চিটাৰা ডেস্ক, 25 এপ্ৰিল : 'কিং অৱ ছ’লফুল ভইচ' অৰিজিত সিঙৰ কোনো অন্য চিনাকিৰ প্ৰয়োজন নাই ৷ আজি অৰ্থাৎ 25 এপ্ৰিলত কিংবদন্তি গায়কগৰাকীয়ে তেওঁৰ জীৱনৰ 37 টা বসন্ত গৰকে ৷ গায়কজনে তেওঁৰ সুমধুৰ কণ্ঠেৰে লাখ লাখ লোকৰ হৃদয় জয় কৰিবলৈ সক্ষম হৈছে । আজিৰ এই বিশেষ দিনটোত সমগ্ৰ বিশ্বতে তেওঁৰ অনুৰাগীসকলে জন্মদিন উদযাপন কৰিছে ।
তেওঁৰ এই সংগীতৰ যাত্ৰা বহুতো আকৰ্ষণীয় আছিল ৷ প্ৰতিষ্ঠিত হোৱাৰ বাবে সংগ্ৰাম কৰা কালৰ পৰা বলীউডত এগৰাকী নেপথ্য কণ্ঠশিল্পী হিচাপে সফলতা লাভ কৰালৈকে অৰিজিতৰ যাত্ৰা যথেষ্ট আকৰ্ষণীয় আছিল ৷ তেওঁৰ গীতৰ এই যাত্ৰাৰ কিছু মুহূৰ্তৰ বিষয়ে জানো আহক-
অৰিজিৎ সিঙৰ জন্ম 1987 চনৰ 25 এপ্ৰিলত পশ্চিম বংগৰ মুৰ্শিদাবাদৰ জিয়াগঞ্জত হৈছিল । তেওঁৰ পিতৃ কক্কৰ সিং শিখ ধৰ্মৰ আছিল আৰু মাতৃ অদিতি সিং এগৰাকী বঙালী হিন্দু আছিল।
- " class="align-text-top noRightClick twitterSection" data="">
ৰিয়েলিটি শ্ব'ৰ পৰা বাহিৰ হৈছিল অৰিজিৎ
এগৰাকী গায়ক হোৱাৰ সপোন দেখি অৰিজিতে 2005 চনত এটা ৰিয়েলিটি শ্ব' 'ফেম গুৰুকুল'ত অংশগ্ৰহণ কৰিছিল । তেওঁৰ যাদুকৰী কণ্ঠই অনুষ্ঠানটোৰ বিচাৰকসকলৰ হৃদয় জয় কৰিছিল । কিন্তু ৰাইজৰ পৰা কম ভোট লাভৰ বাবে, তেওঁ অনুষ্ঠানৰ পৰা বাহিৰ হ'ব লগা হৈছিল ।
- " class="align-text-top noRightClick twitterSection" data="">
এই অনুষ্ঠানটোৰ সময়ত অৰিজিৎ সিঙৰ সৈতে এক ঘটনাও ঘটিছিল । অনুষ্ঠানটোত, অৰিজিতে আন প্ৰতিযোগীসকলৰ সৈতে এগৰাকী প্ৰতিযোগীক ভোট আউট কৰি দিছিল ৷ অনুষ্ঠানটোৰ মুৰব্বী ইলা অৰুণে এই কথা ভাল পোৱা নাছিল । তেওঁ অৰিজিত সিঙক তেওঁৰ প্ৰিয় প্ৰতিযোগীৰ তালিকাৰ পৰা আঁতৰাই পঠিয়াইছিল । গায়কজনে তেওঁক বহুত বুজাবলৈ চেষ্টা কৰিছিল । দুয়োৰে মাজত বহুবাৰ এই সন্দৰ্ভত কথোপকথন হৈছিল ৷ সেই সময়ছোৱাত ইলাই অৰিজিতক সুৰ নথকা কণ্ঠশিল্পী বুলি কৈছিল ৷ ইলাই অৰিজিতক কৈছিল,"মোৰ বেয়া লগাৰ অধিকাৰ নাই নেকি ? তোমাৰ কণ্ঠটোহে সুৰীয়া, কিন্তু তুমি তোমাৰ ব্যক্তিগত জীৱনত বেসুৰীয়া ৷ মোৰ এইবোৰ একেবাৰে সহ্য নহয় ৷" এনেদৰে জ্যেষ্ঠ এগৰাকীৰ কথা শুনি অৰিজিৎ সিং শোকত ভাগি পৰিছিল ৷ লগতে তেওঁ কৈছিল যে, তেওঁ ইলাক যথেষ্ট সন্মান কৰে ৷
আশিকী-2 ৰ পৰা স্বীকৃতি লাভ কৰিছিল অৰিজিতে :
এক সাক্ষাৎকাৰত অৰিজিতে তেওঁৰ জীৱনৰ টাৰ্ণিং পইণ্টৰ বিষয়ে উল্লেখ কৰি কৈছিল যে, তেওঁ হঠাৎ এগৰাকী সাধাৰণ গায়কৰ পৰা তাৰকালৈ পৰিৱৰ্তিত হৈছিল ৷ সাক্ষাৎকাৰটোত, গায়কগৰাকীয়ে কৈছিল যে 2010 চনত যেতিয়া তেওঁ গান গাবলৈ বহুকেইটা ষ্টুডিঅ'ত অডিশ্যন দি আছিল, তেতিয়া তেওঁলৈ গায়ক প্ৰীতমৰ পৰা এটা ফোন কল আহিছিল । অৰিজিত সিঙে প্ৰীতমৰ অধীনত সহায়ক হিচাপে কাম কৰিছিল । প্ৰীতমেও তেওঁক বহুত প্ৰশংসা কৰিছিল।
- " class="align-text-top noRightClick twitterSection" data="">
সেই সময়তেই তেওঁ আশিকী-২ চলচ্চিত্ৰত কণ্ঠদান কৰাৰ সুযোগ লাভ কৰিছিল । এই ছবিখনে তেওঁক নিশাটোৰ ভিতৰতে তাৰকালৈ পৰিৱৰ্তিত কৰিছিল । ইয়াৰ পিচত, তেওঁ প্ৰথমবাৰৰ বাবে আশিকী-2 ৰ গানৰ বাবে এটা লাইভ কনচাৰ্ট কৰিছিল । তাৰ পিচতে তেওঁৰ দ্বিতীয় গান 'কবিৰা' (ইয়ে জৱানী হে দিৱানী)ৰ সম্পাদনাৰ কাম চলি আছিল । এই গীতটি অৰিজিৎ সিঙৰ খুবেই প্ৰিয় ৷
বঁটা:
অৰিজিত সিঙে তেওঁৰ এই সংগীতৰ যাত্ৰাকালত সুমধুৰ কণ্ঠৰ বাবে বহুতো পুৰস্কাৰ লাভ কৰিছে । তেওঁক 5 টা মিৰ্চি মিউজিক এৱাৰ্ড, 7 টা ফিল্মফেয়াৰ বঁটা, 5 টা জী চিনে বঁটা, 5 টা আইফা বঁটা, 4 টা স্ক্ৰীণ এৱাৰ্ড আৰু 1 টা ষ্টাৰডাষ্ট বঁটাৰে সন্মানিত কৰা হৈছে । তেওঁ একেৰাহে 5 বছৰৰ বাবে ফিল্মফেয়াৰ বঁটা লাভ কৰিছিল (2016 ৰ পৰা 2020)।
লগতে পঢ়ক: গুৱাহাটীত সংগীত পৰিৱেশন কৰিবলৈ আহি অৰিজিৎ হ’ল দিশহাৰা
