কোহিমা : মেলুৰিক নাগালেণ্ডৰ ১৭ সংখ্যক জিলা হিচাপে স্বীকৃতি প্ৰদান কৰা হৈছে । এই পৰিৱৰ্তন কেৱল প্ৰশাসনিক পুনৰ্গঠনেই নহয়, অঞ্চলটোৰ বাবে তাতোকৈ অধিক । মেলুৰি হৈছে থলুৱা জনজাতি পোচুৰীৰ মুখ্য বাসস্থান । কিন্তু ইয়াৰ গুৰুত্ব বুজিবলৈ হ'লে আমি এই নতুন জিলাখনত লুকাই থকা জনগোষ্ঠীয় পৰম্পৰা আৰু পৰ্যটকৰ বাবে থকা সম্ভাৱনাৰ বিষয়ে জানিব লাগিব ।
মুখ্যমন্ত্ৰী নেইফিউ ৰিঅ'ৰ অধ্যক্ষতাত শেহতীয়াকৈ অনুষ্ঠিত কেবিনেট বৈঠকত ফেক জিলা বিভাজন কৰি মেলুৰিক জিলাৰ মৰ্যাদালৈ উন্নীত কৰা হয় । এই পৰিৱৰ্তন হৈছে এক বিস্তৃত ৰণকৌশলৰ অংশ, য'ত বিগত কেইবছৰমানত নাগালেণ্ডত নতুন জিলা সৃষ্টিৰ প্ৰৱণতা দেখা গৈছে । ইয়াৰ উদ্দেশ্য হৈছে শাসনৰ বিকেন্দ্ৰীকৰণ আৰু স্থানীয় উন্নয়নক উৎসাহিত কৰা । আনহাতে, এই সিদ্ধান্তক জনজাতিটোৰ শীৰ্ষ সংস্থা পোচুৰী হোহোৱে এক গুৰুত্বপূৰ্ণ সাফল্য হিচাপে আদৰণি জনাইছে । আনহাতে, সংগঠনটোৱে তেওঁলোকৰ সম্প্ৰদায়ৰ বাবে ইয়াক 'স্মৰণীয় দিন' (red letter day) হিচাপে অভিহিত কৰিছে । স্থানীয় বিধায়ক জেড নিউচিথো নিউথে এই পদক্ষেপত এক গুৰুত্বপূৰ্ণ ভূমিকা পালন কৰে ।
মেলুৰিয়ে ৰাজ্যখনৰ প্ৰায় 1,011 বৰ্গকিলোমিটাৰ আৱৰি আছে । ইয়াত 31 খন স্বীকৃত গাঁও আছে । ই হৈছে পোচুৰী জনজাতিৰ বাবে এক গুৰুত্বপূৰ্ণ সাংস্কৃতিক আৰু অৰ্থনৈতিক কেন্দ্ৰ । এই জনগোষ্ঠীটোৰ লোকসকলে প্ৰজন্মৰ পৰা প্ৰজন্ম ধৰি এই অঞ্চলত বাস কৰি আহিছে । মেলুৰিক এক সুকীয়া জিলা হিচাপে স্বীকৃতি দি চৰকাৰে কেৱল পোচুৰী জনসাধাৰণৰ অৱদানক স্বীকাৰ কৰাই নহয়, তেওঁলোকক নিজৰ ভৱিষ্যত গঢ়ি তুলিবলৈ ক্ষমতাও প্ৰদান কৰিছে ।
পোচুৰী জনজাতিৰ ঘৰ
জীপাল উৎসৱ আৰু পৰম্পৰাগত কাৰুশিল্পৰ বাবে জনাজাত পোচুৰী জনগোষ্ঠীৰ লোকসকলে তেওঁলোকৰ শিপাৰ সৈতে এক গভীৰ সম্পৰ্ক বজাই ৰাখিছে । তেওঁলোকৰ কলাশৈলী জটিল বয়নৰ পৰা কাঠৰ শিল্পলৈকে প্ৰকাশ পায় । মেলুৰিৰ স্থানীয় বজাৰত আপুনি হস্তনিৰ্মিত বেতৰ আচবাব, ব্ৰিন নিমখ, ঘাঁহেৰে তৈয়াৰ কৰা খৰাহি আৰু মণিপুৰৰ উখৰুলৰ ক'লা মৃৎশিল্পৰ অফুৰন্ত সম্ভাৰ লাভ কৰিব । ইয়াৰে প্ৰতিবিধ সামগ্ৰীয়ে জনজাতীয় শিল্পত্ব প্ৰতিফলিত কৰে আৰু ইয়াক প্ৰজন্মৰ পিছত প্ৰজন্ম ধৰি আগবঢ়াই লৈ গৈছে । চহৰখনৰ বজাৰৰ মাজেৰে আপুনি যেতিয়া খোজকাঢ়ি যাব তেতিয়া বনৰীয়া শাক-পাত, আলু-কচু, শামুককে ধৰি বিভিন্ন স্থানীয় উৎপাদিত সামগ্ৰীৰ মেটমৰা সম্ভাৰ দেখিবলৈ পাব এক বিন্যাস প্ৰকাশ হয়।
