চিটাৰা ডেস্ক, ১৯ মাৰ্চ: আগন্তুক ছবি ‘দ্য গ্ৰেটেষ্ট অৱ অল টাইম’ৰ বাবে এইকেইদিন বাতৰিৰ শিৰোনামত আছে দক্ষিণৰ ছুপাৰষ্টাৰ থালাপতী বিজয় । বৰ্তমান অভিনেতাজন এই ছবিখনৰ শ্বুটিঙত ব্যস্ত হৈ আছে । এতিয়া ছবিখনৰ ক্লাইমেক্স দৃশ্যৰ শ্বুটিং কৰিবলৈ অভিনেতাগৰাকী উপস্থিত হৈছে কেৰালাত ।
কেৰালাৰ পৰা ছুপাৰষ্টাৰগৰাকীৰ সৈতে জড়িত বহু ভিডিঅ’ পোহৰলৈ আহিছে, য’ত অনুৰাগীয়ে নিজৰ প্ৰিয় তাৰকাগৰাকীক গ্ৰেণ্ড আদৰণি জনোৱা দেখা গৈছে । এই ভিডিঅ’বোৰ ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে, য’ত ৰাইজৰ মাজত আচৰিত ধৰণৰ উন্মাদনা দেখা গৈছে বিজয়ক লৈ ।
ভিডিঅ’টোত দেখা গৈছে যে অভিনেতাজনৰ গাড়ীখনৰ চাৰিওফালৰ পৰা ঘেৰি ধৰিছে অনুৰাগীয়ে আৰু বিজয়ক ফুলেৰে আদৰণি জনোৱা হৈছে । অৱশ্যে এই সময়ছোৱাত থালাপতী বিজয়ৰ বিলাসী গাড়ীৰো ক্ষতিসাধন হয় । কিন্তু থালাপতী বিজয়ৰ কোনো ধৰণৰ আঘাতৰ তথ্য পোহৰলৈ অহা নাই ।
ইয়াৰ ছবি ছ’চিয়েল মিডিয়াত ভাইৰেল হৈ পৰিছে । উল্লেখ্য যে, থালাপতী বিজয় ১৪ বছৰৰ পাচত কেৰালালৈ গৈছে । এনে পৰিস্থিতিত অনুৰাগীসকলে নিজৰ প্ৰিয় তাৰকাক দেখাৰ পিচত অনিয়ন্ত্ৰণিত হৈ পৰে ।
উল্লেখ্য যে, কিছুদিনৰ আগতে বিজয়ে নিজৰ নতুন ছবি GOAT ঘোষণা কৰিছিল । প্ৰভুদেৱা, প্ৰশান্ত আৰু আজমলক তেওঁৰ সৈতে এই ছবিখনত দেখা যাব । শেহতীয়াকৈ বিজয়ে ছবিখনৰ নতুন পোষ্টাৰ মুকলি কৰিছিল । অৱশ্যে এই ছবিখনৰ মুক্তিৰ তাৰিখ এতিয়াও প্ৰকাশ কৰা হোৱা নাই । চলিত বৰ্ষৰ শেষৰ ফালে এই ছবিখন মুক্তি পাব পাৰে বুলি খবৰ আহিছে ।
লগতে পঢ়ক: গেম চেঞ্জাৰৰ চেটৰ পৰা ভাইৰেল হৈ পৰিছে কিয়াৰা আদৱানী-ৰাম চৰণৰ লুক
