্ৰ প্ৰেৰণ কৰে ৷ কংগ্ৰেছ সাংসদ কে চি বেণুগোপালে ‘এক্স’ৰ জৰিয়তে এই নতুন নিযুক্তিৰ সন্দৰ্ভত এক পোষ্ট কৰে ৷
Hon'ble CPP Chairperson Smt. Sonia Gandhi ji has written to the Hon'ble Lok Sabha Speaker informing him about the appointment of the Deputy Leader, Chief Whip, and two Whips for the Congress Party in the Lok Sabha.
— K C Venugopal (@kcvenugopalmp) July 14, 2024
Deputy Leader - Shri @GauravGogoiAsm
Chief Whip - Shri…
কে চি বেণুগোপালে এক্সত লিখে, ‘‘ কংগ্ৰেছ সংসদীয় দলৰ অধ্যক্ষ শ্ৰীমতী ছোনিয়া গান্ধীয়ে মাননীয় লোকসভা অধ্যক্ষলৈ পত্ৰ লিখি লোকসভাত কংগ্ৰেছ দলৰ বাবে উপ-নেতা, মুখ্য হুইপ আৰু দুজন হুইপৰ নিযুক্তিৰ বিষয়ে অৱগত কৰোৱাইছে ৷ উপ-নেতা গৌৰৱ গগৈ, মুখ্য হুইপ কে সুৰেশ, হুইপ মণিকম ঠাকুৰ আৰু মোঃ জাৱাইদ ৷ নতুনকৈ নিযুক্তি লাভ কৰাসকলক অভিনন্দন ৷’’
ইয়াৰ পিচতে যোৰহাটৰ সাংসদ গৌৰৱ গগৈয়েও এক্সৰ জৰিয়তে কংগ্ৰেছ নেত্ৰী ছোনিয়া গান্ধীৰ প্ৰতি কৃতজ্ঞতা জ্ঞাপন কৰে ৷ সাংসদগৰাকীয়ে লিখে, ‘‘ চি পি পিৰ মাননীয় অধ্যক্ষ শ্ৰীমতী ডাঙৰীয়ানীৰ প্ৰতি কৃতজ্ঞতা জ্ঞাপন কৰিলোঁ মোৰ ওপৰত আস্থা আৰু বিশ্বাসৰ বাবে । মোৰ সহকৰ্মীসকলক অভিনন্দন জনাইছোঁ । সংসদৰ ভিতৰত ভাৰতৰ জনসাধাৰণৰ কণ্ঠ উত্থাপনৰ লগতে গণতন্ত্ৰক শক্তিশালী কৰাটোৱেই আমাৰ লক্ষ্য ৷’’
উল্লেখ্য যে গৌৰৱ গগৈয়ে অষ্টাদশ লোকসভাত যোৰহাট সমষ্টিক প্ৰতিনিধিত্ব কৰিছে ৷ তেওঁ ভাৰতীয় জনতা পাৰ্টীৰ তপন কুমাৰ গগৈৰ বিৰুদ্ধে প্ৰতিদ্বন্দ্বিতা আগবঢ়াই বৃহৎ পৰিমাণৰ ভোটৰ ব্যৱধানত জয়লাভ কৰিছিল ৷
আনহাতে মুখ্য হুইপ হিচাপে মনোনীত কে সুৰেশ হ’ল আটাইতকৈ দীৰ্ঘ সময়ৰ সাংসদ ৷ 29 বছৰ ধৰি তেওঁ সাংসদ হৈ আছে ৷
লগতে পঢ়ক : লোকসভাৰ বিৰোধী উপ-দলপতিৰ দায়িত্ব সাংসদ গৌৰৱ গগৈক
