কফি হৈছে এনে এবিধ পানীয় যাক মানুহে নিজৰ গোটেই দিনৰ ক্লান্তিৰ পৰা উপশম পাবলৈ, কেতিয়াবা টোপনি দূৰ কৰিবলৈ বা শৰীৰত শক্তি বৃদ্ধি কৰিবলৈ পান কৰে ৷ সমগ্ৰ বিশ্বতে বহুলোকেই নিজৰ দিনটোৰ আৰম্ভণি একাপ কফিৰ সৈতে কৰে ৷ কিন্তু আপুনি জানেনে যে অত্যধিক কফি সেৱন কৰিলে আপোনাৰ শৰীৰত বিৰূপ প্ৰভাৱ পৰিব পাৰে ?
হয়, যদি আপুনি দিনটোত ৪-৫ কাপ কফি খায়, তেন্তে আপুনি সাৱধান হোৱা উচিত, কাৰণ ইয়াৰ ফলত বহুতো গুৰুতৰ সমস্যাৰ সৃষ্টি হ’ব পাৰে ৷ জানো আহক অত্যধিক কফি খোৱাৰ বিপজ্জনক পাৰ্শ্বক্ৰিয়াৰ বিষয়ে-
অত্যধিক কফি খালে নাৰ্ভাছ আৰু উদ্বেগ সৃষ্টি হ’ব পাৰে
কফিৰ মূল উপাদান হ’ল কেফেইন, যিয়ে কেন্দ্ৰীয় স্নায়ুতন্ত্ৰত প্ৰভাৱ পেলায় ৷ কেফেইন অতিৰিক্তভাৱে সেৱন কৰিলে স্নায়বিক, মানসিক চাপ আৰু উদ্বেগ আদি সমস্যাৰ সৃষ্টি হ’ব পাৰে ৷ আপোনাৰ হৃদস্পন্দন বেছিকৈ আৰম্ভ হয়, হাত দুখন কঁপিবলৈ আৰম্ভ কৰে, আৰু আপুনি অস্বস্তি অনুভৱ কৰে ৷ এনে পৰিস্থিতিত তৎক্ষণাত কেফেইন সেৱন কমাই দিব লাগে ৷
টোপনি অহা নাই ? কেফেইন হ’ব পাৰে ইয়াৰ মূল কাৰণ
যদি আপুনি কফি খাই গভীৰ নিশালৈকে কাম কৰে বা দেৰিলৈকে সাৰ পাই থাকে, তেন্তে কেফেইনো ইয়াৰ কাৰণ হ’ব পাৰে ৷ কেফেইনে এডিন’চিন নামৰ নিউৰ’ট্ৰান্সমিটাৰ এটাক বাধা দিয়ে, যিয়ে আমাক টোপনিৰ অনুভৱ কৰাত সহায় কৰে ৷ গতিকে শুবলৈ যোৱাৰ ৬-৮ ঘণ্টা আগতে কফি খোৱাৰ পৰা বিৰত থাকক আৰু সন্ধিয়া চাহ বা বনৌষধি চাহ আদি পাৰিলে সেৱন কৰিব লাগে ৷
পাচনতন্ত্ৰৰ ক্ষতি হয়
অত্যধিক কফি সেৱন কৰিলেও পাচনতন্ত্ৰত বেয়া প্ৰভাৱ পৰিব পাৰে ৷ পেটত এচিডৰ পৰিমাণ বৃদ্ধি কৰি এচিডিটি, হাৰ্টবাৰ্ণ আৰু ডায়েৰিয়া আদি সমস্যাৰ সৃষ্টি কৰিব পাৰে ৷ যদি আপুনি পেটৰ জ্বলা-পোৰা বা বিষ অনুভৱ কৰি আছে তেন্তে অধিক কফি সেৱন কৰাৰ বাবে হ’ব পাৰে ৷
দ্ৰুত হৃদস্পন্দন আৰু ৰক্তচাপ বৃদ্ধি
অত্যধিক কেফেইন সেৱন কৰাৰ ফলত হৃদস্পন্দন আৰু ৰক্তচাপ বৃদ্ধি পাব পাৰে ৷ কফি খোৱাৰ পিচত যদি সামান্য মূৰ ঘূৰোৱা বা হৃদস্পন্দন অনুভৱ হয়, তেন্তে কেফেইন সেৱন পাৰিলে কমাই দিয়ক ৷
