নেশ্যনেল ডেস্ক,৪ জুলাই : কৰ্তব্যৰ সময়ত প্ৰাণ হেৰুওৱা অগ্নিবীৰ অজয় কুমাৰৰ পৰিয়ালক ক্ষতিপূৰণ নিদিয়াৰ দাবী অস্বীকাৰ কৰিলে ভাৰতীয় সেনাই । ভাৰতীয় সেনাই বুধবাৰে সামাজিক মাধ্যমৰ এটা পোষ্টত কয় যে জোৱানজনৰ পৰিয়ালক ইতিমধ্যে নিৰ্ধাৰিত পৰিমাণৰ ভিতৰত ৯৮.৩৯ লাখ টকা দিয়া হৈছে । শেহতীয়াকৈ লোকসভাৰ বিৰোধী দলপতি ৰাহুল গান্ধীয়ে এক্সত এটা ভিডিঅ' শ্বেয়াৰ কৰিছিল য'ত শ্বহীদ জোৱানজনৰ পিতৃৰ মন্তব্য আছিল । সেই পোষ্টটোৰ প্ৰতিক্ৰিয়া স্বৰূপে ভাৰতীয় সেনাই স্পষ্টীকৰণ দিয়ে আৰু কয় যে জোৱানজনে ক্ষতিপূৰণ হিচাপে লাভ কৰিব প্ৰায় ১.৬৫ কোটি টকা ।
*CLARIFICATION ON EMOLUMENTS TO AGNIVEER AJAY KUMAR*
— ADG PI - INDIAN ARMY (@adgpi) July 3, 2024
Certain posts on Social Media have brought out that compensation hasn't been paid to the Next of Kin of Agniveer Ajay Kumar who lost his life in the line of duty.
It is emphasised that the Indian Army salutes the supreme… pic.twitter.com/yMl9QhIbGM
উল্লেখ্য যে ৰাহুল গান্ধীয়ে অজয়ৰ গোচৰৰ উদ্ধৃতি দি অভিযোগ কৰিছিল যে প্ৰতিৰক্ষা মন্ত্ৰী ৰাজনাথ সিঙে শ্বহীদ অগ্নিবীৰৰ পৰিয়ালক ক্ষতিপূৰণৰ বিষয়টো সম্পৰ্কে সংসদত 'মিছা' কথা কৈছে আৰু ইয়াৰ বাবে ক্ষমা বিচাৰিব লাগে ।
লোকসভাত ৰাষ্ট্ৰপতিৰ ভাষণৰ ধন্যবাদ প্ৰস্তাৱৰ বিতৰ্কত ভাষণ দি থকা সময়ত সিঙে সোমবাৰে কৈছিল যে কৰ্তব্যৰ সময়ত প্ৰাণ হেৰুওৱা এজন অগ্নিবীৰে ১ কোটি টকাৰ ক্ষতিপূৰণ লাভ কৰে ।
