চিটাৰা ডেস্ক, 2 অক্টোবৰ : দুৰ্গা পূজালৈ মাজত মাত্ৰ দুটামান দিন বাকী । সকলোতে এতিয়া মাক আদৰাৰ প্ৰস্তুতি ৷ দুৰ্গা পূজাক লৈ ৰাজ্যজুৰি ব্যাপক উছাহ দেখিবলৈ পোৱা গৈছে । আটকধুনীয়া পূজা মণ্ডপ নিৰ্মাণ কৰি ভক্তপ্ৰাণ ৰাইজক আদৰিবলৈ সাজু হৈছে পূজা সমিতিসমূহ ।
দুৰ্গা পূজাৰ প্ৰাকক্ষণত অসমবাসী ৰাইজলৈ বুলি এটি গীত উপহাৰ হিচাপে আগবঢ়াইছে শিল্পী বিপিন চাউদাঙে ৷ দুৰ্গা পূজাৰ সময়তে ৰাইজে উপভোগ কৰিব পৰাকৈ জনপ্ৰিয় শিল্পী বিপিন চাউদাঙে মুক্তি দিয়ে ‘গইৰাম’ শীৰ্ষক এটি ঝুমুইৰ সুৰীয়া আধুনিক গীত ৷ শিল্পীগৰাকীৰ নিজা বাসগৃহত মঙলবাৰে সন্ধিয়া মুক্তি দিয়া হয় গীতটো ৷
গীতটোত কণ্ঠ নিগৰাইছে শিল্পী বিপিন চাউদাঙে । গীতটোৰ কথা-সুৰ বলোৰাম ঘাটোৱাৰ আৰু অবিনাশ পাটনায়কৰ । সংগীত ব্যৱস্থাপনা কৰিছে ৰিতু শইকীয়াই । শব্দ সংমিশ্ৰণ দিগন্ত বৰদলৈৰ । গীতটোৰ অডিঅ’ আৰু ভিডিঅ’ একেলগে মুক্তি দিয়া হয় ৷ শিল্পী বিপিন চাউদাঙে পূজাৰ বতৰত গীতটি ৰাইজে ভাল পাব বুলি আশা প্ৰকাশ কৰিছে ।
ঝুমুইৰ সুৰীয়া আধুনিক গীতটোৰ শিৰোনাম ‘গইৰাম’
শিল্পী বিপিন চাউদাঙৰ ভাষ্য, “সকলোকে শাৰদীয় দুৰ্গা পূজাৰ শুভেচ্ছা জনাইছো । আগন্তুক পূজাৰ প্ৰাকক্ষণত ঝুমুইৰ সুৰীয়া আধুনিক গীতটি ৰাইজলৈ আগবঢ়াই দিছো । আগতে কেৱল এটাই ঝুমুইৰ গীত গাইছো । এই গীতটো বহু আশাৰে ৰাইজৰ মাজলৈ আগবঢ়াই দিছো । পূজাৰ বতৰত ৰাইজে ভাল পাব গীতটো ৷”
লগতে পঢ়ক : অসম আৰক্ষী দিৱস উপলক্ষে অসম আৰক্ষীলৈ উপহাৰ কণ্ঠশিল্পী ময়ূৰী দত্তৰ - Singer Mayuri Dutta songs
