মুম্বাই : নীতা আম্বানীৰ বিলাসী বিউটি ব্ৰেণ্ডে বুধবাৰে মুম্বাইৰ জিঅ’ ৱৰ্ল্ড প্লাজাত নিজৰ ফ্লেগশ্বিপ ষ্ট’ৰ উন্মোচন কৰে । এই অনুষ্ঠানত বি-টাউনৰ বহু চেলেব্ৰিটীয়ে অংশগ্ৰহণ কৰে । এই বিশেষ অনুষ্ঠানটো এটা তাৰকাখছিত অনুষ্ঠান আছিল বুলি ক’ব পাৰি ৷ কৰীণা কাপুৰ খান, কিয়াৰা আদৱানী, সুহানা খান, তৃপ্তি ডিমৰীকে ধৰি বহু তাৰকা এই অনুষ্ঠানত উপস্থিত থাকে ।
অনুষ্ঠানটোৰ পৰা বি-টাউনৰ মোহনীয় অভিনেত্ৰীসকলৰ বহু ফটো-ভিডিঅ’ দেখিবলৈ পোৱা গৈছে । কৰীণাক ক'লা অফ-শ্ব’ল্ডৰ পোছাকত আকৰ্ষণীয় দেখা গৈছে । মেকআপ আৰু আনুষংগিক সামগ্ৰী কমকৈ পৰিধান কৰি তেওঁ এক সুন্দৰ চেহেৰা বজাই ৰাখিছিল ।
ইফালে, শ্বাহৰুখ খানৰ কন্যা সুহানা খানেও সকলোৰে দৃষ্টি আকৰ্ষণ কৰে ৷ সুহানাই নেভি ব্লু ক’অৰ্ডিনেট ছেট পিন্ধে । কিয়াৰা আদৱানীক ৰঙা ৰঙৰ মিনি পোছাকত ধুনীয়া দেখাইছে । তিনিওগৰাকীয়ে কেমেৰাৰ সন্মুখত হাঁহিৰে প’জ দিয়ে ।
এই অনুষ্ঠানত শ্বাহিদ কাপুৰ আৰু তেওঁৰ পত্নী মীৰা কাপুৰো উপস্থিত থাকে । দুয়োকে ষ্টাইলিছ ৰূপত দেখা গৈছে । শ্বাহিদক সম্পূৰ্ণ বগা ৰঙৰ সাজত সুন্দৰ দেখা গৈছে, আনহাতে মীৰাই গাঢ় সেউজীয়া শ্বিমাৰ অফ-শ্ব’ল্ডাৰ বডীকন পোছাক পিন্ধে । ৰাজকুমাৰ ৰাওৱো তেওঁৰ পত্নী পত্ৰলেখাৰ সৈতে অনুষ্ঠানটোত উপস্থিত হয় ।
অৰ্জুন কাপুৰেও ক্যুল সুকত উপস্থিত হৈ পাপাৰাজ্জীৰ সন্মুখত প’জ দিয়ে । ষ্ট’ৰ উদ্বোধনী অনুষ্ঠানত ৰিলায়েন্স ফাউণ্ডেশ্যনৰ প্ৰতিষ্ঠাপক-অধ্যক্ষ নীতা আম্বানী আৰু ৰিলায়েন্স ৰিটেইল ভেঞ্চাৰছ লিমিটেডৰ কাৰ্যবাহী সঞ্চালক ঈশা আম্বানী উপস্থিত থাকে । এই অনুষ্ঠানত সোণালী বেন্দ্ৰে, তৃপ্তি ডিমৰী, মহীপ কাপুৰ, সীমা খান, নীলমকে ধৰি আন বহু চেলেব্ৰিটীয়ে অংশগ্ৰহণ কৰে ।
লগতে পঢ়ক : মিছ টিন ইউনিভাৰ্ছ ২০২৪ ৰ মুকুট পিন্ধিলে তৃষ্ণা ৰায়ে
