চকু আমাৰ শৰীৰৰ এক অতি গুৰুত্বপূৰ্ণ অংশ আৰু ইয়াৰ সঠিকভাৱে যত্ন লোৱাটো অতি গুৰুত্বপূৰ্ণ ৷ বয়স বঢ়াৰ লগে লগে আমাৰ দৃষ্টিশক্তি ম্লান হ’বলৈ আৰম্ভ কৰে ৷ কিন্তু সঠিক খাদ্যৰ জৰিয়তে আমি আমাৰ দৃষ্টিশক্তি উন্নত কৰিব পাৰো ৷ ইয়াৰ বাবে আমি গ্ৰহণ কৰিব লাগিব কিছুমাণ বিশেষ খাদ্য যিয়ে আমাৰ দৃষ্টিশক্তি উন্নত কৰাত সহায় কৰিব পাৰে ৷
চকুৰ বাবে উত্তম খাদ্য
১/ গাজৰ (Carrot)
চকুৰ বাবে গাজৰক সৰ্বোত্তম খাদ্য বুলি গণ্য কৰা হয় ৷ ইয়াত প্ৰচুৰ পৰিমাণে ভিটামিন এ আৰু বিটা-কেৰটিন থাকে ৷ যিয়ে দৃষ্টিশক্তি উন্নত কৰাত সহায় কৰে ৷ বিটা-কেৰটিন হৈছে এক প্ৰকাৰৰ এন্টিঅক্সিডেন্ট, যিয়ে চকুক ক্ষতিকাৰক ফ্ৰী ৰেডিকেলৰ পৰা ৰক্ষা কৰে ৷ গাজৰৰ চালাড, ৰস বা শাক-পাচলিৰ ৰূপত খাব পাৰি ৷
২/ সেউজীয়া শাক-পাচলি (Green Leafy Vegetables)
পালেং, বন্ধাকবি, আৰু অন্যান্য সেউজীয়া পাতৰ শাক-পাচলিত লুটিন আৰু জিএক্সান্থিনৰ দৰে এন্টিঅক্সিডেন্ট থাকে ৷ যিয়ে দৃষ্টিশক্তি উন্নত কৰাত গুৰুত্বপূৰ্ণ ভূমিকা পালন কৰে ৷ এই পুষ্টিকৰ উপাদানসমূহে ৰেটিনাক সুৰক্ষা দিয়ে আৰু বয়সৰ লগত জড়িত চকুৰ মেকুলাৰ ডিজেনেৰেচনৰ সম্ভাৱনা হ্ৰাস কৰে ৷
৩/ চৰ্বিযুক্ত মাছ (Fatty Fish)
মাছ বিশেষকৈ ছালমন, টুনা, চাৰ্ডিন আদিত ওমেগা-৩ ফেটি এচিড প্ৰচুৰ পৰিমাণে থাকে ৷ চকুৰ বাবে ওমেগা-৩ ফেটি এচিড অত্যন্ত উপকাৰী ৷ কিয়নো ই প্ৰদাহ কমায় আৰু চকুৰ শুকান চিনড্ৰম প্ৰতিৰোধ কৰাত সহায় কৰে ৷ ইয়াৰ উপৰিও ই ৰেটিনাৰ স্বাস্থ্যও বজাই ৰাখে ৷ সপ্তাহত দুবাৰকৈ মাছ খালে দৃষ্টিশক্তি বৃদ্ধিত সহায়ক হ’ব পাৰে ৷
৪/ কণী (Egg)
কণীত অধিক পৰিমাণে লুটিন, জিএক্সান্থিন, ভিটামিন এ থাকে ৷ এই সকলোবোৰ পুষ্টিকৰ উপাদানে দৃষ্টিশক্তি বৃদ্ধি কৰাত সহায় কৰে ৷ বিশেষকৈ কণীৰ হালধীয়া অংশ চকুৰ বাবে উপকাৰী ৷ ব্ৰেকফাষ্টত কণী খোৱাটো এটা স্বাস্থ্যকৰ আৰু পুষ্টিকৰ বিকল্প হ’ব পাৰে ৷
৫/ বাদাম আৰু বীজ (Nuts and Seeds)
বাদাম আৰু গুটি যেনে আলমণ্ড, আখৰোট আৰু চিয়া বীজ চকুৰ স্বাস্থ্যৰ বাবে অতি উত্তম ৷ ইয়াত অধিক পৰিমাণৰ ভিটামিন ই থাকে ৷ যিয়ে চকুক ফ্ৰী ৰেডিকেলৰ পৰা ৰক্ষা কৰাত সহায় কৰে ৷ ভিটামিন ইয়ে বয়সৰ লগত জড়িত চকুৰ ৰোগৰ সম্ভাৱনা হ্ৰাস কৰে ৷
