নতুন দিল্লী : ঘূৰ্ণীবতাহ ডানাই ওড়িশাত ধ্বংসলীলা সৃষ্টি কৰে ৷ ফলত জনজীৱন ব্যাহত হৈ পৰে ওড়িশাবাসীৰ ৷ সাধাৰণ ৰাইজক কিছু সকাহ দিয়াৰ লগতে তেওঁলোকক সহায় কৰিবলৈ ওলাই আহিল ভাৰতীয় নৌসেনা ৷
ভাৰতীয় নৌসেনাই কানহাপুৰ, বাগাপটিয়া, বৰাহিপুৰ, মগৰকান্দা, চাৰিঘেৰিয়া আৰু সতভায়াকে ধৰি ক্ষতিগ্ৰস্ত গাঁওসমূহৰ তাৎক্ষণিক প্ৰয়োজনীয়তাৰ ওপৰত গুৰুত্ব আৰোপ কৰি সাহায্য বিতৰণ কৰে ৷ শনিবাৰে এক বিবৃতিযোগে এই কথা উল্লেখ কৰে ভাৰতীয় নৌসেনাই ।
বিবৃতিত উল্লেখ কৰা মতে, বাটিপাদা আৰু তালচুৱাত সাহায্য শিবিৰ স্থাপন কৰি ঘূৰ্ণীবতাহৰ প্ৰভাৱত ক্ষতিগ্ৰস্তসকলক অত্যাৱশ্যকীয় সহায় আগবঢ়ায় ভাৰতীয় সেনাই ।
সেনাৰ দলটোৱে জীৱিকাৰ জৰুৰী প্ৰয়োজনীয়তা পূৰণৰ বাবে ডানাৰ ফলত ক্ষতিগ্ৰস্ত হোৱা ওড়িশাৰ জনসাধাৰণক মুঠ ৯ হাজাৰ আহাৰ বিতৰণ কৰে । সংবাদ সংস্থা ANI ৰ আগত এই কথা উল্লেখ কৰে ভাৰতীয় নৌসেনাই ৷
খাদ্য লগতে NOIC য়ে (ODS) ৰাজ্যিক সংস্থাসমূহৰ সৈতে অংশীদাৰিত্ব কৰি এটা চিকিৎসা শিবিৰ স্থাপন কৰে ৷ য’ত প্ৰায় ৪০০ ব্যক্তিক চিকিৎসা সাহায্য প্ৰদান কৰে ৷ যাতে এই সংকটৰ সময়ত স্বাস্থ্যজনিত উদ্বেগসমূহ পৰ্যাপ্তভাৱে মোকাবিলা কৰাটো নিশ্চিত কৰা হয় ।
এইবোৰৰ লগতে দুৰ্গম অঞ্চলত উপনীত হোৱাৰ প্ৰত্যাহ্বানসমূহ স্বীকাৰ কৰি ভাৰতীয় নৌসেনাই দুটা ভ্ৰাম্যমাণ সাহায্য দল নিয়োগ কৰে ৷ যাতে আৰ্তজনৰ জনগোষ্ঠীসমূহলৈ পোনপটীয়াকৈ খাদ্য আৰু চিকিৎসা সাহায্য বিতৰণৰ কৰিব পৰা যায় ।
ডানা ঘূৰ্ণীবতাহৰ পিছত সকলোকে য়াতে তেওঁলোকৰ জীৱন পুনৰ পূৰ্বৰ দৰে স্বাভাৱিক জীৱন দিব পাৰে, তাৰ বাবে সেনাই প্ৰচেষ্টা চলাই আছে । (ANI)