পোচুৰী লোকসকলৰ কেইবাটাও থলুৱা উৎসৱ আছে । ইয়াৰে ভিতৰত আটাইতকৈ উল্লেখযোগ্য হৈছে চাগা নগু । ই হৈছে এক প্ৰকাৰ শস্য চপোৱা উৎসৱ । এই উৎসৱে জনগোষ্ঠীটোৰ কৃষি পৰম্পৰাৰ গভীৰতা প্ৰদৰ্শন কৰে । এনে অনুষ্ঠানৰ সময়ত সম্প্ৰদায়টো সংগীত, নৃত্য আৰু ৰন্ধন প্ৰণালীৰ আনন্দেৰে সজীৱ হৈ উঠে । ই স্থানীয় সংস্কৃতিৰ সৈতে জড়িত হ'ব বিচৰা পৰ্যটকসকলৰ বাবে এক চাক্ষুস অভিজ্ঞতা প্ৰদান কৰে ।
মেলুৰিত কি চাব আৰু কি কৰিব
মেলুৰি হৈছে এক সাংস্কৃতিক হটস্পট আৰু ভৌগোলিক আশ্চৰ্য । এই নতুন জিলাখন সেউজীয়া পাহাৰ আৰু বিবিধ পৰিৱেশতন্ত্ৰৰে পৰিৱেষ্টিত হৈ আছে । মেলুৰী যদিও আকাৰত সৰু, কিন্তু ইয়াৰ দৃশ্যপট অতি মনোৰম আৰু ভ্ৰমণকাৰীসকলৰ বাবে শ্বাসৰুদ্ধকাৰী দৃশ্য আৰু অভিজ্ঞতাৰে ভৰি আছে । শেহতীয়াকৈ জিলাৰ মৰ্যাদালৈ উন্নীত হোৱাৰ লগে লগে ই পৰিৱৰ্তনৰ শিখৰত থিয় দিছে, পৰম্পৰাক প্ৰগতিৰ সৈতে মিশ্ৰণ কৰিছে ।
শিলৈ হ্ৰদ : এই হ্ৰদটো কেৱল এক মনোৰম বনভোজস্থলীয়ে নহয়, বিভিন্ন চৰাইৰ প্ৰজাতি বাস কৰা এক অভয়াৰণ্যও । ই পক্ষীপ্ৰেমী ফটোগ্ৰাফীৰ বাবে এক উৎকৃষ্ট স্থান । ইয়াৰ সূৰ্যোদয় আৰু সূৰ্যাস্তৰ সময়ৰ দৃশ্য অতি আকৰ্ষণীয় । শিলৈ হ্ৰদৰ চাৰিওফালৰ ভূখণ্ডত হাইকিং ট্ৰেইল আছে, যিয়ে আপোনাক এক শ্বাসৰুদ্ধকাৰী দৃষ্টিভংগী প্ৰদান কৰিব ।
ৱাজেহো ঔদ্যোগিক চহৰ : এই উন্নয়নশীল চহৰখনে জিলাখনৰ ভিতৰত এক অৰ্থনৈতিক কেন্দ্ৰ হিচাপে কাম কৰে । ইয়াত পৰ্যটকসকলে স্থানীয় উদ্যোগৰ বিকাশ চাব পাৰে আৰু স্থানীয়ভাৱে নিৰ্মিত ব্ৰিন নিমখ ক্ৰয় কৰিব পাৰে । ই হৈছে অঞ্চলটোৰ এক মুখ্য অংশ । এই চহৰখন ইয়াৰ কৃষিজাত সামগ্ৰী আৰু বিশাল বজাৰৰ বাবেও জনাজাত ।
দুঃসাহসিক কাৰ্যকলাপ : মেলুৰিৰ চাৰিওফালে থকা পাহাৰীয়া অঞ্চলটোৱে ট্ৰেকিং আৰু অন্বেষণৰ সুযোগ প্ৰদান কৰে । সেউজীয়া দৃশ্যবোৰ হৈছে বিভিন্ন উদ্ভিদ আৰু প্ৰাণীৰ ঘৰ । যাৰ বাবে অঞ্চলটোক প্ৰকৃতিপ্ৰেমীসকলৰ বাবে এক স্বৰ্গ হিচাপে গঢ়ি তোলে ।
