নেশ্য়নেল ডেস্ক, ৯ মাৰ্চ : ১৯২৫ৰ ২৬ ডিচেম্বৰত প্ৰতিষ্ঠা লাভ কৰিছিল ভাৰতীয় কমিউনিষ্ট পাৰ্টিয়ে (চিপিআই) । এই দলটো গঠনৰ ৯৯ বছৰ পিচত নিৰ্বাচনী প্ৰতীক চিহ্ণ কাঁচি আৰু মাকৈ সংকটত পৰিছে । লোকসভা নিৰ্বাচনত চিপিআইয়ে কেৰালা, তামিলনাডু আৰু তেলেংগানাৰ বাহিৰে আন ৰাজ্যত ইয়াৰ নিৰ্বাচনী প্ৰতীক হেৰুৱাব পাৰে । উল্লেখ্য় যে কাঁচি আৰু মাকৈ হৈছে ভাৰতৰ যিকোনো স্বীকৃত ৰাজনৈতিক দলে গ্ৰহণ কৰা আটাইতকৈ পুৰণি দলীয় প্ৰতীক । দেশৰ আটাইতকৈ পুৰণি কমিউনিষ্ট পাৰ্টিয়ে অস্তিত্বৰ সংকটৰ সন্মুখীন নহ'বৰ বাবে ৰাষ্ট্ৰীয় দলৰ মৰ্যাদা আৰু প্ৰতীক ৰক্ষাৰ পদক্ষেপত চিপিআই নেতাসকলে ইণ্ডিয়াৰ বেনাৰত আগন্তুক লোকসভা নিৰ্বাচনত যিমান পাৰি সিমান কেইখনত আসনত প্ৰতিদ্বন্দ্বিতা কৰাৰ পৰিকল্পনা কৰিছে । সেয়েহে চিপিআই নেতাসকলে দলটোৰ বাবে অধিক আসনৰ বাবে যুঁজ চলাই আছে ।
উল্লেখ্য় যে ৰাষ্ট্ৰীয় দল হিচাপে স্বীকৃতি পোৱাৰ মূল চৰ্তটো হ'ল শেহতীয়া লোকসভা নিৰ্বাচনত তিনিখনতকৈ কম ৰাজ্যৰ মুঠ আসনৰ দুই শতাংশতকৈ কম আসন লাভ নকৰাটো । তদুপৰি বিধানসভা নিৰ্বাচনত চাৰি বা ততোধিক ৰাজ্যত দিয়া বৈধ ভোটৰ কমেও ছয় শতাংশ লাভ কৰিব লাগিব । যদি কোনো দলে চাৰিখন ৰাজ্যত ৰাজ্যিক দলৰ মৰ্যাদা লাভ কৰিছে তেতিয়া এই দলটোক ৰাষ্ট্ৰীয় দল হিচাপে গণ্য কৰা হয় । যদি লোকসভাৰ ১১ জন সদস্য তিনিখন ৰাজ্যতকৈ কম ৰাজ্যৰ পৰা নিৰ্বাচিত হয় তেন্তে এটা দলক ৰাষ্ট্ৰীয় দল হিচাপে স্বীকৃতি দিয়া হয় । সেয়েহে এই নিৰ্বাচনত চিপিআইৰ ৰাষ্ট্ৰীয় দল হিচাপে স্বীকৃতি বজাই ৰাখিবলৈ চিন্তিত হৈ পৰিছে । চিপিআইক কেৰালাত ৰাজ্যিক দল হিচাপে স্বীকৃতি দিয়া হৈছে । লোকসভাত কেৰালাৰ পৰা প্ৰতিদ্বন্দ্বিতা কৰা চিপিআই প্ৰাৰ্থীসকলে দেশৰ আটাইতকৈ পুৰণি প্ৰতীক কাঁচি আৰু মাকৈ ব্য়ৱহাৰ কৰিব পাৰিব । কেৰালাত দলটোৰ বাবে চিন্তা কৰাৰ কোনো প্ৰয়োজন নাই, কিয়নো ৰাজ্যিক বিধানসভাত চিপিআইৰ বাবে ১৭ জন বিধায়ক আছে ।
