প্ৰ’টিন হৈছে সামগ্ৰিক স্বাস্থ্যৰ বাবে প্ৰয়োজনীয় এক অপৰিহাৰ্য মিনাৰেল ৷ পেশীৰ বিকাশ আৰু চুলিৰ বৃদ্ধিৰ বাবেও ইয়াৰ অতি প্ৰয়োজনীয় ৷ যদি আপুনি আপোনাৰ খাদ্যত পৰ্যাপ্ত পৰিমাণৰ প্ৰ’টিন গ্ৰহণ নকৰে তেন্তে ই আপোনাৰ বিপাকীয় ক্ৰিয়া দুৰ্বল কৰি তুলিব পাৰে ৷ ই ওজন বৃদ্ধি কৰাৰ লগতে শৰীৰক দুৰ্বল কৰি তুলিব পাৰে ৷ আমি আমাৰ দৈনিক খাদ্যত পৰ্যাপ্ত পৰিমাণৰ প্ৰ’টিন সেৱন কৰাটো খুবেই জৰুৰী ৷
প্ৰ’টিনৰ বাবে মানুহে কণী, পনিৰ, টোফু খায় ৷ কিন্তু কিছুমান লোকৰ মতে, বুটৰ দালিৰ পৰা তৈয়াৰ কৰা ছাতু খালে পৰ্যাপ্ত পৰিমাণৰ প্ৰ’টিন পোৱা যায় ৷ কিন্তু আপোনাৰ দৈনন্দিন খাদ্যৰ বাবে ই যথেষ্ট নে ? ছাতু সেৱন কৰিলে আপুনি পৰ্যাপ্ত পৰিমাণৰ প্ৰ’টিন পায় নে ? এই সন্দৰ্ভত তথ্য দি পুষ্টিবিদ তথা খাদ্য বিশেষজ্ঞ শ্বেতা জে পাঞ্চলে ইনষ্টাগ্ৰামযোগে এটি ভিডিঅ’ শ্বেয়াৰ কৰে আৰু কয় যে প্ৰ’টিনৰ অভাৱ পূৰণ কৰিবলৈ ছাতু আমাৰ বাবে যথেষ্ট হয় নে আহক আজি এই বিষয়ে এই প্ৰতিবেদনৰ জৰিয়তে জানিবলৈ চেষ্টা কৰোঁ ৷
ছাতু সেৱন কৰিলে শৰীৰে পৰ্যাপ্ত পৰিমাণৰ প্ৰটিন লাভ কৰেনে ?
বিশেষজ্ঞসকলৰ মতে, ছাতু প্ৰ’টিনৰ এক উৎকৃষ্ট উৎস ৷ ইয়াক সেৱন কৰিলে শৰীৰে পৰ্যাপ্ত পৰিমাণৰ প্ৰ’টিন লাভ কৰে ৷ প্ৰায় ১০০ গ্ৰাম ছাতুৰ পৰা ২০ গ্ৰাম প্ৰ’টিন পাব পাৰি ৷ কিন্তু দৈনিক প্ৰ’টিনৰ বাবে কেৱল ছাতুৰ ওপৰত নিৰ্ভৰ কৰিলেই যথেষ্ট নহয় ৷ ইয়াৰ লগতে প্ৰ’টিনৰ অন্যান্য উৎসও গ্ৰহণ কৰিব লাগে ৷
স্বাস্থ্যৰ বাবে ছাতু কেনেদৰে উপকাৰী ?
- হজমৰ বাবে উপকাৰী
ছাতু হজম শক্তিৰ বাবে এক উৎকৃষ্ট উৎস ৷ ইয়াত থকা প্ৰ’টিন দালিতকৈও ভালদৰে হজম হয় ৷ ইয়াত দ্ৰৱণীয় আঁহ থাকে, যিয়ে আন্ত্ৰিক পৰিষ্কাৰ কৰি ৰখাত সহায় কৰে ৷ ইয়াৰ নিয়মীয়া সেৱনে কোষ্ঠকাঠিন্য, এচিডিটি আৰু পেটৰ বিষৰ দৰে সমস্যাৰ সৃষ্টি নকৰে ৷
- শৰীৰ গঠনত সহায় কৰে
বডি বিল্ডিঙৰ কাম কৰিব বিচৰা সকলৰ বাবে ছাতু এটা ভাল উৎস ৷ ইয়াৰ উপৰিও ইয়াৰ নিয়মীয়া সেৱনেও ওজন বৃদ্ধিত সহায় কৰে ৷ শৰীৰৰ পৰা ভাগৰ, এলাহ ভাব আৰু দুৰ্বলতা দূৰ কৰাত সহায় কৰে ৷
- ছাল আৰু চুলিৰ বাবে উপকাৰী
ছালখন হাইড্ৰেটেড কৰি ৰখাত সহায় কৰে ৷ ইয়াৰ উপৰিও ই আইৰণৰ ভাল উৎসও ৷ তদুপৰি চুলি মজবুত কৰি ৰখাতো সহায় কৰে ৷ ইয়াত প্ৰ’টিন আৰু আইৰণ থাকে, যিয়ে চুলিৰ গুৰি শক্তিশালী কৰাত সহায় কৰে ৷
- ডায়েবেটিছ ৰোগীৰ বাবে উপকাৰী
ডায়েবেটিছ ৰোগীৰ বাবে ছাতু এবিধ ভাল জলপানৰ বিকল্প ৷ ইয়াৰ গ্লাইচেমিক সূচকাংকও অতি কম থাকে ৷ গতিকে ইয়াৰ সেৱনৰ বাবে শৰীৰত চেনি বৃদ্ধি হোৱাৰ কোনো আশংকা নাথাকে ৷
ছাতু প্ৰ’টিনৰ এক উত্তম উৎস ৷ কিন্তু দৈনিক প্ৰ’টিন সেৱনৰ বাবে কেৱল ছাতু সেৱন কৰিলেই যথেষ্ট নহয় ৷ ইয়াৰ লগতে খাদ্যত অন্যান্য প্ৰ’টিনৰ উৎসও অন্তৰ্ভুক্ত কৰিব লাগে ৷ যদি এই প্ৰতিবেদনত দিয়া তথ্য আপোনাৰ ভাল লাগিল, তেন্তে শ্বেয়াৰ কৰিবলৈ নাপাহৰিব ৷
