আলমোৰা: উত্তৰাখণ্ডৰ আলমোৰাত সংঘটিত হৈছে এক ভয়ংকৰ পথ দুৰ্ঘটনা । জিলাখনৰ ছল্ট তহচিলৰ মাৰ্চুলাৰ কুপি গাঁৱৰ সমীপত এখন বাছ নিয়ন্ত্ৰণহীন হৈ দ খাৱৈত বাগৰি পৰে । দুৰ্ঘটনাত কমেও ৩৬ গৰাকী যাত্ৰীৰ মৃত্যু হয় । জানিব পৰা মতে বাছখনত ৫০ জনতকৈও অধিক যাত্ৰী আছিল ।
আলমোৰা জিলাৰ দুৰ্যোগ ব্যৱস্থাপনা বিষয়া বিনীত পালে নিশ্চিত কৰিছিল যে বৰ্তমানলৈকে ২০ জন লোকৰ মৃত্যু হৈছে । কিন্তু শেহতীয়া খবৰ মতে ৩৬ গৰাকী যাত্ৰীৰ মৃত্য়ু ঘটিছে ৷ বাছখন গড়োৱাল মটৰ অ’নাৰ্ছ ইউনিয়ন লিমিটেডৰ বুলি জানিব পৰা গৈছে ।
जनपद अल्मोड़ा के मार्चुला में हुई दुर्भाग्यपूर्ण बस दुर्घटना में यात्रियों के हताहत होने का अत्यंत दुःखद समाचार प्राप्त हुआ। जिला प्रशासन को तेजी के साथ राहत एवं बचाव अभियान चलाने के निर्देश दिए हैं।
— Pushkar Singh Dhami (@pushkardhami) November 4, 2024
घटनास्थल पर स्थानीय प्रशासन एवं SDRF की टीमें घायलों को निकालकर उपचार के लिए…
ইফালে এই দুৰ্ঘটনাত শোক প্ৰকাশ কৰিছে মুখ্যমন্ত্ৰী পুষ্কৰ সিং ধামীয়ে । এই দুৰ্ঘটনাত গুৰুতৰভাৱে আহতসকলক চিকিৎসাৰ বাবে বিমানযোগে লৈ যাবলৈও নিৰ্দেশ দিছে মুখ্যমন্ত্ৰী ধামীয়ে ।
এক্সত এক শোকবাৰ্তাত তেওঁ কয়, "আলমোৰা জিলাৰ মাৰ্চুলাত সংঘটিত হোৱা দুৰ্ভাগ্যজনক বাছ দুৰ্ঘটনাত যাত্ৰীসকলৰ হতাহতৰ অতি দুখজনক খবৰ পাইছো । জিলা প্ৰশাসনক সাহায্য আৰু উদ্ধাৰ অভিযান ক্ষিপ্ৰতাৰে চলাবলৈ নিৰ্দেশ দিয়া হৈছে ।"
जनपद अल्मोड़ा के मार्चुला में हुई हृदयविदारक बस दुर्घटना में अपनी जान गंवाने वाले यात्रियों के परिजनों के प्रति हमारी गहरी संवेदनाएं हैं, दुख की इस घड़ी में हम उनके साथ खड़े हैं। ईश्वर से घायलों के शीघ्र स्वास्थ्य लाभ और दिवंगतों की आत्मा को श्रीचरणों में स्थान प्रदान करने के लिए… pic.twitter.com/VeFrEmVGxA
— Pushkar Singh Dhami (@pushkardhami) November 4, 2024
তেওঁ কয়, "স্থানীয় প্ৰশাসন আৰু এছ ডি আৰ এফৰ দলে আহতসকলক উদ্ধাৰ কৰি চিকিৎসাৰ বাবে ওচৰৰ স্বাস্থ্য কেন্দ্ৰলৈ লৈ যোৱাৰ বাবে দ্ৰুতগতিত কাম কৰি আছে । প্ৰয়োজন হ'লে গুৰুতৰভাৱে আহত যাত্ৰীসকলক বিমানেৰে লৈ যোৱাৰ নিৰ্দেশনাও দিয়া হৈছে ।"
দুৰ্যোগ ব্যৱস্থাপনা বিষয়া বিনীত পালে কয় যে মৃত্যুৰ সংখ্যা বৃদ্ধি পাব পাৰে । যাত্ৰীসকলক লৈ বাছখন গোলিখালৰ পৰা ৰামনগৰলৈ আহিছিল । পুৱা প্ৰায় ৮.৩০ বজাত কুপি অঞ্চলৰ সমীপৰ দ খাৱৈত বাছখন বাগৰি পৰে । এই দুৰ্ঘটনাত বহু লোকৰ মৃত্যু হোৱাটো নিশ্চিত কৰিছে ছল্টৰ মহকুমা দণ্ডাধীশ সঞ্জয় কুমাৰে । দুৰ্ঘটনাটোৰ তথ্য পোৱাৰ লগে লগে ওচৰৰ মানুহ আৰু আৰক্ষীয়ে সেই স্থানত উপস্থিত হৈ উদ্ধাৰৰ কামত নিয়োজিত হৈ পৰে । খাৱৈৰ পৰা উদ্ধাৰ কৰা হৈছে আহতসকলক ।
