সমগ্ৰ বিশ্বজুৰি 16 এপ্ৰিল তাৰিখে বিশ্ব কণ্ঠ দিৱস পালন কৰা হয় ৷ এই বিশেষ দিনটো মানৱ কণ্ঠস্বৰ উদযাপন কৰা আৰু কণ্ঠস্বৰৰ বিকাৰৰ তাৎপৰ্যৰ বাবে উদযাপন কৰা এক অনুষ্ঠান । দৈনন্দিন জীৱন, কাৰ্যকৰী যোগাযোগ আৰু শৈল্পিক অভিব্যক্তিত ইয়াৰ ভূমিকাৰ ওপৰত গুৰুত্ব দি কণ্ঠস্বৰৰ শক্তিক প্ৰশংসা কৰা হয় আজিৰ দিনটোত ৷
বিশ্ব কণ্ঠ দিৱসৰ ইতিহাস
বিশ্ব কণ্ঠ দিৱস (ডব্লিউভিডি)ৰ অফিচিয়েল ৱেবছাইট অনুসৰি, ব্ৰাজিলৰ ভইচ কেয়াৰ বিশেষজ্ঞৰ এটা গোটে বিশ্ব কণ্ঠ দিৱস উদযাপন আৰম্ভ কৰিছিল । 1999 চনৰ 16 এপ্ৰিলত ড৹ নেডিঅ’ ষ্টেফেনৰ অধ্যক্ষতাত ব্ৰাজিলিয়ান চছাইটি অৱ লেৰিংগোলজী এণ্ড ভইচে এই দিনটোক ব্ৰাজিলিয়ান ভইচ দিৱস হিচাপে ঘোষণা কৰে ।
চিকিৎসক, বাক-ভাষাৰ পেথল’জিষ্ট, গায়ক, শিক্ষকসকলৰ এক মিশ্ৰিত প্ৰচেষ্টাৰ ফলাফল স্বৰূপে এই বিশেষ দিনটো উদযাপন কৰা হয় ৷ ড৹ নেডিঅ’ ষ্টেফেনৰ সভাপতিত্বত প্ৰাক্তন সংগঠন 'চ'চিয়েদাদ ব্ৰাচিলিৰা ডি লাৰিংগোলোজিয়া ই ভজ- এছবিএলভি' (ব্ৰাজিলিয়ান ছচাইটি অৱ লেৰিংগোলজী এণ্ড ভইচ)ৰ অন্তৰ্গত এই অনুষ্ঠান । এই ব্ৰাজিলিয়ান উদ্যোগৰ পিচত আৰ্জেণ্টিনা আৰু পৰ্তুগালৰ দৰে আন দেশসমূহে এই দিৱসৰ অনুসৰণ কৰে ৷ তাৰ পিচৰে পৰা ব্ৰাজিলিয়ান ৰাষ্ট্ৰীয় কণ্ঠ দিৱস আন্তৰ্জাতিক কণ্ঠ দিৱসলৈ পৰিণত হয় ।
আমেৰিকা যুক্তৰাষ্ট্ৰত, আমেৰিকান একাডেমী অৱ অ'ট'লেৰিংগোলজী-হেড এণ্ড নেক চাৰ্জাৰীয়ে 2002 চনত এই দিনটোক আনুষ্ঠানিকভাৱে স্বীকৃতি দিয়ে ৷ সেই বছৰৰ পৰা এই দিনটোক 'বিশ্ব কণ্ঠ দিৱস' হিচাপে স্বীকৃতি দিয়া হয় ৷
2024 চনৰ বিষয়বস্তু
এই বৰ্ষৰ বিশ্ব কণ্ঠ দিৱসৰ বিষয়বস্তু হৈছে "প্ৰতিধ্বনি, শিক্ষিত আৰু উদযাপন" । আমেৰিকান একাডেমী অফ অ'ট'লেৰিঞ্জোলজী-হেড এণ্ড নেক চাৰ্জাৰীৰ ভইচ কমিটিৰ দ্বাৰা এইবৰ্ষৰ বিষয়বস্তু বাচনি কৰা হৈছে ৷
বিশ্ব কণ্ঠ দিৱসৰ মিছন
এই বৰ্ষৰ লক্ষ্য হৈছে মানুহ, বিজ্ঞানী আৰু অন্যান্য পুঁজি সংস্থাৰ সৈতে কণ্ঠস্বৰৰ পৰিঘটনাসমূহ ভাগ বাটোৱাৰা কৰা । বিশ্বব্যাপী এই অনুষ্ঠান উদযাপন কৰা হয় ৷ যাৰ ভিতৰত আছে কৰ্মশালা, চেমিনাৰ, আৰু সংগীতানুষ্ঠান, যাতে লোকসকলক কণ্ঠৰ যত্ন আৰু কণ্ঠৰ কলাৰ বিষয়ে শিক্ষিত কৰা যায়।
আপোনাৰ কণ্ঠস্বৰ কেনেদৰে নিখুঁত ৰাখিব?
