নেশ্যনেল ডেস্ক, 24 জুন: মঙলবাৰে সদনত দাখিল কৰা হয় কেন্দ্ৰীয় বাজেট 2024-25 ৷ কেন্দ্ৰীয় বাজেটত কৰ্ণাটক, তেলেংগানা, তামিলনাডু আৰু হিমাচল প্ৰদেশৰ দাবীক অৱহেলা কৰাৰ প্ৰতিবাদৰ চিনস্বৰূপে 27 জুলাইত প্ৰধানমন্ত্ৰী নৰেন্দ্ৰ মোদীৰ অধ্যক্ষতাত অনুষ্ঠিত হ’বলগীয়া নীতি আয়োগৰ বৈঠক বৰ্জনৰ সিদ্ধান্ত লৈছে চাৰিওখন ৰাজ্যই ।
কৰ্ণাটকৰ মুখ্যমন্ত্ৰী সিদ্ধাৰমাইয়াই এই সন্দৰ্ভত কয়, "নীতি আয়োগৰ সভাত উপস্থিত থাকি লাভ নাই, কিয়নো কানাড়াসকলৰ দাবী চৰকাৰে শুনা নাই । নতুন দিল্লীত সৰ্বদলীয় বৈঠকত কৰ্ণাটকৰ অত্যাৱশ্যকীয় প্ৰয়োজনীয়তাসমূহৰ বিষয়ে আলোচনা কৰিবলৈ আহ্বান জনোৱাৰ মোৰ আন্তৰিক প্ৰচেষ্টা সত্ত্বেও কেন্দ্ৰীয় বাজেটে আমাৰ ৰাজ্যৰ দাবীক অৱহেলা কৰিছে ।"
Despite my earnest efforts in calling for an all-party MPs meeting in New Delhi to discuss Karnataka's essential needs, the Union Budget has neglected our state's demands.
— Siddaramaiah (@siddaramaiah) July 23, 2024
Finance Minister @nsitharaman, who also attended the meeting, has ignored the concerns of the people of…
সিদ্ধাৰমাইয়াই পুনৰ কয়, "বৈঠকত অংশগ্ৰহণ কৰা বিত্তমন্ত্ৰী নিৰ্মলা সীতাৰমণেও কৰ্ণাটকৰ জনসাধাৰণৰ উদ্বেগক আওকাণ কৰিছে । আমি নীতি আয়োগৰ সভাত উপস্থিত থাকি লাভ নাই । আমি 27 জুলাইত প্ৰধানমন্ত্ৰী নৰেন্দ্ৰ মোদীৰ অধ্যক্ষতাত অনুষ্ঠিত হ’বলগীয়া নীতি আয়োগৰ বৈঠকক প্ৰতিবাদৰ চিন স্বৰূপে বৰ্জন কৰাৰ সিদ্ধান্ত লৈছো ।"
X ৰ পোষ্টটোত মুখ্যমন্ত্ৰী সিদ্ধাৰমাইয়াই কয়, "আনকি আমাৰ কৃষকসকলে মেকেদাতু আৰু মহাদয়ীক অনুমোদন দিয়াৰ দাবীক আওকাণ কৰা হৈছে । আমাৰ ৰাজ্যলৈ বিভিন্ন শ্ৰেণীৰ অধীনত পুঁজি হ্ৰাস কৰা কাৰ্যৰ শুধৰণিৰ কোনো চেষ্টা কৰা হোৱা নাছিল । মেট্ৰ’ আৰু অন্যান্য আন্তঃগাঁথনি প্ৰকল্পৰ বাবে ধন এতিয়াও দূৰৈৰ সপোন । প্ৰধানমন্ত্ৰীৰ চকীখনৰ ওপৰতেই চকু নিৱদ্ধ থকাৰ বাবে নৰেন্দ্ৰ মোদীয়ে অন্ধ্ৰপ্ৰদেশ আৰু বিহাৰৰ বাহিৰে আন ৰাজ্যলৈ চাব পৰা নাই । ৰাইজৰ সন্মুখত তেওঁৰ এজেণ্ডা উদঙাই দিয়া হৈছে । আমি আশা কৰো আমাৰ ৰাজ্যৰ জনসাধাৰণে আমাৰ ন্যায়ৰ যুঁজত আমাৰ লগত থিয় দিব ।"
তামিলনাডুৰ মুখ্যমন্ত্ৰী এম কে ষ্টালিনে মঙলবাৰৰ সন্ধিয়া এখন সংবাদমেলযোগে নীতি আয়োগৰ বৈঠক বৰ্জনৰ সিদ্ধান্তৰ কথা ঘোষণা কৰে । মুখ্যমন্ত্ৰীৰ এই বক্তব্যৰ প্ৰতি সমৰ্থন জনাই কংগ্ৰেছৰ সাধাৰণ সম্পাদক কে চি বেনুগোপালে নিশা X যোগে বাজেটখনক ‘অত্যন্ত বৈষম্যমূলক আৰু বিপজ্জনক’ বুলি গৰিহণা দিয়ে ।
“Go to the battlefields of election in January 2029. Till then, the only priority should be the country, its poor, farmers, women, and the youth,” our Hon'ble PM @narendramodi said in his address to the media ahead of the Parliament session. But the very next day, his… pic.twitter.com/XzhTJRiWIn
— M.K.Stalin (@mkstalin) July 23, 2024
বাজেটত তামিলনাডুক সম্পূৰ্ণৰূপে উপেক্ষা কৰা হৈছে বুলি কয় এম কে ষ্টালিনে ৷ বেনুগোপালে উল্লেখ কৰে যে হিমাচল প্ৰদেশৰ সুখবিন্দৰ সিং সুখু, তেলেংগানাৰ ৰেৱন্ত ৰেড্ডী, কৰ্ণাটকৰ সিদ্ধাৰমাইয়াকে ধৰি কংগ্ৰেছৰ 4 মুখ্যমন্ত্ৰীয়ে নীতি আয়োগৰ বৈঠক বৰ্জন কৰিব । কেন্দ্ৰীয় বাজেটৰ বৈষম্যমূলক স্থিতিৰ বিৰুদ্ধে 24 জুলাইত দিল্লীত প্ৰতিবাদ সাব্যস্ত কৰিব ডি এম কেৰ সাংসদসকলে ।