ইপিনে, লোকসভাত চিপিআইৰ দুজন সদস্য আছে । দুয়োজন তামিলনাডুৰ । যিহেতু চিপিআইৰ তামিলনাডু আৰু তেলেংগানা বিধানসভাত বিধায়ক আছে ,চিপিআইৰ লোকসভাপ্ৰাৰ্থীসকলে তাত নিৰ্বাচনী প্ৰতীক লাভ কৰিব পাৰে । কিন্তু উত্তৰ ভাৰতৰ আন ৰাজ্যসমূহত চিপিআইয়ে এক স্বতন্ত্ৰ প্ৰতীকত প্ৰতিদ্বন্দিতা কৰিব লাগিব । চিপিআইৰ ৰাষ্ট্ৰীয় কাৰ্যবাহী সদস্য পি সন্তোষ কুমাৰে এই সন্দৰ্ভত কয় যে দলটোৱে ৰাষ্ট্ৰীয় দলৰ মৰ্যাদা হেৰুওৱাৰ উপক্ৰম হৈছে আৰু ইয়াৰ প্ৰতীক আৰু মৰ্যাদা বজাই ৰাখিবলৈ লোকসভা নিৰ্বাচনত ভালদৰে যুঁজিবলৈ কঁকালত টঙালি বান্ধিছে । দলটোৰ প্ৰায় ৪০ খন আসনত প্ৰতিদ্বন্দিতা কৰিবলৈ ইণ্ডিয়া মিত্ৰজোঁটৰ সৈতে আলোচনা চলি আছে । যিহেতু কিছুমান ৰাজ্যত দলটোৰ ৰাজ্যিক পৰ্যায়ৰ অনুমোদন নাই সেয়েহে তেওঁলোকে স্বতন্ত্ৰ প্ৰতীকত নিৰ্বাচনত প্ৰতিদ্বন্দ্বিতা কৰিব । আসন ভাগ-বতৰা চূড়ান্ত হোৱাৰ লগে লগে সেই বিষয়ে সিদ্ধান্ত লোৱা হ'ব বুলি পি সন্তোষ কুমাৰেকয় । চিপিআই একমাত্ৰ ৰাষ্ট্ৰীয় দল যিয়ে একেটা নিৰ্বাচনৰ প্ৰতীকত সকলো সাধাৰণ নিৰ্বাচনত প্ৰতিদ্বন্দ্বিতা কৰি আহিছে ।
যদিও কংগ্ৰেছ হৈছে আটাইতকৈ পুৰণি ৰাজনৈতিক দল,তথাপি এই দলটোৱে পূৰ্বে কেইবাৰো দলৰ প্ৰতীক সলনি কৰিছিল । চিপিআইয়ে দলটো গঠনৰ ৯৯ তম বাৰ্ষিকীত ইয়াৰ প্ৰতীক হেৰুওৱাৰ দিশে আগবাঢ়িছে । ১৯২৫ চনৰ ২৬ ডিচেম্বৰত কানপুৰত দেশৰ বিভিন্ন সাম্যবাদী গোটৰ এখন সভা অনুষ্ঠিত হৈছিল । এম চিঙ্কাৰাভেলু চেট্টিয়াৰৰ অধ্যক্ষতাত অনুষ্ঠিত এই বৈঠকত সৰ্বসন্মতিক্ৰমে ভাৰতীয় কমিউনিষ্ট পাৰ্টি গঠনৰ সিদ্ধান্ত লোৱা হৈছিল । এছ ভি ঘাটে প্ৰথম ৰাষ্ট্ৰীয় সম্পাদক আছিল । চিপিআইৰ কাঁচি আৰু মাকৈ ১৯৫১ ৰ নিৰ্বাচনৰ পৰা ব্যৱহাৰ হৈ আহিছে । আজিলৈকে কাঁচি আৰু মাকৈ ধৰি ৰখা চিপিআইয়ে আগন্তুক লোকসভা নিৰ্বাচন আৰু পৰৱৰ্তী ৰাজ্যিক নিৰ্বাচনত ভাল প্ৰদৰ্শন কৰিলে প্ৰতীক আৰু ৰাষ্ট্ৰীয় দলৰ মৰ্যাদা পুনৰ লাভ কৰিব পাৰে।
ভাৰতীয় কমিউনিষ্ট পাৰ্টি (চিপিআই) কানপুৰ চহৰতে এই দলটো গঠন হৈছিল । ১৯২৫ চনৰ ২৬ ডিচেম্বৰত ভাৰতীয় কমিউনিষ্ট পাৰ্টিয়ে প্ৰতিষ্ঠা লাভ কৰিছিল । দলটোৰ প্ৰতিষ্ঠাপক সদস্যসকলৰ ভিতৰত আছিল এম এন ৰয়, এভলিন ট্ৰেণ্ট ৰয়, আবানী মুখাৰ্জী, ৰোজা ফিটিংফ, মহম্মদ আলী, মহম্মদ চফিক চিদ্দিকী, ৰফিক আহমেদ, এম পি বি টি আচাৰ্য আৰু চুলতান আহমেদ খান তাৰিণৰ আদি ।
লগতে পঢ়ক:কমল হাছানৰ দল চামিল হ’ল মিত্ৰজোঁটত: লাভ কৰিব ৰাজ্যসভাৰ আসন