- কণ্ঠস্বৰ গৰম কৰি ৰাখিব ৷
- অত্যধিক নিচিঞৰিব অথবা জোৰেৰে কথা নক’ব ৷
- যথেষ্ট পৰিমাণে পানী খাব, বিশেষকৈ ব্যায়াম কৰোতে ।
- আপুনি অসুস্থ হ'লে আপোনাৰ কণ্ঠস্বৰ বিশ্ৰাম দিয়ক ৷
- কথা কোৱাবা গান গাওঁতে উশাহ লওতে ধ্যান ৰাখিব ৷
- যদি আপুনি কেফেইনযুক্ত পানীয় বা সুৰা পান কৰে, যথেষ্ট পৰিমাণৰ পানী সেৱনেৰে কণ্ঠ সন্তুলিত ৰাখক ৷
- দিনটো আপোনাৰ কণ্ঠস্বৰক বিশ্ৰাম কৰিবলৈ দিয়ক ৷
- সুৰা বা ৰাসায়নিক পদাৰ্থ থকা মাউথৱাছ বা গাৰ্গল পৰিহাৰ কৰক ৷
- ধূমপান নকৰিব আৰু বেলেগৰ ধোঁৱা সেৱন নকৰিব ৷ ধোঁৱাই কণ্ঠস্বৰৰ ভাঁজবোৰ তৰল কৰে । লগতে ধূমপান কৰা ব্যক্তিসকলৰ ক্ষেত্ৰত কণ্ঠস্বৰৰ কৰ্কট ৰোগ সঘনাই দেখা যায় ।
- সচৰাচৰ চৰ্দি আৰু এলাৰ্জিৰ ঔষধে কণ্ঠস্বৰৰ ভাঁজ শুকুৱাই দিব পাৰে ৷ সেয়েহে ঔষধৰ ব্যৱহাৰ পৰিহাৰ বা সীমিত কৰক ।
- যদি আপোনাৰ কণ্ঠস্বৰৰ সমস্যা আছে, চিকিৎসকক সোধক কোনবোৰ ঔষধ ব্যৱহাৰ কৰিবলৈ আপোনাৰ বাবে সুৰক্ষিত ।
- আপোনাৰ আহাৰত যথেষ্ট পৰিমাণৰ শস্য, ফল আৰু পাচলি অন্তৰ্ভুক্ত কৰিব । এই খাদ্যবোৰত ভিটামিন এ, ই আৰু চি থাকে । এইবোৰে ডিঙিৰ শ্লেষ্মা আৱৰণ স্বাস্থ্যৱান ৰখাত সহায় কৰে ।
দহটা আকৰ্ষণীয় তথ্য
- আঙুলিৰ ছাপৰ দৰে, কণ্ঠৰ ৰজ্জুৰ আকাৰ আৰু আকৃতিৰ বাবে প্ৰতিজন ব্যক্তিৰ কণ্ঠস্বৰ পৃথক ।
- মানুহৰ কণ্ঠস্বৰে 1,100 ৰো অধিক অনন্য পিটছ প্ৰস্তুত কৰিব পাৰে ।
- চুটি কণ্ঠনলীৰ বাবে মহিলাৰ সাধাৰণতে পুৰুষতকৈ উচ্চস্বৰ থাকে ।
- বয়ঃসন্ধিৰ ফলত কণ্ঠনালী বৃদ্ধি হয়, যাৰ ফলত পুৰুষৰ কণ্ঠস্বৰ গভীৰ হয় ।
- আপোনাৰ কণ্ঠস্বৰ অত্যাধিক ব্যৱহাৰ কৰিলে কণ্ঠনালীৰ নোডুল বা পলিপ হ'ব পাৰে ।
- আপোনাৰ কণ্ঠস্বৰে শব্দ অবিহনেও আৱেগ প্ৰকাশ কৰিব পাৰে ।
- ভইচ চিনাক্তকৰণ প্ৰযুক্তিয়ে সুৰক্ষাৰ বাবে ভইচপ্ৰিণ্ট ব্যৱহাৰ কৰে ।
- নিয়মীয়া কথা কোৱাতকৈ ফুচফুচাই কথা ক’লে কণ্ঠৰ ৰজ্জুবোৰ কন্ঠনাৰ ওপৰত বেছি প্ৰভাৱ পেলায় ।
- 7,000 ৰো অধিক ভাষা আছে, প্ৰতিটোত অনন্য কণ্ঠৰ বৈশিষ্ট্য আছে ।
- আপোনাৰ ডিঙি আৰু মুখৰ আকৃতিয়ে আপোনাৰ কণ্ঠস্বৰৰ অনুৰণন প্ৰভাৱিত কৰে ।
লগতে পঢ়ক: ফেয়াৰনেছ ক্ৰীম ব্যৱহাৰৰ ফলত ভয়ংকৰভাৱে বৃদ্ধি হৈছে বৃক্ক ৰোগ ! - Problems Due To Fairness Creams
