পৰিৱৰ্তিত বতৰৰ বাবে হোৱা ভাইৰেল সংক্ৰমণৰ পৰা নিজকে কেনেকৈ ৰক্ষা কৰিব - Viral Fever

How To Protect Yourself From Viral Fever: পৰিৱৰ্তিত বতৰত বেছিভাগ মানুহেই ভাইৰেল জ্বৰৰ সন্মুখীন হ’বলগীয়া হয় যদিও কিছু সাৱধানতা আৰু ব্যৱস্থা গ্ৰহণ কৰি আমি এই ৰোগৰ পৰা হাত সাৰি থাকিব পাৰো ।

ভাইৰেল জ্বৰ এক অতি সাধাৰণ স্বাস্থ্যজনিত সমস্যা যিটো বিশেষকৈ বাৰিষা আৰু পৰিৱৰ্তিত ঋতুৰ সময়ত দেখা যায় ৷ ইয়াৰ কাৰণ হৈছে ভাইৰাছৰ সংক্ৰমণ, যাৰ ফলত শৰীৰৰ ৰোগ প্ৰতিৰোধ ক্ষমতা দুৰ্বল হৈ পৰে ৷ জ্বৰৰ বাহিৰেও মূৰৰ বিষ, ডিঙিৰ বিষ, শৰীৰৰ বিষ আৰু দুৰ্বলতা আদি সমস্যা সাধাৰণতে দেখা যায় ৷ ডাঃ ইমৰাণ আহমেদৰ মতে, ভাইৰেল জ্বৰৰ বহু প্ৰকাৰৰ হ’ব পাৰে, ইয়াৰ পৰা হাত সাৰিবলৈ কি কি ক্ষেত্ৰত আমি গুৰুত্ব দিয়া উচিত জানো আহক-

ভাইৰেল জ্বৰৰ পৰা কেনেকৈ হাত সাৰিব পাৰি ?

১/ হাতৰ পৰিষ্কাৰ-পৰিচ্ছন্নতা বজাই ৰাখক

ভাইৰেল সংক্ৰমণ প্ৰথমে হাতৰ জৰিয়তে বিয়পিব পাৰে, কাৰণ দিনটোৰ ভিতৰত আপুনি বহু ঠাই স্পৰ্শ কৰে য’ত ভাইৰাছ থাকিব পাৰে ৷ নিয়মিতভাৱে চাবোন, হেণ্ড ৱাচৰ পানীৰে হাত ধোৱাটো অতি প্ৰয়োজনীয় ৷ বাহিৰত থাকিলে পানী নাপালে চেনিটাইজাৰ ব্যৱহাৰ কৰক ৷

২/ ভিৰ কৰা ঠাইবোৰ পৰিহাৰ কৰক

ভিৰ কৰা ঠাইত ভাইৰাছৰ সংক্ৰমণ দ্ৰুতগতিত বিয়পিব পাৰে ৷ এনে পৰিস্থিতিত ৰাজহুৱা পৰিবহণ, বজাৰ আৰু অন্যান্য ভিৰ কৰা ঠাইলৈ যোৱাৰ পৰা বিৰত থাকক ৷ যাবলগীয়া হ’লে মাস্ক পৰিধান কৰক যাতে ভাইৰাছৰ সংস্পৰ্শলৈ অহাৰ আশংকা কমি যায় ৷

৩/ স্বাস্থ্যসন্মত খাদ্য গ্ৰহণ কৰক

আপোনাৰ শৰীৰৰ ৰোগ প্ৰতিৰোধ ক্ষমতা শক্তিশালী হ’ব লাগে যাতে আপুনি ভাইৰাছৰ সংক্ৰমণৰ বিৰুদ্ধে যুঁজিব পাৰে ৷ ইয়াৰ বাবে অধিক সংখ্যক ফল-মূল, সেউজীয়া শাক-পাচলি, ভিটামিন চি সমৃদ্ধ খাদ্য সামগ্ৰী, আৰু প্ৰটিনযুক্ত খাদ্য খাদ্যত অন্তৰ্ভুক্ত কৰক ৷ আদা, তুলসী, মৌ, নেমু আদি ঘৰুৱা ঔষধেও ৰোগ প্ৰতিৰোধ ক্ষমতা বৃদ্ধিত সহায় কৰে ৷

৪/ পৰ্যাপ্ত পৰিমাণে পানী খাব লাগে

হাইড্ৰেচনৰ যত্ন লোৱাটো অতি প্ৰয়োজনীয় ৷ শৰীৰক হাইড্ৰেট কৰি ৰখাটো ভাইৰাছজনিত জ্বৰৰ পৰা হাত সাৰিবলৈ সহায়ক হ’ব পাৰে ৷ গোটেই দিনটো ৮ৰ পৰা ১০ গিলাচ পানী খাব লাগে ৷ ইয়াৰ উপৰিও সতেজ ফলৰ ৰস আৰু চূপ সেৱনেও শৰীৰক শক্তি প্ৰদান কৰে আৰু ৰোগ প্ৰতিৰোধ ক্ষমতা শক্তিশালী কৰে ৷

৫/ জিৰণি লওক

ভাইৰেল জ্বৰৰ লক্ষণ দেখা দিলে প্ৰথমে শৰীৰক জিৰণি দিয়ক ৷ জিৰণি লৈ শৰীৰটো সোনকালে সুস্থ হৈ উঠে আৰু আপুনি ভাল অনুভৱ কৰিবলৈ আৰম্ভ কৰে ৷ টোপনিৰ সময় আৰু টোপনিৰ মানদণ্ডও ভাল হ’ব লাগে ৷ কমেও ৭-৮ ঘণ্টা শোৱাটো গুৰুত্বপূৰ্ণ ৷

৬/ চিকিৎসকৰ পৰামৰ্শ লওক

যদি আপুনি ভাইৰাছজনিত জ্বৰৰ লক্ষণ যেনে জ্বৰ, কাহ, ডিঙিৰ বিষ, বা শৰীৰৰ তীব্ৰ বিষ অনুভৱ কৰিছে তেন্তে সোনকালে চিকিৎসকৰ পৰামৰ্শ লওক ৷ কিছু সাৱধানতাৰ লগতে চিকিৎসকে দিয়া ঔষধ সেৱন কৰাটো অতি প্ৰয়োজনীয় ৷

লগতে পঢ়ক: ভাইৰেল ৰোগৰ পৰা আপোনাৰ শিশুটিক কেনেদৰে কৰিব ৰক্ষা ?