চিটাৰা ডেস্ক, 5 আগষ্ট : বলীউডৰ 'বাজিগৰ গাৰ্ল' কাজলে আজি 5 আগষ্টত 50 বছৰ সম্পূৰ্ণ কৰিছে । বলীউডৰ বহুমুখী প্ৰতিভাৰ অধিকাৰী অভিনেতা অজয় দেৱগণৰ পত্নী কাজলে তেওঁৰ 50 সংখ্যক জন্মদিনত তেওঁৰ অনুৰাগী আৰু চেলেব্ৰেটীসকলৰ পৰা অভিনন্দন লাভ কৰিছে ।
বলীউডত 3 দশকতকৈয়ো অধিক সময় নিজৰ অভিনয়েৰে দৰ্শকক মনোৰঞ্জন দিয়া কাজল আজিও সক্ৰিয় হৈ আছে ৷ কাজলক 2023 চনত ক’ৰ্টৰূম ছিৰিজ দ্য ট্ৰায়েল আৰু লাষ্ট ষ্ট'ৰীজ 2 (2023) চলচ্চিত্ৰত দেখা গৈছিল । এতিয়া কাজলৰ হাতত আছে সৰজমী, দো পট্টী, মা আৰু মহাৰাগিণী – কুইন অফ কুইন্স' । পিছে আজি জন্মদিন বুলি চাওঁ আহক তেওঁ অভিনীত কেইখনমান পুৰণা ছবি
বাজিগৰ (1993)
1992 চনত বেখুদী ছবিৰ জৰিয়তে কাজলে বলীউডত অভিষেক ঘটায় । ইয়াৰ পিচৰ বছৰ 1993 চনত কাজলে প্ৰথমবাৰৰ বাবে শ্বাহৰুখ খানৰ সৈতে ‘বাজিগৰ’ ছবিত কাম কৰে । শ্বাহৰুখ আৰু কাজলৰ যুটি হিট হিচাপে পৰিগণিত হয় ।
দিলৱালে দুলহানিয়া লে জায়েংগে (1995)
একে সময়তে 1995 চনত শ্বাহৰুখ খান আৰু কাজলৰ যুটি কৰণ-অৰ্জুন আৰু দিলৱালে দুলহনিয়া লে জায়েংগেত দেখা গৈছিল । শ্বাহৰুখ-কাজলৰ যুটিৰ এই দুয়োখন ছবিয়ে বক্স অফিচত ব্লকবাষ্টাৰ টেগ লাভ কৰে ।
কুচ-কুচ হোতা হে (1998)
তিনি বছৰৰ পাচত 1998 চনত কাজল আৰু শ্বাহৰুখৰ যুটিয়ে কুচ কুচ হোতা হে ছবিৰ জৰিয়তে ভাৰতীয় চিনেমাত এক আলোড়নৰ সৃষ্টি কৰে । কুচ কুচ হোতা হে হিন্দী চিনেমা জগতত অমৰ হৈ পৰা কৰণ জোহৰৰ প্ৰথম পৰিচালনামূলক ছবি । এই ছবিখনত ট্ৰাইএংগল লাভ ষ্ট’ৰীত কাজলৰ অভিনয় চাবলগীয়া ।
কভি খুশী কভি গম (2001)
2001 চনত শ্বাহৰুখ খান আৰু কাজলৰ যুটিৱে বক্স অফিচত পুনৰ খলকনি তোলে ৷ কৰণ জোহৰে কুচ কুচ হোতা হে ৰ পিচত 'কভি খুশী কভি গম' ত এই যুটিৰে দৰ্শকক মনোৰঞ্জন দিয়ে আৰু ছবিখন সৰ্বকালৰ ব্লকবাষ্টাৰ হিচাপে প্ৰমাণিত হয় ।
মাই নেম ইজ খান (2010)
2001 চনৰ পিচত শ্বাহৰুখ খান আৰু কাজলৰ যুটিটো ডাঙৰ পৰ্দাত একেলগে 9 বছৰৰ পিচত দেখা যায় । শ্বাহৰুখ আৰু কাজলে সামাজিক নাটকৰ ছবি 'মাই নেম ইজ খান'ত স্বামী-স্ত্ৰীৰ চৰিত্ৰত অভিনয় কৰিছিল । চলচ্চিত্ৰখন এই তাৰকা যুটিৰ হিট ছবিৰ তালিকাত অন্তৰ্ভুক্ত হৈছে ।
দিলৱালে (2015)
যুটি হিচাপে কাজলক শ্বাহৰুখ খানৰ সৈতে 'দিলৱালে' বোলছবিখনত দেখা গৈছিল । ৰম-কম একশ্যন ছবি দিলৱালেত ৰাহুল আৰু অঞ্জলিৰ যুটি নতুন প্ৰজন্মৰ সৈতে পৰিচয় কৰোৱা হৈছিল । শ্বাহৰুখ-কাজলৰ ছবি দিলৱালেই তেওঁলোকৰ অনুৰাগীৰ ওপৰত আটাইতকৈ কম প্ৰভাৱ পেলাইছিল, কিন্তু ছবিখনে বক্স অফিচত যথেষ্ট ধন সংগ্ৰহ কৰে । কাজলক শেষবাৰৰ বাবে শ্বাহৰুখ খানৰ সৈতে জিৰো (2018) চলচ্চিত্ৰত দেখা গৈছিল । এই ছবিখনত কাজলৰ সৰু কেমিঅ' আছিল ।
লগতে পঢ়ক : অৰ্পিতাৰ জন্মদিনত ছলমানৰ প্ৰেমিকা বুলি জনাজাত ইউলিয়া ভান্টুৰ - Salman sister Arpita Khan birthday
