যদি শৰীৰত আইৰণৰ অভাৱ হয় তেন্তে আমাৰ শৰীৰে বহু সমস্যাৰ সন্মুখীন হ’বলগীয়া হয় ৷ আইৰণৰ অভাৱে শৰীৰক দুৰ্বল কৰি তোলাই নহয়, এনিমিয়াৰ সমস্যাও সৃষ্টি কৰিব পাৰে ৷ জনাই দিও যে, শৰীৰত আইৰণ, ফলিক এচিড আৰু ভিটামিন বিৰ অভাৱৰ বাবে হিম’গ্লবিন কমিবলৈ আৰম্ভ কৰে যাৰ ফলত শৰীৰ অতি দুৰ্বল হৈ পৰে ৷
কেৱল এয়াই নহয়, হিম’গ্লবিনৰ মাত্ৰা কম হ’লেও বৃক্কত বহু সমস্যাৰ সৃষ্টি হ’ব পাৰে ৷ এনে পৰিস্থিতিত যদি আপুনিও এই সমস্যাৰ সৈতে যুঁজি আছে, তেন্তে এনে কিছুমান খাদ্য আপোনাৰ খাদ্য তালিকাত অন্তৰ্ভুক্ত কৰক যি খাদ্যই শৰীৰত হিম’গ্লবিনৰ অভাৱৰ দূৰ কৰিব পাৰে ৷ আইৰণৰ অভাৱ দূৰ কৰিবলৈ কোনবোৰ খাদ্য আমি আমাৰ খাদ্য তালিকাত অন্তৰ্ভুক্ত কৰিব লাগে আজি জানি লও আহক-
শৰীৰত আইৰণৰ অভাৱ দূৰ কৰিবলৈ খাদ্য তালিকাত অন্তৰ্ভুক্ত কৰক এই খাদ্যসমূহ
চাতু: চাতুত প্ৰচুৰ পৰিমাণে খনিজ পদাৰ্থ থাকে যি আমাৰ স্বাস্থ্যৰ বাবে অতিকৈ গুৰুত্বপূৰ্ণ ৷ ইয়াৰ উপৰিও ইয়াত প্ৰচুৰ পৰিমাণে আইৰণ থাকে, যিয়ে ৰক্তকণিকা উৎপাদন আৰু আইৰণৰ অভাৱত হোৱা ৰক্তহীনতা নিয়ন্ত্ৰণ কৰে ৷
শুকান বুট: একাপ শুকান বুটত ৪.৭ মিলিগ্ৰাম আইৰণ থাকে ৷ ইয়াৰ উপৰিও ই ভিটামিন চি প্ৰদান কৰে যিয়ে শৰীৰত আইৰণ শোষণ কৰাত সহায় কৰে ৷ নিয়মিতভাৱে শুকান বুট খালে শৰীৰত আইৰণৰ অভাৱৰ সম্ভাৱনা হ্ৰাস পাব পাৰে ৷ শুকান বুট, মগু, মচুৰ দাইল, ৰাজমা, বগা ৰাজমা আদি মাহজাতীয় শস্যত প্ৰচুৰ পৰিমাণে আইৰণ থাকে আৰু দুপৰীয়াৰ আহাৰতো আপুনি গ্ৰহণ কৰিব পাৰে ৷
ডালিম: ডালিমত প্ৰচুৰ পৰিমাণে ভিটামিন কে, ভিটামিন চি, ফাইবাৰ, পটাছিয়াম আৰু প্ৰ’টিন থাকে ৷ ৰক্তহীনতাৰ বাবে ডালিম খোৱাটো বাঞ্ছনীয় কাৰণ ইয়াত ভিটামিন চি প্ৰচুৰ পৰিমাণে থাকে ৷ ডালিমত থকা ভিটামিন চিৰ অধিক পৰিমাণে আমাৰ শৰীৰত থকা আইৰণ সহজে শোষণ কৰাত সহায় কৰে ৷
ৰাগী: ৰাগীত প্ৰচুৰ আইৰণ থাকে, যিটো ৰক্তকণিকা গঠন আৰু ৰক্তহীনতাৰ বিৰুদ্ধে যুঁজিবলৈ অতি প্ৰয়োজনীয় ৷ অংকুৰিত ৰাগীতকৈ পিচি লোৱা ৰাগীত অধিক আইৰণ থাকে, প্ৰতি ১০০ গ্ৰামত ৫১ মিলিগ্ৰাম আইৰণৰ তুলনাত প্ৰতি ১০০ গ্ৰামত ৫ মিলিগ্ৰাম আইৰণ থাকে ৷
ডিমৰু: ভিটামিন আৰু আইৰণ প্ৰচুৰ পৰিমাণে ডিমৰুত পোৱা যায় ৷ ৰাতি ডিমুৰ পানীত তিয়াই ৰাতি পুৱা ডুমুৰ খালে হিম’গ্লবিনৰ মাত্ৰা বৃদ্ধি কৰিব পাৰি ৷
বিট: বিটত প্ৰচুৰ পৰিমাণে আইৰণ পোৱা যায় ই হিমগ্লবিনৰ মাত্ৰা বৃদ্ধি কৰাত সহায় যিয়ে শৰীৰত ৰক্তহীনতাৰ সমস্যা দূৰ কৰাত সহায় কৰে ৷ ইয়াত আইৰণ, খাদ্য আঁহ, প্ৰাকৃতিক চেনি, মেগনেছিয়াম, ছডিয়াম আৰু পটাছিয়াম সমৃদ্ধ উৎসও ইয়াত পোৱা যায় ৷ যিয়ে আমাৰ স্বাস্থ্যক সকলো দিশতে উপকৃত হোৱাৰ কাম কৰে ৷
https://www.mayoclinic.org/diseases-conditions/iron-deficiency-anemia/symptoms-causes/syc-20355034
