চিটাৰা ডেস্ক, 10 মাৰ্চ: সমগ্ৰ বিশ্বৰ দৃষ্টি নিৱদ্ধ হৈ থকা বিশ্বৰ অন্যতম সন্মানীয় বঁটা প্ৰদান অনুষ্ঠান একাডেমী বঁটা ৷ আজি অৰ্থাৎ ১০ মাৰ্চত কেলিফৰ্ণিয়াৰ ডলবি থিয়েটাৰত অনুষ্ঠিত হ’বলৈ গৈ আছে ৯৬ সংখ্যক একাডেমী বঁটা ৷ এইবাৰ বহু উৎকৃষ্ট চলচ্চিত্ৰ পৰিচালকৰ মাজত শ্ৰেষ্ঠ পৰিচালক হোৱাৰ প্ৰতিযোগিতা ৷
অপেনহেইমাৰৰ পৰিচালক ক্ৰিষ্টোফাৰ নোলানকো এই তালিকাত অন্তৰ্ভুক্ত কৰা হৈছে ৷ তেওঁৰ ছবিখনে অস্কাৰত মুঠ ১৩টা মনোনয়ন লাভ কৰিছে, ইয়াৰে এটা শ্ৰেষ্ঠ পৰিচালকৰ বাবে মনোনয়ন লাভ কৰিছে ৷ কোনবোৰ পৰিচালকে শ্ৰেষ্ঠ পৰিচালক হ’বলৈ প্ৰতিযোগিতাত অৱতীৰ্ণ হৈছে আজি এই প্ৰতিবেদনৰ জৰিয়তে জানো আহক-
Yorgos Lanthimos (Poor Things)
হলিউডৰ শ্ৰেষ্ঠ পৰিচালক ইয়ৰ্গছ লেন্থিমছ ৷ তেওঁৰ মাষ্টাৰপিছ Poor Things ২০২৪ চনৰ অস্কাৰ বঁটাত সৰ্বাধিক মনোনয়ন লাভ কৰা ছবিসমূহৰ ভিতৰত অন্যতম ৷ এই ছবিখনে লাভ কৰিছে ১১টা মনোনয়ন ৷ সেয়ে এই ছবিখনৰ বাবে Yorgos শ্ৰেষ্ঠ পৰিচালকৰ বাবে মনোনীত হৈছে ৷
Jonathan Glazer (The Zone of Interest)
বিগত বছৰ জোনাথন গ্লেজাৰে দ্য জ’ন অৱ ইন্টাৰেষ্ট ছবিখন নিৰ্মাণ কৰিছিল, যিখন ছবিয়ে খুবেই জনপ্ৰিয়তা লাভ কৰিবলৈ সক্ষম হৈছিল৷ ছবিখনে অস্কাৰত ইতিমধ্যে নিজৰ আধিপত্য বিস্তাৰ কৰিছে ৷ ছবিখনে মুঠ ই চাৰিটা মনোনয়ন লাভ কৰিছে ৷ শ্ৰেষ্ঠ পৰিচালকৰ বাবে মনোনীত হৈছে Jonathan Glazerএ ৷
Christopher Nolan (Oppenheimer)
Christopher Nolanৰ ছবি Oppenheimer জনপ্ৰিয়তা এতিয়াও অব্যাহত আছে ৷ ২০২৪ চনৰ অস্কাৰত সৰ্বাধিক ১৩টা শাখাত মনোনীত হৈছে ৷ এই মাষ্টাৰপিছৰ বাবে শ্ৰেষ্ঠ পৰিচালক শাখাত মনোনীত হৈছে Christopher ৷ ইফালে সকলোৰে বিশ্বাস যে, এইবাৰ তেওঁ এই ছবিখনৰ বাবে অস্কাৰ লাভ কৰিবলৈ সক্ষম হ’ব ৷
Martin Scorsese (Killers of the Flower Moon)
মাৰ্টিন স্কোৰ্চেজৰ পৰিচালনাত নিৰ্মিত কিলাৰ্ছ অৱ দ্য ফ্লাৱাৰ মুন ছবিও অন্যতম শ্ৰেষ্ঠ ছবি ৷ এনে পৰিস্থিতিত ছবিখনে বহু শিতানত মনোনয়ন লাভ কৰিছে ৷ ছবিখনে মুঠ ৬ টা মনোনয়ন লাভ কৰিছে ৷ এই মাষ্টাৰপিছ নিৰ্মাণৰ বাবে মাৰ্টিনক শ্ৰেষ্ঠ পৰিচালকৰ বাবে মনোনীত কৰা হৈছে ৷
Justine Triet (Anatomy of a Fall)
২০২৩ চনৰ অন্যতম সফল আৰু শ্ৰেষ্ঠ ছবি এনাটমী অৱ এ ফ’ল ৷ অস্কাৰতো ইয়াৰ আধিপত্য আছে ৷ ই লাভ কৰিছে দুটা মনোনয়ন ৷ শ্ৰেষ্ঠ পৰিচালকৰ বাবে মনোনীত হৈছে মহিলা চলচ্চিত্ৰ নিৰ্মাতা Justine Triet ৷
লগতে পঢ়ক: আজি মিছ ৱৰ্ল্ড ২০২৪ৰ গ্ৰেণ্ড ফিনালে, কেতিয়া, ক’ত লাইভ চাব পাৰিব জানি লওক
