গ্ৰীষ্মকালত আমি অধিক পিয়াহ অনুভৱ কৰো, যাৰ বাবে বহু সময়ত আমি ডিহাইড্ৰেচনৰ দৰে সমস্যা ভুগিবলৈ আৰম্ভ কৰো ৷ ইয়াৰ বাবেই আমি প্ৰায়ে বিভিন্ন শাৰীৰিক সমস্যাৰ সন্মুখীন হ’বলগীয়া হয় ৷ কিছুমান মানুহ ইমানেই অসাৱধান যে পিয়াহ অনুভৱ কৰাৰ পিছতো এলাহৰ বাবে পানী নাখায় ৷ এবাৰ বা দুবাৰ এনেকুৱা হ’লে ঠিকেই আছে, কিন্তু যদি আপুনি বাৰে বাৰে এই কাম কৰে, তেন্তে আপোনাৰ এই অভ্যাসটো লগে লগে সলনি কৰক ৷ পানী নোখোৱাৰ অভ্যাসে আপোনাৰ শৰীৰৰ গুৰুতৰ ক্ষতি কৰিব পাৰে ৷
গৰমৰ দিনত খাদ্য খোৱাৰ দৰেই পানী সেৱন কৰাটোও গুৰুত্বপূৰ্ণ ৷ যদি আপুনিও এই বতৰত পানী সেৱন কৰিবলৈ পাহৰি যায়, তেন্তে ইয়াত উল্লেখ কৰা ৰসাল ফলৰ সহায়ত শৰীৰৰ পৰা পানীৰ অভাৱ দূৰ কৰিব পাৰিব ৷
পানীৰ অভাৱ দূৰ কৰিবলৈ এই খাদ্য সামগ্ৰীসমূহ আপোনাৰ খাদ্য তালিকাত অন্তৰ্ভুক্ত কৰক
তিঁয়হ
শৰীৰক হাইড্ৰেট কৰি ৰখাত তিঁয়হে গুৰুত্বপূৰ্ণ ভূমিকা পালন কৰে ৷ স্বাস্থ্য বিশেষজ্ঞৰ মতে, ইয়াত ৯৫ শতাংশ পানী পোৱা যায় ৷ গৰমৰ দিনত দৈনিক তিঁয়হ খালে শৰীৰত পানীৰ অভাৱ নহ’ব ৷ ইয়াৰ লগতে শৰীৰত ভিটামিন কে, পটাছিয়াম আৰু মেগনেছিয়ামৰ পৰিমাণো অক্ষত অৱস্থাত থাকিব ৷ ওজন হ্ৰাসৰ ক্ষেত্ৰতো ইয়াক গ্ৰহণ কৰিব পাৰে ৷ কাৰণ ইয়াত একেবাৰেই কেলৰি নাথাকে ৷
তৰমুজ
গ্ৰীষ্মকালত হাইড্ৰেচনৰ বাবে তৰমুজক সৰ্বোত্তম বুলি গণ্য কৰা হয় ৷ ইয়াত ৯৪ শতাংশ পানী থাকে ৷ এই কাৰণতে গ্ৰীষ্মকালত বজাৰত তৰমুজৰ বিপুল চাহিদা ৷ ইয়াৰ উপৰিও বিলাহীও খাব পাৰে ৷ শাক-পাচলিত ব্যৱহাৰ কৰাৰ লগতে বিলাহীৰ চালাড বনাই প্ৰতিদিনে খাব পাৰে ৷ ইয়াত প্ৰচুৰ পৰিমাণে এণ্টি অক্সিডেণ্ট থাকে, যিয়ে আপোনাৰ শৰীৰৰ বহু পুষ্টিকৰ উপাদানৰ অভাৱ পূৰণ কৰে ৷
ৰঙা কেপচিকাম
ৰঙা কেপচিকামৰ পৰা প্ৰায় ৯২ শতাংশ পানী পায় ৷ ইয়াৰ সহায়ত আপুনি বহু ধৰণৰ সোৱাদযুক্ত ৰেচিপি বনাব পাৰে ৷ পানীৰ বাহিৰেও কেপচিকামৰ পৰা বহু ধৰণৰ পুষ্টি আৰু ভিটামিন চি পোৱা যায় ৷
ষ্ট্ৰবেৰী
গ্ৰীষ্মকালত ষ্ট্ৰবেৰী খোৱাটো অতি উপকাৰী বুলি গণ্য কৰা হয় ৷ ইয়াত আঁহ, এণ্টি অক্সিডেণ্ট আৰু ভিটামিনৰ লগতে ৯১ শতাংশ পানী থাকে ৷ ইয়াক ভিটামিন চি, ফলেট আৰু মেংগানিজৰ এক উৎকৃষ্ট উৎস বুলি গণ্য কৰা হয় ৷
লগতে পঢ়ক: যিকোনো চাহতকৈ অধিক লাভদায়ক কেমোমিল চাহ; জানক ইয়াৰ লাভালাভ - Chamomile Tea Benefits
