আমাৰ শৰীৰৰ বাবে ভিটামিন অতি গুৰুত্বপূৰ্ণ ৷ ভিটামিনৰ অভাৱত শৰীৰত বহু সমস্যাৰ সৃষ্টি হয় ৷ স্বাস্থ্য বিশেষজ্ঞৰ মতে, ভিটামিন ডি চৰ্বিত দ্ৰৱীভূত ৷ স্বাস্থ্যৰ দৃষ্টিকোণৰ পৰা এইটো অতি গুৰুত্বপূৰ্ণ ৷ ই কেৱল আমাৰ হাড়ক মজবুত কৰি ৰখাই নহয় বৰঞ্চ চুলিৰ বাবেও ই অতি গুৰুত্বপূৰ্ণ ৷ মানসিক স্বাস্থ্যৰ দৃষ্টিকোণৰ পৰাও এই ভিটামিন অতি গুৰুত্বপূৰ্ণ ৷
এই সন্দৰ্ভত চিকিৎসকে কয় যে, শৰীৰত ভিটামিন ডিৰ অভাৱ হ’লে মানসিক চাপ, হাড়ৰ সমস্যা আৰু ক্লান্তিৰ দৰে স্বাস্থ্যজনিত সমস্যাৰ সৃষ্টি হ’ব পাৰে ৷ ইয়াৰ লগতে এই ভিটামিনৰ অভাৱত শৰীৰৰ বিষ হোৱাৰ সম্ভাৱনাও দেখা যায় ৷ ভিটামিন ডিৰ অভাৱত শৰীৰৰ কোন কোন ঠাইত বিষ হয় জানো আহক-
হাড়ৰ সমস্যা
শৰীৰত ভিটামিন ডিৰ অভাৱত হাড়ৰ বিষ হ’ব পাৰে ৷ যেতিয়া আমাৰ শৰীৰত ভিটামিন ডিৰ মাত্ৰা কম হয় তেতিয়া আমি কেলচিয়াম আৰু ফছফৰাছ সঠিকভাৱে শোষণ কৰিব নোৱাৰো ৷ এনে অৱস্থাত হাড়ৰ বিষ বা ভাঙি যোৱাৰ সম্ভাৱনা থাকে ৷ এই ধৰণৰ সমস্যা বৃদ্ধ লোকৰ ক্ষেত্ৰত অধিক অসুবিধাজনক হ’ব পাৰে ৷
পেশীৰ বিষ
শৰীৰত ভিটামিন ডিৰ অভাৱৰ বাবে পেশীৰ বিষ আৰম্ভ হয় ৷ ডাঃ পংকজ ভাৰ্মাই কয় যে, যেতিয়া আমাৰ শৰীৰত ভিটামিন ডিৰ অভাৱ হয় তেতিয়া ইয়াৰ বাবে শৰীৰত পুষ্টিকৰ পদাৰ্থৰ শোষণ কমিবলৈ আৰম্ভ কৰে ৷ ইয়াৰ কাৰণে পেশীত বিষ আৰম্ভ হয় ৷
গাঁঠিৰ বিষ
স্বাস্থ্য বিশেষজ্ঞৰ মতে, শৰীৰত ভিটামিন ডিৰ অভাৱৰ বাবে গাঁঠিৰ বিষো আৰম্ভ হয় ৷ এই ভিটামিনৰ অভাৱৰ বাবে হাড় দুৰ্বল হ’বলৈ আৰম্ভ কৰে ৷ ইয়াৰ বাবেই বিষৰ সম্ভাৱনা বেছি ৷ যদি আপোনাৰ গাঁঠিৰ বিষৰ দৰে কোনো ধৰণৰ অভিযোগ আছে, তেন্তে নিশ্চিতভাৱে বিশেষজ্ঞৰ পৰামৰ্শ লওক ৷
যদি আপুনি অনুভৱ কৰে যে আপোনাৰ শৰীৰত এনে লক্ষণ দেখা দিছে তেন্তে ইয়াৰ কাৰণ হ’ব পাৰে ভিটামিন ডিৰ অভাৱ ৷ লগে লগে চিকিৎসকৰ পৰামৰ্শ লৈ উপযুক্ত চিকিৎসা গ্ৰহণ কৰিব লাগে ৷
লগতে পঢ়ক: মূৰৰ আঘাত সংক্ৰান্তীয় বিষয়ত প্ৰয়োজন সজাগতাৰ: ডাঃ নভনীল বৰুৱা
