নেশ্যনেল ডেস্ক, 25 মে’ : সংবিধান সন্দৰ্ভত ৰাহুল গান্ধী আৰু তেজস্বী যাদৱক আক্ৰমণ অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ ৷ তেজস্বী যাদৱে প্ৰধানমন্ত্ৰী মোদীয়ে সংবিধানৰ বিষয়ে নাজানে বুলি মন্তব্য কৰিছিল ৷ ইয়াৰ পিচতে তেজস্বী যাদৱৰ এই মন্তব্যৰ প্ৰত্যুত্তৰ দিয়ে ড৹ হিমন্ত বিশ্ব শৰ্মাই ৷
বিৰোধীক আক্ৰমণ কৰি অসমৰ মুখ্যমন্ত্ৰীজনে কয়- "এওঁলোকে ৰঙা সংবিধান লৈ ঘূৰি ফুৰে, কিন্তু আম্বেদকাৰজীৰ যিখন সংবিধান সেইখন নীলা সংবিধান ৷ এওঁলোকৰ হাতত ৰঙা সংবিধান থাকে, সেইখন হয়তো চীনৰ সংবিধান ৷ আমাৰ ভাৰতৰ সংবিধান নীলা ৰঙৰ ৷ এওঁলোকে চীনৰ সংবিধান বেছি আৰু ভাৰতীয় সংবিধান কমকৈ পঢ়ে ৷"
কোনখন সংবিধানত ব্যক্তিগত আইনৰ কথা কোৱা হৈছে?
ড৹ হিমন্ত বিশ্ব শৰ্মাই বিৰোধীক আক্ৰমণ কৰি কয় যে যিসকলে সংবিধানৰ কথা কৈছে, তেওঁলোকে কোনখন সংবিধানত ব্যক্তিগত আইনৰ কথা আছে সেই বিষয়ে ক’ব লাগে ৷ আমাৰ সংবিধানত ইউনিফৰ্ম চিভিল কোড (UCC)ৰ কথা কোৱা হৈছে ৷ তেজস্বী যাদৱক সোধক যে সংবিধানৰ কোনটো দফাত ব্যক্তিগত আইন বজাই ৰখাৰ কথা কোৱা হৈছে ? এইসকল লোকে কোনখন সংবিধানত বিশ্বাস কৰে ?
4 জুনৰ পিচত তেজস্বীয়ে গান গাব লাগিব’:
বিহাৰ ভ্ৰমণত থকা হিমন্ত বিশ্ব শৰ্মাই তেজস্বী যাদৱৰ পৰা আৰম্ভ কৰি আছাদুদ্দিন ওৱেইছিলৈকে সকলোকে আক্ৰমণ কৰে ৷ তেওঁ কয় যে লোকসভা নিৰ্বাচনৰ পিচত তেজস্বী যাদৱৰ কোনো কাম নাথাকিব, সেয়েহে তেওঁ গান গোৱাৰ অনুশীলন কৰিছে ৷ ই তেওঁৰ স্বাস্থ্যৰ বাবে ভাল ৷ তেওঁৰ দলৰ বাবেও ভাল ৷ কাৰণ 4 জুনৰ পিচত তেওঁ গানেই গাব লাগিব ৷
ড৹ হিমন্ত বিশ্ব শৰ্মাই কয়- ‘কাশ্মীৰত ভালদৰে ভোটদান চলি আছে ৷ পি অ’ কেৰ পৰিৱেশো বৰ ভাল ৷ আপুনি পাকিস্তানে দখল কৰা কাশ্মীৰৰ ভিডিঅ' চাওক, তাত মানুহে অবিৰতভাৱে কৈ আছে যে আমি ভাৰত চৰকাৰৰ লগত কাম কৰিম ৷ কাশ্মীৰৰ পৰিৱেশো ভাল ৷ মই অনাগত দিনত কিছুমান অলৌকিকতাহে দেখিবলৈ পাইছো ৷''
বিহাৰৰ পৰা কোন মন্ত্ৰী হ’ব অনুমান কৰক:
পাটনা বিমানবন্দৰত সাংবাদিকৰ সৈতে মত বিনিময় কৰি অসমৰ মুখ্যমন্ত্ৰীগৰাকীয়ে কয়- " মোৰ ৰাজনৈতিক মূল্যায়ন অনুসৰি পঞ্চম পৰ্যায় শেষ হোৱাৰ পিচতে আমি চৰকাৰ গঠন কৰিছো ৷ ষষ্ঠ আৰু সপ্তম পৰ্যায়ত 400 অতিক্ৰম কৰিবলৈ গৈ আছে ৷ এতিয়া আপুনি অনুমান কৰক বিহাৰৰ পৰা কোন মন্ত্ৰী হ'ব, কি হ'ব ? এইবাৰ আকৌ মোদীজীয়েই প্ৰধানমন্ত্ৰী হিচাপে দিল্লীৰ মছনদত বহিব ৷ "
লগতে পঢ়ক : ৭ খন লোকসভা আসনৰ বাবে দিল্লীত আজি ভোটদান; বিজেপি-ইণ্ডিয়াৰ পোনপটীয়া যুঁজ - LOK SABHA ELECTION 2024
