হায়দৰাবাদ : অক্ষয় কুমাৰৰ ছবি ‘এয়াৰলিফ্ট’ ৰ অভিনেত্ৰী নিম্ৰত কৌৰ আজিকালি বাতৰিৰ শিৰোনামত আছে । এফালে, অভিষেক বচ্চন আৰু ঐশ্বৰ্য ৰায়ৰ বিবাহ বিচ্ছেদৰ বাতৰি, আনফালে অভিষেকৰ সৈতে নিম্ৰতৰ সম্পৰ্কৰ বাতৰি ৷ অভিষেক বচ্চন আৰু নিম্ৰত কৌৰে বিগত বছৰত দসৱী চলচ্চিত্ৰখনত একেলগে কাম কৰিছিল । নিম্ৰত কৌৰে এই ছবিখনত অভিষেক বচ্চনৰ পত্নীৰ চৰিত্ৰত অভিনয় কৰিছিল । জানি আচৰিত হ’ব যে নিম্ৰত কৌৰ এসময়ত নেশ্যনেল ক্ৰাছ হিচাপে পৰিচিত আছিল । এটা ৰাতিতে জনপ্ৰিয় হৈ পৰিছিল নিম্ৰত ৷
ৰাষ্ট্ৰীয় ক্ৰাছ আছিল নিম্ৰত কৌৰ
হয়, ২০০৪ চনত মুক্তিপ্ৰাপ্ত নিম্ৰত কৌৰৰ প্ৰথম সংগীত এলবাম ‘তেৰা মেৰা প্যাৰ’, এতিয়াও ৯০ ৰ দশকৰ লোকসকলৰ মুখে মুখে ৷ তেৰা মেৰা প্যাৰ গানটোত, নিম্ৰত কৌৰৰ হাঁহি আৰু আকৰ্ষণীয় ফিগাৰ দেখি বহুলোক মতলীয়া হৈ পৰিছিল । তেৰা মেৰা প্যাৰ গানটোত প্ৰবীণ গায়ক কুমাৰ চানুৱে কণ্ঠদান কৰিছিল ।
অভিষেকৰ পত্নীৰ চৰিত্ৰত অভিনয় কৰিছিল নিম্ৰতে
দসৱী চলচ্চিত্ৰখনত অভিষেক বচ্চনে মুখ্যমন্ত্ৰী গংগা ৰাম চৌধুৰীৰ চৰিত্ৰত অভিনয় কৰিছিল আৰু নিম্ৰত কৌৰে তেওঁৰ পত্নী বিমলা দেৱী চৌধুৰীৰ চৰিত্ৰত অভিনয় কৰিছিল । ২০২২ চনৰ ২৮ মাৰ্চত মুক্তি লাভ কৰা এই ছবিখন অভিষেক আৰু নিম্ৰতৰ যুটিৰ প্ৰথম ছবি । উল্লেখ্য যে, নিম্ৰত কৌৰে ২০০৫ চনত অভিনয় আৰম্ভ কৰিছিল । ২০০৫ চনত য়াহা চলচ্চিত্ৰৰ পিছত, তেওঁ ৱান নাইট উইথ কিং (২০০৬), পেডলাৰ্ছ, লভ শ্বৱ তে চিকেন খুৰানা (২০১২), দ্য লাঞ্চ বক্স (২০১৩), ইলাইচি (২০১৫), এয়াৰলিফ্ট (২০১৬), দশম (২০২২), সজিনী শিন্দেৰ ভাইৰেল ভিডিঅ’ (২০২৩) ছবিত অভিনয় কৰিছে ।
অমিতাভ বচ্চনৰ লগত নতুন প্ৰজেক্ট
এতিয়া নিম্ৰত কৌৰক দেখা যাব ৰিভু দাসগুপ্তৰ নাটকীয় থ্ৰিলাৰ ছবি ছেকশ্যন ৮৪ত, য’ত তেওঁক অমিতাভ বচ্চনৰ সৈতে দেখিবলৈ পোৱা যাব । ডায়েনা পেণ্টীও এই ছবিখনত থাকিব । ছবিখন কেতিয়া মুক্তি পাব সেই সন্দৰ্ভত কোনো তথ্য বৰ্তমানলৈ অহা নাই । ২০২৩ চনৰ মাৰ্চ মাহত ছবিখনৰ কথা ঘোষণা কৰা হৈছিল ।
লগতে পঢ়ক : ছ’চিয়েল মিডিয়াত অভিষেকৰ কৰ্মই ইন্ধন যোগাইছিল বিবাহ বিচ্ছেদৰ বাতৰিত
