বিভিন্ন স্বাস্থ্যকাৰী গুণাগুণেৰে সমৃদ্ধ তথা খাবলৈ সোৱাদযুক্ত, সুগন্ধিযুক্ত কাজি নেমুৱে লাভ কৰিলে GI টেগ ৷ অসমৰ জাতীয় ফল হিচাপে স্বীকৃতি লাভ কৰিলে কাজি নেমুৱে ৷ সোমবাৰে অনুষ্ঠিত হোৱা ৰাজ্যিক কেবিনেটত গ্ৰহণ কৰা হয় এই সিদ্ধান্ত ৷
অসমত উপলব্ধ এক প্ৰকাৰৰ বিশেষ প্ৰজাতিৰ নেমু হৈছে কাজি নেমু ৷ ইয়াৰ বৈজ্ঞানিক নাম হৈছে Citrus limon৷ ই Rutaceae পৰিয়ালৰ অন্তৰ্গত Citrus গণৰ এটা প্ৰজাতি ৷ কাজিনেমুৰ কিছুমান বৈশিষ্ট্য আছে যাৰ বাবে ই আন নেমুতকৈ কিছু পৃথক ৷
বিশেষকৈ ইয়াৰ গোন্ধ আন নেমুতকৈ বেলেগ আৰু আকৃতি তুলনামূলক ভাবে ডাঙৰ ৷ কাজিনেমু পকি যোৱাৰ পিছতো বহু দিন গছত লাগি থাকি সৰি নাযায় আৰু গোটেই বছৰটো ফল লাগে ৷ ২০১৯ চনত কাজি নেমুয়ে ভৌগোলিক স্বীকৃতিও লাভ কৰে ৷
ঘৰত কাৰোবাৰ বমিভাৱ আহিলে নেমুৰ পাত হাতেৰে মোহাৰি শুঙিবলৈ দিয়া পৰম্পৰা সমাজত এতিয়াও প্ৰচলিত আছে ৷ পেটৰ অসুখ হ’লে আচাৰৰ বৈয়ামত নিমখত দিয়া অকণমান নেমু খালে পেটৰ অসুখ ভাল হয় ৷ অসমৰ প্ৰতিবিধ খাদ্য কাজি নেমু অবিহনে আধৰুৱা ৷ কেৱল খাদ্যৰ সোৱাদ বৃদ্ধি কৰাই স্বাস্থ্যৰ দিশতো যথেষ্ট উপকাৰী কাজি নেমু ৷ তেন্তে আহক আজি কাজি নেমুৰ স্বাস্থ্য উপকাৰিতা সন্দৰ্ভত ভালদৰে জানি লওক-
কাজি নেমু টেঙাৰ বহু ঔষধি গুণাগুণ
১) পেটৰ সৈতে জড়িত সমস্যা যেনে পেট জ্বলা-পোৰা সমস্যা, কামোৰণি আদি সমস্যাত কাজি নেমু অতি উপকাৰী ৷
২) মূৰ ঘূৰণি আৰু মূৰৰ বিষ হ’লে নাৰিকলৰ তেলৰ লগত কাজি নেমুৰ ৰস মিহলাই মূৰত লগালে ৰোগ উপশম হয় ৷
৩) কাজি নেমু এটুকুৰা লৈ মুখ আৰু ডিঙি চাফা কৰিলে আপোনাৰ মুখমণ্ডলৰ ছাল যথেষ্ট উজ্বল হয় ৷
৪) সৰু ল’ৰা-ছোৱালীৰ কৃমি নাশ কৰিবলৈ খালী পেটত কাজি নেমুৰ ৰস আৰু গুটি পিহি খুওৱাব লাগে ৷
৫) ইনফ্লুৱেঞ্জা, কলেৰা, জ্বৰ, ভাইৰেল জ্বৰ, স্নায়ু দুৰ্বল আদি ৰোগ প্ৰতিৰোধত কাজি নেমুৰ ৰস যথেষ্ট উপকাৰী ৷
৬) আমি গ্ৰহণ কৰা খাদ্যৰ প্ৰয়োজনীয় পুষ্টি শৰীৰত শোষিত হোৱাত কাজি নেমুৰ ৰস আৰু বাকলিয়ে যথেষ্ট সহায় কৰে ৷
৭) মূৰ ঘূৰণি আৰু মূৰৰ বিষ হ’লে নাৰিকলৰ তেলৰ লগত কাজি নেমুৰ ৰস মিহলাই মূৰত লগালে বহু ৰোগ উপশম হয় ৷
লগতে পঢ়ক: কেৱল খাদ্যৰ সোৱাদ বৃদ্ধি কৰাই নহয় স্বাস্থ্যৰ দিশতো সমানে উপকাৰী নেমু
