চিটাৰা ডেস্ক, 16 ছেপ্টেম্বৰ : চলচ্চিত্ৰ জগতৰ মোহনীয় দম্পতী অদিতি ৰাও হাইদাৰী আৰু সিদ্ধাৰ্থ আজি বিবাহপাশত আবদ্ধ হয় । নৱবিবাহিত দম্পতীয়ে আজি 16 ছেপ্টেম্বৰত ছ’চিয়েল মিডিয়াত তেওঁলোকৰ বিয়াৰ বিশেষ ছবি শ্বেয়াৰ কৰে । দম্পতীটোৰ এই সাধাৰণ বিবাহে তেওঁলোকৰ অনুৰাগীৰ হৃদয় জয় কৰিছে । অদিতি আৰু সিদ্ধাৰ্থই বিয়াৰ স্থানৰ বাবে বাছি লয় 400 বছৰীয়া পুৰণি এটা মন্দিৰ । এতিয়া বিয়াৰ ফটোৰ সমান্তৰালকৈ নৱবিবাহিত কইনাৰ মেহেন্দীয়ে ছ’চিয়েল মিডিয়াত সকলোৰে দৃষ্টি আকৰ্ষণ কৰিছে ।
Aditi Rao Hydari and Siddharth got married at a 400-year-old temple,
— AB 🚩 (@abtweets_x) September 16, 2024
Sri Ranganayakaswamy Temple.
Congratulations to this lovely couple ❤️
#AditiRaoHydari #Siddharth pic.twitter.com/uLKjE75VMW
16 ছেপ্টেম্বৰত অদিতি আৰু সিদ্ধাৰ্থই তেওঁলোকৰ ইনষ্টাগ্ৰাম হেণ্ডেলত যৌথ পোষ্ট শ্বেয়াৰ কৰে । ভাৰতীয় পৰম্পৰাগত ৰীতি-নীতিৰে বিবাহপাশত আবদ্ধ হয় হীৰামণ্ডীৰ অভিনেত্ৰীগৰাকী আৰু সিদ্ধাৰ্থ । এটা পোষ্টত দম্পতীটোৱে নিজৰ বিয়াৰ আভাস দেখুৱাইছে ৷ অন্য এটা পোষ্ট এটাত অদিতিয়ে নিজৰ লুকৰ আভাস শ্বেয়াৰ কৰিছে । অদিতি ৰাও হাইদাৰীয়ে বিয়াৰ বাবে সব্যসাচীয়ে ডিজাইন কৰা পৰম্পৰাগত সোণালী অৰ্গেঞ্জা ৰঙৰ হাফ-শাৰী পিন্ধে, যিখন তেওঁ হাতেৰে এম্ব্ৰয়ডাৰী কৰা মেচিং ষ্ট্ৰাইপযুক্ত ব্লাউজৰ সৈতে যোৰ কৰে ।
Aditi Rao Hydari and Siddharth got married at the
— 𝐀𝐚𝐝𝐲𝐚♕ (@_blunt_aadya_) September 16, 2024
Sri Ranganayakaswamy Temple.
The couple got married in an intimate ceremony at a 400-year-old temple in Wanaparthy
It is so beautiful 😍 #Siddharth #AditiRaoHydari pic.twitter.com/I0xK0JEcja
অদিতি ৰাও হাইদাৰীৰ কইনা অৱতাৰ
পৰম্পৰাগত সোণৰ গহনা আৰু গজৰাৰে নিজৰ লুকটো সম্পূৰ্ণ কৰে অদিতিয়ে । তেওঁৰ লুকত আটাইতকৈ বেছি দৃষ্টি আকৰ্ষণ কৰা বস্তুটো হ’ল তেওঁৰ মেহেন্দী । মেহেন্দীৰ সলনি পৰম্পৰাগত ৰঙা আল্টা বাছি লয় অদিতিয়ে । তেওঁৰ ভৰি আৰু হাতৰ পিছফালে আল্টাৰ জৰিয়তে অৰ্ধচন্দ্ৰ ডিজাইন কৰা হৈছে । অভিনেত্ৰীগৰাকীয়ে লগোৱা সামান্য আল্টা তেওঁৰ অনুৰাগীয়ে যথেষ্ট ভাল পাইছে । অন্য কইনাৰ দৰে অদিতিয়ে নেইলপলিছও লগোৱা নাছিল, যাৰ বাবে তেওঁৰ চেহেৰাটো অতি প্ৰাকৃতিক আৰু ৰাজকীয় দেখা গৈছে । আনহাতে সোণালী ৰঙৰ দক্ষিণৰ পৰম্পৰাগত সাজ-পোছাক পৰিধান কৰা দেখা গ’ল সিদ্ধাৰ্থক ।
400 বছৰীয়া মন্দিৰত বিয়াত বহে অদিতি-সিদ্ধাৰ্থ
শ্ৰীৰংগনায়কস্বামী মন্দিৰত যুগ্ম জীৱনৰ পাতনি মেলে অদিতি ৰাও হাইদাৰী আৰু সিদ্ধাৰ্থই । শ্ৰী ৰংগনায়কস্বামী মন্দিৰ 400 বছৰ পুৰণি । 18 শতিকাত নিৰ্মিত এই মন্দিৰটো তেলেংগানাৰ ৱানাপাৰ্থী জিলাৰ শ্ৰীৰাংপুৰত অৱস্থিত । সংবাদ মাধ্যমৰ বাতৰি অনুসৰি অদিতি ৰাও হাইদাৰীৰ পৰিয়ালৰ বাবে এই মন্দিৰৰ গুৰুত্ব অতিশয় বেছি ।
লগতে পঢ়ক : জীৱন বাটত এডাল এনাজৰীতে খামুচি ধৰিলে অদিতি-সিদ্ধাৰ্থই - Aditi Rao Hydari Siddharth wedding
