চিটাৰা ডেস্ক, 26 জুন : একাডেমী বঁটা (অস্কাৰ)য়ে ইয়াৰ নতুন সদস্যসকলৰ তালিকা প্ৰকাশ কৰিছে । তালিকাত অস্কাৰ বিজয়ী চলচ্চিত্ৰ 'আৰআৰআৰ'ৰ পৰিচালক এছ এছ ৰাজামৌলী আৰু প্ৰবীণ অভিনেত্ৰী শ্বাবানা আজমীকে ধৰি বহুতো ভাৰতীয়ৰ নাম অন্তৰ্ভুক্ত আছে । একাডেমীয়ে আনুষ্ঠানিকভাৱে এই সকলো সদস্যৰ নাম ঘোষণা কৰিছে । একাডেমীয়ে তেওঁলোকৰ কাম আৰু অৰ্হতা অনুসৰি ৪৮৭ জন সদস্য বাছনি কৰিছে । এইবাৰৰ তালিকাত থকা 19 জন সদস্য অস্কাৰ বিজয়ী ।
একাডেমীত ভাৰতীয় সদস্য
গৌৰৱৰ বিষয়টো হ’ল ভাৰতৰ আঠ গৰাকী লোকে একাডেমী 2024 ৰ নতুন সদস্য হোৱাৰ সুযোগ লাভ কৰিছে । ইয়াত ৰাজামৌলী, শ্বাবানা আজমী, ভিলেজ ৰকষ্টাৰৰ পৰিচালক ৰীমা দাস, আৰ আৰ আৰ পোছাক ডিজাইনাৰ ৰামা ৰাজামৌলী, আলিয়া ভাটৰ ছবি গংগুবাই কাথিয়াৱাড়ীৰ পোছাক ডিজাইনাৰ শীতল শৰ্মা, টু কিল এ টাইগাৰ পৰিচালক নিশা পাহুজা, এমং দ্য বিলিভাৰ্ছৰ পৰিচালক হেমল ত্ৰিবেদী আৰু গলি বয়ৰ সহ-প্ৰযোজক ৰীতেশ চিধৱানীৰ নাম অন্তৰ্ভুক্ত কৰা হৈছে ।
লগতে পঢ়ক : আলিয়া ভাটক বিশেষ উদ্ধৃতি দ্য একাডেমীৰ - The Academy Instagram
একাডেমীত বিদেশী সদস্য
একাডেমী 2024 ৰ বাবে বিদেশী সদস্যৰ নামো অন্তৰ্ভুক্ত কৰা হৈছে ৷ অস্কাৰ বিজয়ী ডেভিন জয় ৰেণ্ডলফ, 20 ডেইজ ইন মাৰিপোলৰ পৰিচালক মষ্টিস্লাভ চেৰ্নোভ, ৱাৰ ইজ অভাৰ! দ্য জোন অফ ইণ্টাৰেষ্টৰ চাউণ্ড কম্পোজাৰ টাৰ্ণ ভিলিয়ৰ্ছ আৰু জনি বাইৰ্ণ, গডজিলা মাইনাচ ওৱান ভিএফএক্স টীম চুজি নোজিমা, কিয়োকো শিবুয়া, মুস্কি তাকাহাচী আৰু তাকাশী য়ামাজাকি, আমেৰিকান লেখক-পৰিচালক কৰ্ড জেফাৰচন, এনাটমী অৱ এ ফলৰ লেখক জাষ্টিন ট্ৰিয়ট আৰু আৰ্থাৰ হাৰাৰীৰ নামো অন্তৰ্ভুক্ত কৰা হৈছে ।
ইয়াৰ উপৰিও কিলাৰ্ছ অফ দ্য ফ্লাৱাৰ মুন অস্কাৰ মনোনীত লিলি গ্লেডষ্টোন, জন ৱিক ফ্ৰেঞ্চাইজিৰ পৰিচালক চাড চাড ষ্টেলস্কি, পাষ্ট লাইভৰ চেলিনা সোংগ, গ্ৰেটা লী আৰু টিঅ’ য়ু অন্তৰ্ভুক্ত হৈছে ।
একাডেমীৰ মুখ্য কাৰ্যবাহী বিষয়া বিল ক্ৰেমাৰ আৰু একাডেমীৰ সভাপতি জেনেট ইয়ঙে কয়, আমি এই বছৰ একাডেমীৰ সদস্যসকলৰ নাম ঘোষণা কৰি আনন্দিত হৈছো, ২০২৩ চনত একাডেমীয়ে ৩৯৮ জন সদস্য বাছনি কৰিছিল আৰু ২০২৪ চনত আমি ৪৮৭ জন সদস্য বাছনি কৰিছো ৷
য'ত ৪৪ শতাংশ মহিলা, ৪১ শতাংশ কম প্ৰতিনিধিত্ব কৰা জাতি/বৰ্ণ সম্প্ৰদায়ৰ, ৫৬ শতাংশ আমেৰিকা যুক্তৰাষ্ট্ৰৰ বাহিৰৰ ৫৬ খন দেশৰ আৰু ভূখণ্ডৰ । মুঠ ৭১ জন অস্কাৰ মনোনীত ব্যক্তি আৰু ১৯ জন বিজয়ী ১৯ টা এএমপিএএছ (AMPAS) শাখালৈ আমন্ত্ৰণ জনোৱা সকলৰ ভিতৰত আছে ।
লগতে পঢ়ক : গৌৰৱান্বিত ভাৰতবাসী : দ্য একাডেমীৰ পোষ্টত দীপিকা পাডুকন, কিন্তু কিয় ? - The Academy Instagram
