তেহৰাণ : আৰব সংবাদ মাধ্যমৰ খবৰ অনুসৰি, শনিবাৰে পুৱা ইজৰাইলৰ প্ৰধানমন্ত্ৰী বেঞ্জামিন নেতান্যাহুৰ বাসগৃহত ড্ৰোণৰ দ্বাৰা আক্ৰমণ সংঘটিত হয় । এক কাটাৰিয়ান সংবাদ মাধ্যমৰ খবৰ অনুসৰি, হিজবুল্লাৰ দ্বাৰা কেচেৰিয়া অভিমুখে উৎক্ষেপণ কৰা এটা ড্ৰোণে নেতান্যাহুৰ বাসগৃহত খুন্দা মাৰে । এই ড্ৰোণে কেচেৰিয়াস্থিত এটা অট্টালিকাত আক্ৰমণ কৰা বুলি ইজৰাইলী সামৰিক বাহিনীয়ে নিশ্চিত কৰিছে ।
অৱশ্যে ইজৰাইলী সংবাদ মাধ্যমে ঘটনাটোৰ কোনো ফুটেজ প্ৰকাশ কৰা নাই । ইয়াৰ পূৰ্বে শনিবাৰে পুৱা ইজৰাইলী সূত্ৰই ইজৰাইলৰ প্ৰশাসনৰ মুৰব্বী বেঞ্জামিন নেতান্যাহুৰ বাসগৃহৰ ওচৰত এটা ড্ৰোণ বিস্ফোৰণ হোৱাৰ খবৰ প্ৰকাশ কৰিছিল । আনহাতে, প্ৰাৰম্ভিক প্ৰতিবেদনসমূহে এইটো ইংগিত দিছিল যে এই ঘটনাটো সংঘটিত হোৱাৰ পিচত কেইবাজনো লোক আহত হৈছে । প্ৰতিবেদন অনুসৰি, ড্ৰোণে নেতান্যাহুৰ বাসগৃহৰ ওচৰৰ এটা অট্টালিকাত খুন্দা মাৰে । অৱশ্যে এতিয়ালৈকে এই সন্দৰ্ভত কোনো বিতং তথ্য প্ৰকাশ কৰা হোৱা নাই ।
🚨BREAKING: HEZBOLLAH DRONES STRIKE NETANYAHU'S PRIVATE RESIDENCE IN BOLD ASSAULT
— JAKE (@JakeGagain) October 19, 2024
Hezbollah UAV reportedly struck what’s believed to be Benjamin Netanyahu’s private home in Caesarea, according to Saudi TV channel " al-hadath."
netanyahu wasn’t present, and no injuries were… pic.twitter.com/dFjbLE0v0C
উল্লেখ্য যে এই ঘটনাৰ এদিন পূৰ্বে ইজৰাইলৰ প্ৰধানমন্ত্ৰী নেতান্যাহুৱে হামাছ নেতা য়াহিয়া ছিনৱাৰৰ মৃত্যু নিশ্চিত কৰিছিল । আনহাতে, ইৰাণৰ সৰ্বোচ্চ নেতা আয়াতুল্লা আলী খামেনিয়ে শনিবাৰে কয় যে গাজাত ইজৰাইলৰ সামৰিক অভিযানত তেওঁলোকৰ নেতা য়াহিয়া ছিনৱাৰৰ মৃত্যু সত্ত্বেও হামাছ এতিয়াও জীয়াই আছে আৰু জীয়াই থাকিব ।
Lebanese brothers targeted Netanyahu's residence in a drone attack pic.twitter.com/EZWp5hgneG
— Iran Military (@IRIran_Military) October 19, 2024
খামেনিয়ে কয় যে ইজৰাইলৰ বিৰুদ্ধে প্ৰতিৰোধৰ ক্ষেত্ৰত তেওঁক হেৰুৱালগা হোৱাৰ ফলত যি লোকচান হৈছে সেয়া ‘‘নিশ্চিতভাৱে বেদনাদায়ক’’ । এই আন্দোলন ছিনৱাৰ শ্বহীদ হোৱাৰ লগে লগে সম্পূৰ্ণ শেষ হৈ নাযায় । তেওঁ এক বিবৃতিত কয় যে পেলেষ্টাইনী ইছলামবাদী আন্দোলন 'হামাছ জীয়াই আছে আৰু জীয়াই থাকিব' ।
Yahya Sinwar is dead.
— Benjamin Netanyahu - בנימין נתניהו (@netanyahu) October 17, 2024
He was killed in Rafah by the brave soldiers of the Israel Defense Forces.
While this is not the end of the war in Gaza, it's the beginning of the end. pic.twitter.com/C6wAaLH1YW
উল্লেখ্য যে বুধবাৰে হত্যাৰ পিছত ছিনৱাৰ সন্দৰ্ভত নিজৰ প্ৰথম মন্তব্যত খামেনিয়ে কৈছিল যে ছিনৱাৰ আছিল প্ৰতিৰোধ আৰু সংগ্ৰামৰ এক উজ্জ্বল প্ৰতিভূ । ২০২৩ চনৰ ৭ অক্টোবৰত ইজৰাইলৰ ওপৰত হোৱা আক্ৰমণৰ মূল সূত্ৰধাৰ হিচাপে বিবেচিত ব্যক্তিজনেই বৰ্তমান গাজা যুদ্ধৰ সূত্ৰপাত ঘটায় ।
