৪০ বছৰ বয়সৰ পিচত চুলি বগা হোৱাটো স্বাভাৱিক কথা । কাৰণ মানুহৰ বয়স বাঢ়ি যোৱাৰ লগে লগে চুলি বগা হ’বলৈ আৰম্ভ কৰে ৷ কিন্তু আজিকালি বহুতৰে ক্ষেত্ৰত খুব কম বয়সৰ পৰাই বগা চুলিৰ সমস্যাই দেখা দিয়ে । অৱশ্যে বহুতৰে ক্ষেত্ৰত ই বংশগত সম্পৰ্কীয় হ’ব পাৰে, কিন্তু কেতিয়াবা শৰীৰত বহুতো পুষ্টিকৰ উপাদানৰ অভাৱৰ বাবেও হ’ব পাৰে ।
যেতিয়া চুলিৰ গুৰিবোৰে ৰঞ্জক কোষৰ জৰিয়তে পৰ্যাপ্ত পৰিমাণে মেলানিন উৎপন্ন নকৰে তেতিয়া চুলি বগা হৈ পৰে । ইয়াৰ আঁৰত বহু কাৰণ আছে, মানসিক চাপ, হৰম’নৰ পৰিৱৰ্তন বা আনকি ভিটিলিগো নামৰ ছালৰ ৰোগ । এই প্ৰতিবেদনত আমি আপোনাক ক’ম কি কি কাৰণত চুলি কম বয়সতে বগা হ’বলৈ ধৰে ।
ভিটামিনৰ অভাৱ:
চুলিৰ বৃদ্ধিৰ লগতে ইয়াৰ প্ৰাকৃতিক ৰং বজাই ৰাখিবলৈ পুষ্টিৰ প্ৰয়োজন । যদি আমাৰ শৰীৰত পুষ্টিকৰ উপাদানৰ অভাৱ হয় তেন্তে চুলি বগা হ’বলৈ আৰম্ভ কৰে । ভিটামিন বি ১২, আইৰণ, কপাৰ আৰু জিংক আদি বহুতো ভিটামিন আৰু খনিজ পদাৰ্থৰ অভাৱত চুলি বগা হ’ব পাৰে । এই পুষ্টিকৰ উপাদানসমূহে মেলানিন উৎপাদনত সহায় কৰে আৰু চুলিৰ গুৰি সুস্থ কৰি ৰখাত সহায় কৰে ।
হৰম’নৰ পৰিৱৰ্তন:
বিশেষকৈ গৰ্ভাৱস্থা বা পিৰিয়ডৰ সময়ত শৰীৰৰ হৰম’নৰ পৰিৱৰ্তনে চুলিৰ ৰং প্ৰভাৱিত কৰিব পাৰে । মেলান’চাইট-ষ্টিমুলেটিং হৰম’ন (MSH) আৰু কৰ্টিছলৰ দৰে হৰম’নৰ উঠা-নমা আৰু ভাৰসাম্যহীনতাই বগা চুলিৰ সমস্যাটো আৰু বেছি ভয়াৱহ কৰি তুলিব পাৰে ।
মানসিক চাপ:
দীৰ্ঘদিন ধৰি মানসিক চাপত থাকিলে শৰীৰত মানসিক চাপৰ হৰম’ন নিঃসৰণ হয় যিয়ে দীৰ্ঘকালীনভাৱে চুলিৰ ৰঙকে ধৰি শৰীৰৰ বহু কামত প্ৰভাৱ পেলায় । অত্যধিক চাপৰ ফলত মেলানোচাইটৰ অভাৱ বৃদ্ধি পায় যাৰ ফলত চুলি বগা হয় ।
ধূমপান:
ধূমপান বিভিন্ন স্বাস্থ্যজনিত সমস্যাৰ সৈতে জড়িত । ই বহু ৰোগৰ কাৰণ আৰু তাৰ ভিতৰত এটা হ’ল বগা চুলি । ই শৰীৰত ক্ষতিকাৰক বিষাক্ত পদাৰ্থ বৃদ্ধি কৰে ।
লগতে পঢ়ক: আপুনিও দিনটোত খায় নেকি 3 কাপ চাহ ? তেন্তে হ’ব পাৰে এই সমস্যা
