ষ্ট্ৰোক এক বিপজ্জনক চিকিৎসাজনিত অৱস্থা যদিও ইয়াক আগতীয়াকৈ ধৰা পেলোৱাটো ৰোগীৰ স্বাস্থ্য উন্নত কৰাৰ লগতে দীৰ্ঘম্যাদী অক্ষমতা(long-term disability) প্ৰতিৰোধৰ বাবে অতি গুৰুত্বপূৰ্ণ ৷
এই সন্দৰ্ভত প্ৰখ্যাত স্নায়ু শল্য চিকিৎসক ডাঃ পায়োজ পাণ্ডেই কয়,‘গোল্ডেন আৱাৰ’ হৈছে সেই ধাৰণা যাৰ দ্বাৰা ষ্ট্ৰোকৰ প্ৰথম ঘণ্টাৰ ভিতৰত লক্ষণসমূহ দ্ৰুতভাৱে পৰিচালনা কৰাটো গুৰুত্বপূৰ্ণ ৷ এই জটিল সময়ত Medical interventionৰ সহায়ত বিপদ মগজুৰ ক্ষতিৰ পৰিমাণ বহু পৰিমাণে হ্ৰাস কৰিব পাৰি আৰু ইয়াৰ দ্বাৰা আৰোগ্য লাভৰ সম্ভাৱনাও বৃদ্ধি কৰাটো সম্ভৱ ৷"
ষ্ট্ৰোকৰ লক্ষণসমূহ কেনেকৈ চিনাক্ত কৰিব পাৰি
ডাঃ পায়োজে কয় যে, যদি আমি কিছুমান সতৰ্কতা পালন কৰো তেন্তে ষ্ট্ৰোকক আগতীয়া ধৰা পেলাব পাৰি ৷ সেই লক্ষণবোৰ কি জানো আহক-
১/ মুখখন তললৈ নামি যোৱা (Face Drooping)
এইটো এটা চিন্তনীয় অৱস্থা য’ত মুখৰ এটা ফাল অজ্ঞান হৈ পৰে বা কাৰ্যক্ষমতা হেৰুৱাই পেলায় ৷
২/ বাহুৰ দুৰ্বলতা (Arm Weakness)
এখন হাত দুৰ্বল হৈ পৰিছে নে অজ্ঞান হৈ পৰিছে নেকি ? এনে ৰোগীক যেতিয়াই দেখা পায় তেতিয়াই দুয়োখন বাহু ওপৰলৈ দাঙিবলৈ কওক, এখন হাত তললৈ বেঁকা হৈ আছে নেকি লক্ষ্য কৰক ৷
৩/ সঠিকভাৱে কথা কোৱাত অসুবিধা (Speech Difficulty)
কোনো ব্যক্তিয়ে সঠিকভাৱে কথা কোৱা বা কথা কোৱাত অসুবিধাৰ সন্মুখীন হৈছে নেকি ? আপুনি তেওঁক সাধাৰণ কথা ক’বলৈ দিয়ক ৷
জৰুৰীকালীন সেৱালৈ ফোন কৰক
যেতিয়াই আপুনি আপোনাৰ ওচৰ-চুবুৰীয়া বা আপোনাৰ ওচৰৰ কাৰোবাৰ মাজত এনে লক্ষণ দেখা পায় তেতিয়াই তৎক্ষণাত ব্যৱস্থা গ্ৰহণ কৰক ৷ এই লক্ষণবোৰ নাইকিয়া হ’লেও তৎক্ষণাত জৰুৰীকালীন সেৱালৈ ফোন কৰক ৷ ইয়াৰ বাহিৰেও আন লক্ষণ যেনে তীব্ৰ মূৰৰ বিষ, খোজ কঢ়াত অসুবিধা, মূৰ ঘূৰোৱা বা মানসিক বিভ্ৰান্তি আদিক আওকাণ কৰিব নোৱাৰি ৷
তেওঁ কয় যে, ‘Golden Hour’ত ষ্ট্ৰোকৰ লক্ষণসমূহ চিনাটো আৰু তৎক্ষণাত চিকিৎসকৰ সহায় লোৱাটো কিমান গুৰুত্বপূৰ্ণ সেই বিষয়ে কোৱা হৈছে ৷ চিকিৎসা ক্ষীপ্ৰতাৰে কৰিব লাগে আৰু টিছু প্লাজমিনোজেন এক্টিভেটৰ ( Tissue Plasminogen Activator)আৰু মেকানিকেল ক্লট ৰিট্ৰিভাল (Mechanical Clot Retrieval)আদি ঔষধৰ সহায়ত মগজুলৈ ৰক্ত সঞ্চালন পুনৰ ঘূৰাই আনি অধিক ক্ষতি হ্ৰাস কৰিব পাৰি ৷
লগতে পঢ়ক: Vitamin-Cৰ অভাৱ দূৰ কৰিবলৈ আজিয়েই খাবলৈ আৰম্ভ কৰক এই ফল
