কেৱল মুঞ্জ্যাই নহয়, বক্স অফিচত খুবেই জনপ্ৰিয় হৈছিল এই কেইখন হৰৰ কমেডী ছবি - Bollywood Horror Comedy Movies

Bollywood Horror Comedy Movies: হিন্দী চিনেমাত হৰৰ কমেডী চিনেমাৰ ধাৰাটো যথেষ্ট পুৰণি যদিও বৰ্তমান সময়ত মুঞ্জ্যাৰ সফলতাৰ পিচত এই ধাৰাটোৱে অধিক গতি লাভ কৰিছে । উপাৰ্জনৰ ক্ষেত্ৰত এই ছবিখনে বক্স অফিচত এক ডাঙৰ সফলতা লাভ কৰিছে । কেৱল মুঞ্জ্যাই নহয় ইয়াৰ আগতেও বলীউডৰ এই হৰৰ কমেডী চিনেমাবোৰো বক্স অফিচত যথেষ্ট সফল হৈছিল ।

হৰৰ কমেডী ছবিবোৰ এটা সম্পূৰ্ণ মনোৰঞ্জনৰ পেকেজ, ইয়াৰ উদাহৰণ সহজেই শেহতীয়াকৈ মুক্তি লাভ কৰা ছবি মুঞ্জ্যাৰ পৰাই জানিব পৰা গৈছে ৷ বক্স অফিচত মুঞ্জ্যাই যি সফলতা লাভ কৰিছে, সেই সফলতাক লৈ সকলোতে এক কৌতুহল সৃষ্টি হৈছে যে কম বাজেটত নিৰ্মিত আৰু জনপ্ৰিয় তাৰকা অবিহনে কেনেকৈ ছবিখনে ইমান ভাল সংগ্ৰহ কৰিব পাৰিছে ৷

উল্লেখ্য যে, কেৱল মুঞ্জ্যাই নহয় ইয়াৰ পূৰ্বে এই কেইখন হৰৰ কমেডী ছবিয়েও দৰ্শকৰ পৰা অপৰিসীম মৰম বুটলিবলৈ সক্ষম হৈছে ৷ ইয়াৰ আগতে এনে বহু ছবি আছিল যিয়ে হৰৰ কমেডী ধাৰাক জীয়াই ৰাখিছে ৷ বলীউডৰ এনে কেইখনমান শীৰ্ষ হৰৰ কমেডী ছবিবোৰৰ ওপৰত এবাৰ চকু ফুৰাও আহক-

ভুল ভুলেইয়া

পৰিচালক প্ৰিয়াদৰ্শনৰ পৰিচালনাত নিৰ্মিত ছবি ভুল ভুলেইয়া ছবিখন ২০০৭ চনত ডাঙৰ পৰ্দাত মুক্তি লাভ কৰিছিল ৷ এই ছবিখনত অক্ষয় কুমাৰ, বিদ্যা বালন, অমীষা পেটেল, শ্বাইনী আহুজা আদি অভিনেতাই মুখ্য চৰিত্ৰত অভিনয় কৰিছিল ৷

এই চিনেমাখনে হিন্দী চিনেমা জগতত হৰৰ কমেডী ছবিৰ ধাৰাটোৰ প্ৰচাৰ আৰম্ভ কৰিছিল বুলি ক’লেও ভুল নহ’ব ৷ ভুল ভুলেইয়া বক্স অফিচত ছুপাৰহিট বুলি প্ৰমাণিত হয় আৰু ছবিখনে বক্স অফিচত প্ৰায় ৫০ কোটি টকা উপাৰ্জন কৰে ৷

