নেত্ৰদান হৈছে এক মহানদান ৷ নেত্ৰদান কৰি আপুনি কাৰোবাৰ অন্ধকাৰ জীৱন পোহৰাই তুলিব পাৰে ৷ আপুনি জানি আচৰিত হ’ব যে আমাৰ দেশৰ ১ কোটিতকৈ অধিক লোকেই ভুগিছে ৷ এনে পৰিস্থিতিত বহুতে মৃত্যুৰ পিছতো নিজৰ নেত্ৰদান কৰি কাৰোবাক এটি নতুন জীৱন দিব পাৰে ৷ কিন্তু নেত্ৰদানৰ সন্দৰ্ভত বহুতো ভুল ধাৰণাও আছে ৷
নেত্ৰৰ উপযোগিতা বিবেচনা কৰিয়েই প্ৰতি বছৰে ২৫ আগষ্টৰ পৰা ৮ ছেপ্টেম্বৰলৈ ৰাষ্ট্ৰীয় নেত্ৰদান পষেক পালন কৰা হয় । ইয়াৰ উদ্দেশ্য হৈছে মানুহক নেত্ৰদানৰ গুৰুত্বৰ বিষয়ে সজাগ কৰা আৰু প্ৰেৰণা যোগোৱা । এই সময়ছোৱাত সমগ্ৰ দেশতে বিভিন্ন মঞ্চত আলোচনা চক্ৰ, সজাগতামূলক কাৰ্যসূচী আৰু কৰ্মশালা আদিৰ আয়োজন কৰা হয়, যাতে মানুহে ইয়াৰ লাভ আৰু ভুল ধাৰণাসমূহৰ আঁৰৰ সত্যতা বুজিব পাৰে ।
বহুতে এয়া ভাবে যে নেত্ৰদানৰ বাবে এজন ব্যক্তিৰ গোটেই চকুটো উলিয়াই দি দিব লগীয়া হয়, কিন্তু আমি জনাই দিও যে, এয়া সম্পূৰ্ণ এটি ভুল ধাৰণা ৷ সেয়ে ৰাষ্ট্ৰীয় নেত্ৰদান পষেক উপলক্ষে আজি এনে ভুলধাৰণা সমূহৰ বিষয়ে জানো আহক-
নেত্ৰদানৰ বাবে গোটেই চকুটো আঁতৰাই দিয়া হৈছে নেকি ?
নেত্ৰদান কৰিবলৈ ইচ্ছুক লোকৰ মাজত এই প্ৰশ্নটো প্ৰায়ে দেখা যায় যে নেত্ৰদানৰ সময়ত গোটেই চকুটো উলিয়াই লোৱা হয় নে নহয়, কিন্তু সেয়া নহয় ৷ এই প্ৰক্ৰিয়াত গোটেই চকুটো আঁতৰাই পেলোৱা নহয় ৷ কেৱল চকুৰ সন্মুখত এখন স্বচ্ছ স্তৰ থাকে যাক কৰ্ণিয়া বোলা হয় ৷ কেৱল সেইটোহে উলিয়াই দিয়া হয় ৷ এই কাম কৰাৰ পিছত চকুত কোনো ধৰণৰ ঘা বা চকুটো নষ্ট হোৱা দেখা নাযায় ৷
এজন দাতাই কিমান গৰাকী লোকৰ জীৱন পোহৰাই তুলিব পাৰে ?
এগৰাকী নেত্ৰদান কৰা ব্যক্তিয়ে দুজন দৃষ্টিহীন লোকক কৰ্ণিয়াৰ দৃষ্টিহীনতাৰ পৰা ৰক্ষা কৰিব পাৰে ৷ কৰ্ণিয়াৰ আক্ৰান্ত স্তৰৰ ওপৰত নিৰ্ভৰ কৰি সমগ্ৰ কৰ্ণিয়াৰ পৰিৱৰ্তে কিছুমান নিৰ্দিষ্ট স্তৰ প্ৰতিস্থাপন কৰিব পাৰি ৷
কোনে নেত্ৰদান কৰিব পাৰে ?
- ১ বছৰৰ উৰ্ধৰ প্ৰতিজন ব্যক্তিয়ে চকু (কৰ্ণিয়া) দান কৰিব পাৰে ৷
- নেত্ৰদান কৰাৰ বয়সৰ কোনো সীমা নাথাকে ৷
কোনে নেত্ৰদান কৰিব নোৱাৰে ?
- সংক্ৰামক ৰোগত আক্ৰান্ত হৈ মৃত্যু হোৱা লোক
- এইডছৰ ৰোগীসকল
- ৰেবিজ
- হেপাটাইটিছ বি বা চি
- টিটেনাছ আদি ৰোগত আক্ৰান্ত হৈ নেত্ৰদান কৰিব নোৱাৰে
- যিসকল লোকৰ কেন্সাৰ বা চকুৰ কোনো ধৰণৰ সংক্ৰমণ হোৱা লোক
কিমান সোনকালে নেত্ৰদান হ’ব লাগে ?
মৃত্যুৰ ৪ৰ পৰা ৬ ঘণ্টাৰ ভিতৰত নেত্ৰদান কৰিব লাগে ৷ বিশেষ কথাটো হ’ল ইয়াৰ ফলত অন্ত্যেষ্টিক্ৰিয়াৰ সম্পন্ন কৰাৰ ক্ষেত্ৰত কোনো পলম নহয় ৷
নেত্ৰদান প্ৰক্ৰিয়া-
- নেত্ৰদান কৰিবলৈ মাত্ৰ ১০ৰ পৰা ১৫ মিনিট সময় লাগে ৷
- মৃত্যুৰ পিছত নেত্ৰদান কৰিবলৈ দাতাৰ পৰিয়ালে আইবেংকলৈ গৈ ফৰ্মখন পূৰণ কৰে ৷
- প্ৰ-পত্ৰ পূৰণ কৰাৰ পিছত পঞ্জীয়ন কৰা হয়
- ইয়াৰ পিছত কাৰ্ডখন জমা দিয়া হয়
- মৃত্যুৰ আগতেই এই পঞ্জীয়ন কৰিব পাৰি ৷
- দাতাৰ পৰিয়ালৰ সদস্যই সমীপৰ নেত্ৰ বেংকৰ কর্তৃপক্ষক অৱগত কৰিব লাগে, তাৰ পিছত দলটোৱে কৰ্ণিয়া আঁতৰোৱাৰ প্ৰক্ৰিয়াটো সম্পূৰ্ণ কৰে ৷
- মৃত্যুৰ পিছত কৰ্ণিয়া আঁতৰাই দিলে কোনো ধৰণৰ দাগ বা ক্ষতি নহয় ৷
