এতিয়ালৈকে আপুনি হয়তো আদা দিয়া বা আন ধৰণৰ চাহ খাইছিল, কিন্তু আজি আমি আপোনালোকক ক’বলৈ ওলাইছো নহৰু দিয়া চাহৰ আচৰিত উপকাৰিতাৰ বিষয়ে ৷ নহৰু দিয়া চাহ খালে বহু উপকাৰিতা পাব পাৰি ৷ এই চাহে ৰক্ত শৰ্কৰাৰ মাত্ৰা নিয়ন্ত্ৰণৰ কাম কৰে ৷ ইয়াৰ উপৰিও বহুতো ইয়াৰ এনে বহু উপকাৰিতা আছে যিবোৰৰ বিষয়ে আপুনি হয়তো জ্ঞাত নহয় ৷ আজি আমি সেই উপকাৰিতাৰ বিষয়ে আলোচনা কৰিম ৷
নহৰু দিয়া চাহ খোৱাৰ ৭টা উপকাৰিতা
ডায়েটিচিয়ান আয়ুষী যাদৱে জনোৱা মতে, নহৰুৰ এন্টিবেক্টেৰিয়েল আৰু এন্টিভাইৰেল গুণ আছে ৷ ইচ্ছা কৰিলে নহৰু দিয়া চাহত আদা আৰু দালচেনিও আপুন দিব পাৰে ৷ যাতে স্বাস্থ্য উপকাৰিতা দুগুণ বৃদ্ধি হ’ব পাৰে আৰু চাহৰ সোৱাদো বৃদ্ধি কৰিব পাৰে ৷
১) ডায়েবেটিছ ৰোগীৰ বাবে নহৰু দিয়া চাহ অতি উপকাৰী ৷ ইয়াৰ ফলত শৰীৰত তেজত শৰ্কৰাৰ মাত্ৰাও হ্ৰাস পায় ৷ বিপাকীয় অৱস্থাতো ই সহায় কৰে ৷
২) নহৰু চাহ সেৱন কৰিলে শৰীৰৰ পৰা দূষিত পদাৰ্থসমূহ আঁতৰাব পাৰি ৷
৩) নহৰু চাহ খালে ওজন কমোৱাত সহায় হয় ৷ এই চাহে আপোনাৰ শৰীৰৰ বেছিভাগ অংশতে চৰ্বি দ্ৰৱীভূত কৰাৰ কাম কৰে ৷ ইয়াত বিপাকীয় ক্ৰিয়া বৃদ্ধি কৰা গুণ পোৱা যায়, যিয়ে ওজন হ্ৰাস কৰাত সহায় কৰে ৷
৪) নহৰু চাহে হৃদযন্ত্ৰৰ স্বাস্থ্যও উন্নত কৰিব পাৰে ৷ ইয়াক সেৱন কৰিলে ৰক্ত সঞ্চালন উন্নত হয়, বেয়া কলেষ্টেৰলৰ মাত্ৰাও হ্ৰাস পায় ৷ যাৰ বাবে হৃদৰোগৰ পৰা হাত সাৰিব পাৰি ৷
৫) নহৰু চাহ খালে শ্বাস-প্ৰশ্বাসজনিত ৰোগ প্ৰতিৰোধ কৰিব পাৰি ৷ শীতকালত জ্বৰ আৰু কাহ নিৰাময়ৰ বাবেও ইয়াক সেৱন কৰিব পাৰি ৷
৬) এই চাহ এবিধ শক্তিশালী এন্টিবায়টিক পানীয়, যিয়ে শৰীৰৰ ৰোগ প্ৰতিৰোধ ক্ষমতা বৃদ্ধি কৰে ৷
৭) নহৰু চাহ খালে শৰীৰৰ প্ৰদাহ কম কৰাত সহায় কৰে ৷
নহৰু চাহ কেনেকৈ বনাব ?
নহৰু দিয়া চাহ তৈয়াৰ কৰিবৰ বাবে আপুনি প্ৰথমে এটা বাচন লৈ লওক ৷ তাত একাপ পানী উতলাই লওক ৷ কিছুসময়ৰ পাচত নহৰুখিনি থেতেলিয়াই দি তাত দিব ৷ ইয়াৰ লগতে এচামুচ জালুক দি তাৰ পিছত চাহখিনি পাঁচ মিনিট উতলিবলৈ দিব ৷ পাঁচ মিনিটৰ পিছত গেছ বন্ধ কৰি এটা পাত্ৰত চাহখিনি চেকি লওক ৷ এইদৰে আপোনাৰ চাহ সাজু হ’ব ৷