গোলমাল ৰিটাৰ্ণচ

২০১৭ চনত একচন চিনেমাৰ বাবে বিখ্যাত পৰিচালক ৰোহিত শ্বেট্টীয়েও হৰৰ কমেডীত গোলমাল ফ্ৰেঞ্চাইজিৰ চতুৰ্থ পাৰ্টে বক্স অফিচত ভাল প্ৰদৰ্শন কৰিবলৈ সক্ষম হৈছিল ৷ অজয় দেৱগন, কুনাল খেমু, আৰ্শ্বদ ৱাৰ্ছি, তুষাৰ কাপুৰ, পৰিনীতি চোপ্ৰা আৰু শ্ৰেয়াছ তালপাড়েৰ দ্বাৰা অভিনীত এই ছবিখনে বক্স অফিচত হিট হৈ ২০৫.৬৯ কোটি টকা উপাৰ্জন কৰিবলৈ সক্ষম হৈছিল ৷

ষ্ট্ৰী

মুঞ্জ্যাৰ প্ৰযোজক যুটি দীনেশ বিজন আৰু অমৰ কৌশিকে ষ্ট্ৰী ছবিৰ জৰিয়তে তেওঁলোকৰ হৰৰ কমেডী ইউনিভাৰ্চ আৰম্ভ কৰিছিল ৷ ৰাজকুমাৰ ৰাও, শ্ৰদ্ধা কাপুৰ, পংকজ ত্ৰিপাঠী, অপাৰশক্তি খুৰানা আৰু অভিষেক বেনাৰ্জীৰ দ্বাৰা অভিনীত এই ছবিখনে বক্স অফিচত ১২৯.৯০ কোটি টকাৰ ব্যৱসায় কৰিছিল ৷

ভুল ভুলেইয়া ২

ছুপাৰষ্টাৰ কাৰ্তিক আৰিয়ানৰ হৰৰ কমেডী ছবি ভুল ভুলেইয়া ২ৰ নাম এই তালিকাৰ পৰা কেনেকৈ বাদ পৰিব পাৰে ৷ ২০২২ চনত এফালে বয়কটৰ ধাৰাৰ বাবে ছবিসমূহ অসফল বুলি প্ৰমাণিত হোৱাৰ বিপৰীতে আনফালে ভুল ভুলেইয়া ২ ছবিয়ে নিজৰ উজ্জ্বল কাহিনীৰে দৰ্শকৰ হৃদয় জয় কৰিছিল আৰু বক্স অফিচত ১৮৫.৯২ কোটি টকাৰ বিপুল সংগ্ৰহ লাভ কৰিছিল ৷

ভেড়িয়া

ভূল ভুলাইয়া ২ৰ উপৰিও ২০২২ চনত বৰুণ ধাৱনৰ দ্বাৰা অভিনীত ছবি ভেড়িয়াইও হৰৰ কমেডীৰ ৰূপত অনুৰাগীক যথেষ্ট মনোৰঞ্জন দিছিল ৷ বক্স অফিচত ভাল প্ৰদৰ্শন কৰা ছবিখনে প্ৰায় ৬৬.৬৫ কোটি টকা উপাৰ্জন কৰে ৷

মুঞ্জ্যা

• View this post on Instagram

  A post shared by Maddock Films (@maddockfilms)

ষ্ট্ৰী আৰু ভেড়িয়াৰ পিচত দীনেশ বিজন আৰু অমৰ কৌশিকৰ যুটিয়ে মুঞ্জ্যাক লৈ আহিছে ৷ অভয় বাৰ্মা আৰু শৰ্বাৰী ৱাঘ অভিনীত ছবিখনে মুক্তিৰ ১৩ দিনতেই বক্স অফিচত ৬৮ কোটি টকা সংগ্ৰহ কৰি সফলতা অৰ্জন কৰিছে ৷

এই ছবিখন এতিয়াও ছবিগৃহত চলি আছে ৷ অনুমান কৰা হৈছে যে মুঞ্জ্যাইও বক্স অফিচত ১০০ কোটি টকাৰ সীমা স্পৰ্শ কৰিব পাৰে ৷

লগতে পঢ়ক: পূৰ্বে কেতিয়াও নেদেখা এটি অদ্ভূত কাহিনী, আপুনি চালেনে হৰৰ কমেডী ছবি মুঞ্জ্যা ? - Munjya Box Office Collection Day 4