নেশ্যনেল ডেস্ক, 22 মাৰ্চ : বিগ বছ অ’টিটি ২ বিজয়ী আৰু জনপ্ৰিয় ইউ টিউবাৰ 'ছিষ্টেম' এলভিছ যাদৱৰ অনুৰাগীসকলৰ বাবে সুখবৰ ৷ শুকুৰবাৰে এলভিছক সাপৰ বিষ চোৰাংভাৱে ব্যৱসায়ৰ কৰা গোচৰত জামিন প্ৰদান কৰে আদালতত ৷ এলভিছে পাঁচদিনৰ পিচত এই গোচৰটোত জামিন লাভ কৰে ৷ বিগ বছ ১৭ ৰ প্ৰতিযোগী অনুৰাগ ডোভালে সামাজিক মাধ্যমযোগে এই কথা জানিবলৈ দিছে ৷ এলভিছক ১৭ মাৰ্চত গ্ৰেপ্তাৰ কৰা হৈছিল ৷ তাৰ পিচতে এলভিছক ১৪ দিনৰ বাবে ন্যায়িক জিম্মাত লোৱা হৈছিল ৷
উল্লেখ্য যে, এলভিছৰ প্ৰথমখন জামিন আবেদন আদালতে নাকচ কৰিছিল ৷ তাৰ পিচতে দ্বিতীয়বাৰ আবেদনৰ শুনানিৰ দিনা আদালতে এলভিছক জামিনত মুক্তি দিয়ে ৷
- " class="align-text-top noRightClick twitterSection" data="">
অনুৰাগ ডোভালে তেওঁৰ এক্স পোষ্টত এলভিছৰ জামিনৰ খবৰটো শ্বেয়াৰ কৰিছে ৷ অনুৰাগে লিখে, 'ঈশ্বৰে কেতিয়াও ভুল নকৰে , এলভিছে জামিন লাভ কৰিলে ৷'
এই খবৰৰ পিচতে, সামাজিক মাধ্যমত এলভিছৰ অনুৰাগীসকলৰ মাজত আনন্দৰ বন্যা বৈছে ৷ এগৰাকী অনুৰাগীয়ে লিখিছে, ' ভাই ওলাই আহিছে'৷
আন এজনে আকৌ লিখিছে, 'ভাই কী জীত' ৷
এলভিছক শেহতীয়াকৈ দিল্লী আৰক্ষীয়ে চাৰি মাহ পূৰ্বে নয়ডাত অনুষ্ঠিত এটা ৰেভ পাৰ্টিত সাপৰ বিষ যোগান ধৰাৰ বাবে গ্ৰেপ্তাৰ কৰিছিল ৷ এলভিছক সুৰজপুৰৰ এখন বিশেষ আদালতত হাজিৰ কৰোৱা হৈছিল আৰু ১৪ দিনৰ বাবে ন্যায়িক জিম্মালৈ প্ৰেৰণ কৰা হৈছিল ৷
এলভিছৰ বিৰুদ্ধে আইপিচিৰ (বন্যপ্ৰাণী সুৰক্ষা আইন ১৯৭২) ধাৰা ১২০বি, ২৮৪ আৰু ২৮৯ ৰ অধীনত গোচৰ পঞ্জীয়ন কৰা হৈছিল ৷ 20 মাৰ্চৰ শুনানিৰ সময়ত, এলভিছৰ জামিন মঞ্জুৰ কৰা হোৱা নাছিল৷ সূত্ৰ অনুসৰি, বাৰ এছ'চিয়েশ্যনৰ ধৰ্মঘটৰ বাবে এলভিছৰ জামিনত বিলম্ব হয় ৷
লগতে পঢ়ক: কাৰাগাৰত বন্দী এলভিছ, কান্দি কান্দি অৱস্থা বেয়া মাতৃৰ, সমৰ্থনত নামিল এইসমূহ অভিনেতা
