নিউজ ডেস্ক, 3 অক্টোবৰ: উত্তৰ-পূৰ্বাঞ্চলৰ অন্যতম এক বৃহৎ জনগোষ্ঠী হৈছে নগাসকল, যি নিজৰ স্বকীয় সংস্কৃতিৰে চহকী ৷ ঠিক সেইদৰে প্ৰাকৃতিক সৌন্দৰ্যৰে ভৰপূৰ নগাসকলৰ বসতিপ্ৰধান ৰাজ্য নাগালেণ্ড ৷ নাগালেণ্ডৰ বুকুত সোমাই আছে নানা ঐতিহ্য তথা বহুতো কাহিনী, উপ-কাহিনী ৷ হিন্দু ধৰ্মৰ মহাকাব্য মহাভাৰততো উল্লেখ আছে নাগালেণ্ডৰ বিষয়ে ৷ এই মনোৰম নাগালেণ্ডত প্ৰতিবছৰে শীতকালত অনুষ্ঠিত হয় হৰ্ণবিল মহোৎসৱ ৷ ঐতিহ্যপূৰ্ণ কিছামা গাঁৱত অনুষ্ঠিত হয় এই হৰ্ণবিল মহোৎসৱ ৷
এইবাৰ হৰ্ণবিল মহোৎসৱে ভৰি থ’ব ৰূপালী জয়ন্তী বৰ্ষত ৷ অৰ্থাৎ 25 বছৰীয়া হ’ব হৰ্ণবিল মহোৎসৱ ৷ নাগালেণ্ডৰ পৰ্যটন বিভাগে অহা 1 ৰ পৰা 10 ডিচেম্বৰলৈ কিছামা গাঁৱত হৰ্ণবিল মহোৎসৱ অনুষ্ঠিত কৰাৰ সিদ্ধান্ত লৈছে ৷
নাগালেণ্ডৰ পৰ্যটন বিভাগৰ আয়ুক্ত তথা সচিব ড৹ জি হুকুঘা ছেমাই কয় যে এইবাৰ এক বৃহৎ উৎসৱ হ’ব ৷ মহোৎসৱৰ প্ৰস্তুতিৰ বাবে বুধবাৰে বিভাগটোৰ সঞ্চালকালয়ৰ কাৰ্যালয়ত জনজাতীয় হোহো আৰু সংগঠনসমূহৰ সৈতে প্ৰথমখন সমন্বয় সভা অনুষ্ঠিত হয়, য’ত প্ৰতিটো জনজাতীয় হোহোৰ দুজন প্ৰতিনিধিয়ে অংশগ্ৰহণ কৰে ।
বৈঠকৰ পিছত এএনআইৰ সৈতে হোৱা এক সাক্ষাৎকাৰত ড৹ ছেমাই কয় যে জনজাতীয় সংস্থাসমূহ হৰ্ণবিল উৎসৱৰ মূল আৰু মেৰুদণ্ড ৷ তেওঁলোকৰ সহায় আৰু সহযোগিতাৰে ৰাজ্যখনে এতিয়ালৈকে চৌবিশটা বৰ্ষত হৰ্ণবিল মহোৎসৱ সফলতাৰে আয়োজন কৰিছে । তেওঁ উল্লেখ কৰে যে চৌবিশতম উৎসৱটোৱে ব্যাপক সফলতা লাভ কৰিছিল ।
Today a coordination meeting was held at the Directorate of Tourism, Kohima, with representatives from all Tribal Hoho organizations to deliberate matters relating for the upcoming 25th anniversary edition of the Hornbill Festival 2024. The meeting was followed by a luncheon. pic.twitter.com/jIzfqAcu0b
— nagalandtourism (@tourismdeptgon) October 2, 2024
আয়ুক্ত তথা সচিবগৰাকীয়ে লগতে কয়, ‘‘এতিয়া আমাৰ হৰ্ণবিল ফেষ্টিভেল ২০২৪ৰ আটাইতকৈ উপযুক্ত আৰু গৌৰৱময় ২৫ সংখ্যক সংস্কৰণ হ’ব ।’’
তেওঁ আৰু উল্লেখ কৰে, ‘‘জনজাতীয় সংস্থাসমূহে তেওঁলোকৰ ধাৰণাসমূহ ভাগ-বাটোৱাৰা কৰিছিল আৰু উৎসৱৰ সময়ত তেওঁলোকে সন্মুখীন হোৱা প্ৰত্যাহ্বানসমূহ, যেনে পানীৰ অভাৱ, বিদ্যুৎ, নেটৱৰ্ক সংযোগ, আৰু আৰ্থিক বাধাসমূহৰ ওপৰত আলোকপাত কৰিছিল ।’’
জনজাতীয় প্ৰতিনিধিসকলে আঙুলিয়াই দিয়ে যে ৰাজ্য চৰকাৰে প্ৰদান কৰা ১.৫ লাখ টকা দহ দিন মহোৎসৱ চলাবলৈ অপৰ্যাপ্ত । ইয়াৰ উত্তৰত আয়ুক্তগৰাকীয়ে কয় যে বিভাগটোৱে এই বছৰ ধন বৃদ্ধিৰ বিষয়ে আলোচনা কৰিব, কিয়নো হৰ্ণবিল মহোৎসৱৰ ২৫ বছৰ সম্পূৰ্ণ হৈছে ।
বিষয়াগৰাকীয়ে লগতে জনাইছে যে জনজাতীয় সংস্থাসমূহে বিশ্বাস কৰে যে যদিহে পৰ্যটন বিভাগে ২০২৫ চনৰ পৰা এই উৎসৱটো গোটেই বছৰটো বৃদ্ধি কৰাৰ পৰিকল্পনা কৰিছে তেন্তে কাম-কাজসমূহ সুচাৰুৰূপে পৰিচালনাৰ বাবে উপযুক্ত সহযোগিতা, সমন্বয় আৰু ৰক্ষণাবেক্ষণৰ অতি প্ৰয়োজনীয় হ’ব ।
উৎসৱৰ প্ৰস্তুতিৰ সন্দৰ্ভত ছেমাই পুনৰ কয়, "এইবাৰ অবিৰত নিৰ্বাচন আৰু বৰ্ধিত বাৰিষাৰ বৰষুণৰ বাবে প্ৰস্তুতি কিছু পলম হৈছে, কিন্তু আমি নিশ্চিত যে চলি থকা কাম ১৫ নৱেম্বৰৰ বা ২০ নৱেম্বৰৰ ভিতৰত সম্পূৰ্ণ হ'ব ।" তেওঁ লগতে উল্লেখ কৰে যে বিভাগটোৱে অধিক লোকৰ বাবে নতুন গেলেৰী নিৰ্মাণ কৰি আছে, য’ত কিছু অতিৰিক্ত নিৰ্মাণৰ কাম ইতিমধ্যে কাম চলি আছে । (ANI)
লগতে পঢ়ক: অৰুণাচলৰ চিজুছাত পাক্কে পাগা হৰ্ণবিল মহোৎসৱৰ ব্যাপক প্ৰস্তুতি
নাগালেণ্ডৰ হৰ্ণবিল মহোৎসৱত বিশেষ সমাদৰ লাভ কৰিছে অসমীয়া গামোচাই