उत्तराखंड के अल्मोड़ा में हुए सड़क हादसे में जिन्होंने अपनों को खोया है, उनके प्रति मेरी शोक-संवेदनाएं। इसके साथ ही मैं सभी घायलों की शीघ्र कुशलता की कामना करता हूं। राज्य सरकार की देखरेख में स्थानीय प्रशासन राहत और बचाव के हरसंभव प्रयास में जुटा है: PM @narendramodi
— PMO India (@PMOIndia) November 4, 2024
আলমোৰাৰ বাছ দুৰ্ঘটনাত শোক প্ৰকাশ কৰিছে প্ৰধানমন্ত্ৰী মোদীয়ে । লগতে মৃতকৰ পৰিয়াললৈ প্ৰধানমন্ত্ৰীৰ ৰাষ্ট্ৰীয় সাহায্য পুঁজিৰ পৰা ২ লাখকৈ টকা আৰু আহতসকলক ৫০ হাজাৰকৈ টকাৰ এককালীন সাহায্য ঘোষণা কৰে ।
The Prime Minister has announced an ex-gratia of Rs. 2 lakh from PMNRF for the next of kin of each deceased in the mishap in Almora, Uttarakhand. The injured would be given Rs. 50,000. https://t.co/KAjq9Agj8i
— PMO India (@PMOIndia) November 4, 2024
মুখ্যমন্ত্ৰী পুষ্কৰ সিং ধামীয়ে মৃতকৰ পৰিয়ালক ৪ লাখকৈ আৰু আহতক ১ লাখকৈ টকাৰ এককালীন সাহায্য প্ৰদানৰ নিৰ্দেশ দিছে । লগতে কুমাওনৰ উপায়ুক্তক এই ঘটনাৰ দণ্ডাধীশ পৰ্যায়ৰ তদন্ত কৰিবলৈও নিৰ্দেশ দিছে ।
আলমোৰাৰ এছ এছ পি দেৱেন্দ্ৰ পিঞ্চাই কয় যে দুৰ্ঘটনাটোৰ তদন্ত চলি আছে । তেওঁ কয় যে থিতাতে মৃত্যু হোৱা লোকৰ সংখ্যা ২৮ জন, আনহাতে আহত ৩০ জন লোকক চিকিৎসাৰ বাবে ৰামনগৰ যুটীয়া চিকিৎসালয়লৈ প্ৰেৰণ কৰা হয়, ইয়াৰে ৮ জন লোকৰ চিকিৎসালয়ত মৃত্যু হোৱা বুলি জানিব পৰা গৈছে । ইয়াকে লৈ মুঠ মৃতকৰ সংখ্যা হৈছেগৈ ৩৬ গৰাকী ৷
जनपद अल्मोड़ा में हुई बस दुर्घटना में गंभीर रुप से घायलों को बेहतर उपचार हेतु एम्स ऋषिकेश और सुशीला तिवारी अस्पताल हल्द्वानी के लिए एयर लिफ्ट किया गया है।
— Pushkar Singh Dhami (@pushkardhami) November 4, 2024
स्वयं भी राहत और बचाव कार्यों की जानकारी ले रहा हूं और आज के सभी कार्यक्रम स्थगित कर दिल्ली से पंतनगर के लिए रवाना हो रहा… pic.twitter.com/QmNRPEphjd
স্থানীয় লোকে জনোৱা মতে, দীপাৱলী উদযাপনৰ বাবে নিজ গাঁৱত উপস্থিত হোৱা বহু প্ৰব্ৰজনকাৰী কৰ্মচাৰী নিজৰ কৰ্মস্থলীলৈ উভতি আহিবলৈ আৰম্ভ কৰিছে ৷ যাৰ বাবে এইকেইদিন পাহাৰীয়া অঞ্চলটোৰ কেব-বাছ সকলোবিলাক যাত্ৰীৰে ভৰি পৰিছে ।
লগতে পঢ়ক: পথ দুৰ্ঘটনাত থিতাতে নিহত পিতৃ-কন্যা
নিয়ন্ত্ৰণ হেৰুৱাই কালভাৰ্টত খুন্দা মাৰিলে তীব্ৰবেগী বাছে: নিহত ১২