সাংস্কৃতিক কাৰ্যসূচী : মেলুৰিৰ সাৰমৰ্ম সঁচাকৈয়ে যদি উপভোগ কৰিব বিচাৰে তেন্তে স্থানীয় লোকসকলৰ সৈতে জড়িত হ'ব লাগিব । পৰম্পৰাগত পোচুৰী ৰন্ধন প্ৰণালী শিকিবলৈ ৰন্ধন শ্ৰেণীত অংশগ্ৰহণ কৰক বা আপোনাৰ নিজৰ ঘাঁহৰ খৰাহি সৃষ্টি কৰিবলৈ বয়ন কৰ্মশালাত যোগদান কৰক । এই হাতৰ কামৰ অভিজ্ঞতাবোৰে পোচুৰী লোকসকলৰ দৈনন্দিন জীৱন আৰু পৰম্পৰাৰ এক চাক্ষুস আভাস প্ৰদান কৰে ।
স্থানীয় উৎসৱ : স্থানীয় উৎসৱবোৰ হৈছে পোচুৰী সংস্কৃতিৰ মূৰ্ত অভিব্যক্তি । ই সংগীত, নৃত্য আৰু খাদ্য-সম্ভাৰেৰে পৰিপূৰ্ণ । এই উৎসৱবোৰত জড়িত হোৱাটোৱে জনজাতিৰ মূল্যবোধ, ইতিহাস আৰু সাম্প্ৰদায়িক মনোভাবৰ বিষয়ে অন্তৰ্দৃষ্টি প্ৰদান কৰে ।
এবাৰ চৌপাশে ঘূৰি আহক
মেলুৰিৰ পথ যোগাযোগ ব্যৱস্থা অতি ভাল । ইয়াৰ ফলত ইয়ালৈ নাগালেণ্ডৰ মুখ্য চহৰবোৰৰ পৰা সহজতে যাতায়াত কৰিব পাৰে । নিকটতম চহৰ হৈছে ফেক । ইয়াৰ পৰা স্থানীয় পৰিবহণৰ বিকল্প উপলব্ধ । পৰ্যটকসকলে টেক্সি ভাৰা কৰিব পাৰে বা অঞ্চলটো ঘূৰিবলৈ স্থানীয় বাছো ব্যৱহাৰ কৰিব পাৰে । এক নতুন জিলা হিচাপে, মেলুৰিয়ে এতিয়াও ইয়াৰ আন্তঃগাঁথনি বিকাশ কৰি আছে । সেয়েহে তালৈ যোৱাৰ পূৰ্বে বাসস্থান আৰু পৰিবহণৰ আগতীয়া পৰিকল্পনা কৰা উচিত ।
যিহেতু মেলুৰিয়ে জিলা হিচাপে এক নতুন অধ্যায়টো আৰম্ভ কৰিছে, তথাপিও ইয়াৰ উন্নয়ন আৰু বিকাশৰ সম্ভাৱনা অপৰিসীম । ওচৰৰ অৱংখুত আন্তৰ্জাতিক বাণিজ্য কেন্দ্ৰ (আই টি চি) স্থাপনে বাণিজ্যিক কেন্দ্ৰ হিচাপে অঞ্চলটোৰ সম্ভাৱনাৰ ওপৰত আলোকপাত কৰে, বিশেষকৈ ম্যানমাৰ সীমান্তৰ ওচৰত ।
এই কৌশলগত অৱস্থানে অঞ্চলটোৰ বাবে বাণিজ্য আৰু পৰ্যটনৰ দুৱাৰ মুকলি কৰে, যিয়ে স্থানীয় অৰ্থনীতিক যথেষ্ট সমৃদ্ধ কৰিব পাৰে । অৱশ্যে এই সুযোগবোৰ গ্ৰহণৰ সৈতে প্ৰত্যাহ্বানো আহিব । আধুনিকীকৰণ আৰু সাংস্কৃতিক ঐতিহ্যৰ সংৰক্ষণৰ মাজত সূক্ষ্ম ভাৰসাম্য গুৰুত্বপূৰ্ণ হ'ব । যিহেতু অধিক পৰ্যটক মেলুৰিৰ প্ৰতি আকৰ্ষিত হৈছে, সেয়ে স্থানীয় সম্প্ৰদায়ৰ মূল্যবোধ আৰু আকাংক্ষাৰ সৈতে সংগতি ৰাখি উন্নয়ন কৰিব পৰাটো নিশ্চিত কৰাটো অত্যাৱশ্যকীয় হ'ব ।
