নেমু দিয়া চাহ আৰু গ্ৰীণ টীৰ নাম আপুনি নিশ্চয় বহুবাৰ শুনিছে ৷ এই চাহ স্বাস্থ্যৰ বাবেও উপকাৰী লগতে এই স্বাস্থ্যৰ সৈতে জড়িত বহু সমস্যাই দূৰ কৰাত সহায় কৰে ৷ একেদৰে আন এবিধ চাহ হৈছে কেমোমিল চাহ, যি আমাৰ মানসিক আৰু শাৰীৰিক স্বাস্থ্যৰ বাবে অতি উপকাৰী ৷ কেমোমিল এবিধ উদ্ভিদ যাৰ ফুল আৰু পাতত সুগন্ধি থাকে ৷ ইয়াক ব্যৱহাৰ কৰি চাহ তৈয়াৰ কৰা হয়, আৰু ইয়াক পান কৰিলে মানসিক চাপ আৰু উদ্বেগ হ্ৰাস কৰাত সহায়ক হয় ৷
কেমোমিল চাহত বহুতো ঔষধি গুণ পোৱা যায়, যিয়ে মনক শান্ত কৰি ৰাখে আৰু লগতে ভাল টোপনি অহাত সহায় কৰে ৷ এইবোৰ গুণৰ বাবেই এই বনৌষধি চাহ সকলোৰে মাজত অতি বিখ্যাত ৷ কেমোমিল চাহ খালে আমি কি কি উপকাৰিতা পাব পাৰো জানো আহক-
- মানসিক চাপ কম কৰে
কেমোমিল চাহৰ এনে গুণ আছে, যিয়ে মানসিক চাপ কমায় আৰু আপোনাৰ মনটোক শান্ত কৰে ৷ এইবোৰ কাৰণত ৰাতি টোপনিও ভাল হয় ৷ সেয়েহে কেমোমিল চাহ খালে শিথিলতা আৰু শান্তিৰ অনুভৱ হয় ৷
- টোপনি ভাল কৰে
কেমোমিল চাহ খালে টোপনিৰ চক্ৰ উন্নত কৰে আৰু যাৰ ফলত টোপনি ভাল হয় যিটো স্বাস্থ্যৰ বাবে গুৰুত্বপূৰ্ণ ৷
- হজম শক্তি উন্নত কৰে
কেমোমিল চাহে হজম শক্তি উন্নত কৰাৰ লগতে অন্ত্ৰ সুস্থ কৰি ৰখাত সহায় কৰে ৷ গতিকে ইয়াক সেৱন কৰিলে পেট ফুলাৰ দৰে সমস্যাৰ পৰা সকাহ পোৱা যায় ৷
- ৰোগ প্ৰতিৰোধ ক্ষমতা অধিক শক্তিশালী হৈ পৰে
কেমোমিল সেৱনে ৰোগ প্ৰতিৰোধ ক্ষমতা শক্তিশালী কৰাত সহায় কৰে, কাৰণ ইয়াত এণ্টি অক্সিডেণ্ট থাকে ৷ যিয়ে ৰোগৰ বিৰুদ্ধে যুঁজ দিয়াত সহায় কৰে ৷
- সুস্থ ছাল
কেমোমিল চাহে ছালখনক সুস্থ কৰি ৰখাত আৰু ছালৰ সমস্যা দূৰ কৰাত সহায় কৰে ৷ ইয়াত থকা এণ্টি অক্সিডেণ্টৰ বাবে এনে হয় ৷
লগতে পঢ়ক: কেতিয়াবা ভাবি চাইছেনে কিছুমান মহিলাৰ ক্ষেত্ৰত কিয় অধিক হয় দাড়ি ? - Facial Hair In Women
