খেজুৰ হৈছে এনে এবিধ শুকান ফল যাক পুষ্টিকৰ উপাদানৰ ভঁৰাল বুলিও কোৱা হয় ৷ যিয়ে আপোনাৰ শৰীৰৰ পৰা দুৰ্বলতা আঁতৰাই প্ৰতিটো অংগলৈ শক্তি প্ৰদান কৰে ৷ এই শুকান ফলবিধ গুৰুতৰ ৰোগত অতি উপযোগী বুলি গণ্য কৰা হয় ৷ স্বাস্থ্য বিশেষজ্ঞসকলে ইয়াক স্বাস্থ্যৰ বাবে এক আশীৰ্বাদতকৈ কম নহয় বুলি গণ্য কৰে ৷ দিল্লীৰ পুষ্টিবিদ ডাঃ লোকেন্দ্ৰ টোমাৰৰ মতে, শুকান খেজুৰৰ আৰ্দ্ৰতা সতেজ খেজুৰতকৈ কম আৰু ইয়াৰ ফলত ই দীৰ্ঘদিনলৈ ভালে থাকে ৷
শুকান খেজুৰত কেলৰিৰ পৰিমাণ অতি বেছি, গতিকে যদি আপুনি ওজন কমাব বিচাৰে তেন্তে সীমিত পৰিমাণেহে ইয়াক সেৱন কৰিব লাগে ৷ খেজুৰ হৈছে আঁহ আৰু প্ৰ’টিনৰ এক উৎকৃষ্ট উৎস যিয়ে আপোনাৰ শৰীৰক সুস্থ কৰি ৰখাত সহায় কৰে ৷ ইয়াৰ উপৰিও ই কেলচিয়াম, খনিজ পদাৰ্থ আৰু ভিটামিন চিৰ ই এক উত্তম উৎস ৷
হৃদযন্ত্ৰৰ বাবে উত্তম
শুকান খেজুৰত চৰ্বি কম থাকে আৰু কলেষ্টেৰলৰ পৰিমাণো অতি কম ৷ ইয়াৰ উপৰিও আমাৰ ৰক্ত সঞ্চালনত কম ঘনত্বৰ লাইপোপ্ৰ’টিন বা বেয়া কলেষ্টেৰল নিয়ন্ত্ৰণ কৰাত সহায় কৰে ৷ শুকান খেজুৰত ছডিয়ামৰ পৰিমাণ কম আৰু পটাছিয়ামৰ পৰিমাণ বেছি ৷ যাৰ ফলত ৰক্ত সঞ্চালন নিয়ন্ত্ৰণত থাকে, যি আমাৰ হৃদযন্ত্ৰৰ বাবে অতি উত্তম ৷
পাচনক্ৰিয়া আৰু মেদবহুলতা দূৰ কৰাত ফলপ্ৰসূ
শুকান খেজুৰত এন্টি-অক্সিডেটিভ গুণ থাকে যিয়ে বিপাকীয় ক্ৰিয়া বৃদ্ধি কৰে ৷ যদি আপুনি প্ৰতিদিনে খালী পেটত এই শুকান ফল খায় তেন্তে ই আপোনাৰ ওজন কমোৱাত সহায় কৰিব ৷ ইয়াৰ বাহিৰেও ইয়াত বহু ধৰণৰ আঁহ পোৱা যায় ৷ যিয়ে পাচনতন্ত্ৰৰ ক্ৰিয়া উন্নত আৰু খাদ্য শোষণ বৃদ্ধি কৰাত সহায় কৰে ৷ কিন্তু, স্বাস্থ্য বিশেষজ্ঞসকলে পৰামৰ্শ দিয়ে যে প্ৰতিদিনে ২-৩ টাতকৈ বেছি শুকান খেজুৰ নাখাব, কাৰণ ইয়াত কেলৰি যথেষ্ট বেছি থাকে ৷
কোষ্ঠকাঠিন্যৰ পৰা সকাহ দিয়ে
কোষ্ঠকাঠিন্যত আক্ৰান্ত লোকসকলক শুকান খেজুৰ খাবলৈ পৰামৰ্শ দিয়া হয় ৷ শুকান খেজুৰত প্ৰচুৰ পৰিমাণে খাদ্য আঁহ থাকে আৰু ইয়াক প্ৰাকৃতিক ৰেচক হিচাপেও গণ্য কৰা হয় ৷
হাড় সুস্থ কৰি ৰখাত সহায় কৰে
শুকান খেজুৰ কেলচিয়ামৰ এক উৎকৃষ্ট উৎস, হাড় আৰু দাঁতক শক্তিশালী কৰি ৰখাৰ বাবে ই এক গুৰুত্বপূৰ্ণ উপাদান ৷
শক্তি বৃদ্ধি কৰা
শুকান খেজুৰত প্ৰাকৃতিক গ্লুক’জ আৰু ফ্ৰুক্ট’জ পোৱা যায় ৷ যিয়ে তৎক্ষণাত আপোনাক শক্তি বৃদ্ধি কৰাত সহায় কৰে ৷
আপোনাৰ ছালৰ বাবে এক আশীৰ্বাদস্বৰূপ
ভিটামিন B5 বা পেণ্টোথেনিক এচিড শুকান খেজুৰত প্ৰাকৃতিকভাৱে পোৱা যায়, যি ছালৰ কোষৰ বাবে অতি উপকাৰী আৰু ফ্ৰী ৰেডিকেলৰ ফলত হোৱা ক্ষতি মেৰামতি কৰিব পাৰে ৷ ইয়াত উপস্থিত থকা বহুতো এন্টি-অক্সিডেণ্টে আপোনাৰ বয়স বাঢ়িলেও আপোনাৰ ছালখনত কোনো প্ৰভাৱ পৰিবলৈ নিদিয়ে ৷ ইয়াৰ উপৰিও ই আপোনাৰ ছালখনক পুষ্টি প্ৰদান কৰে আৰু ইয়াৰ টেক্সচাৰ উন্নত কৰে ৷
