নিউজ ডেস্ক, ১৭ ছেপ্টেম্বৰ : কিছুদিন পূৰ্বে দেশজুৰি আড়ম্বৰপূৰ্ণভাৱে অনুষ্ঠিত হৈ যায় গণেশ চতুৰ্থী । দেশৰ বিভিন্ন প্ৰান্তত বিভিন্ন কাৰ্যসূচীৰে অনুষ্ঠিত হয় এই গণেশ পূজা । হায়দৰাবাদতো অতি জাকজমকতা তথা ভক্তিপূৰ্ণভাৱে অনুষ্ঠিত হয় গণেশ পূজা । হায়দৰাবাদৰ দুখন গণেশ পূজাই এইবাৰ গণেশ পূজাৰ প্ৰসাদ এই লাডু বিক্ৰীত অভিলেখ গঢ়িছে ।
কোটি টকাত নিলাম গণেশ পূজাৰ লাডু
হায়দৰাবাদৰ গাণ্ডিপেট মণ্ডলৰ বান্দলাগুড়াজাগিৰৰ কীৰ্তি ৰিচমণ্ড বিলাসত এটা গণেশ পূজাৰ লাডু ১.৮৭ কোটি টকাত নিলাম কৰা হৈছে । ২০২৩ চনৰ মূল্যতকৈ ৬১ লাখ টকা অধিক মূল্যত এই লাডুটো নিলাম হয় । যোৱা বছৰ এই লাডুটো 1.26 কোটি টকাত নিলাম কৰা হৈছিল । গণেশ চতুৰ্থী উৎসৱৰ অংশ হিচাপে অনুষ্ঠিত এই নিলামে ধৰ্মীয় ৰীতি-নীতি আৰু পৰম্পৰাৰ এক মিশ্ৰণৰ ওপৰত গুৰুত্ব আৰোপ কৰে ।
গণেশ লাডুৰ নিলামত অভিলেখ
আনহাতে, খেইৰতাবাদৰ বড়া গণেশ মূৰ্তিৰ পিচত আটাইতকৈ আকৰ্ষণীয় পূজা হৈছে বালাপুৰ গণেশ পূজা । এই পূজাৰ আকৰ্ষণীয় ব্যৱস্থাৰ বাবে 10 দিনীয়া উৎসৱৰ সময়ছোৱাত জনসমাগমৰ বাবে বিখ্যাত । এই পূজাৰ এক বিশেষ আকৰ্ষণ হৈছে লাডু নিলাম । এই নিলাম প্ৰক্ৰিয়াই বিভিন্ন প্ৰান্তৰ ৰাইজক আকৰ্ষিত কৰে ।
এই বছৰ স্থানীয় বিজেপি নেতা তথা গণেশ ভক্ত কোলানা শংকৰ ৰেড্ডীয়ে 30.1 লাখ টকাত গণেশ পূজাৰ প্ৰসাদৰ লাডুটো ক্ৰয় কৰে । ইয়াৰ লগে লগে মঙলবাৰে এই নিলামত বালাপুৰ গণেশ লাডুৱে অভিলেখ মূল্য লাভ কৰে । 2023 চনত এই লাডু 27 লাখ টকাত নিলাম কৰা হৈছিল । দশৰী দয়ানন্দ ৰেড্ডী নামৰ ব্যক্তিগৰাকীয়ে লাডুটো ক্ৰয় কৰিছিল ।
কেতিয়াৰ পৰা আৰম্ভ হৈছিল নিলাম
এই নিলাম প্ৰক্ৰিয়া 1994 চনৰ পৰা হয় । প্ৰথম নিলামত লাডুটো 450 টকাত বিক্ৰী কৰা হয় । লাহে লাহে সময়ৰ সৈতে ইয়াৰ পৰিমাণ যথেষ্ট বৃদ্ধি পায় আৰু এই বছৰ ইয়াৰ মূল্য 30 লাখ টকাত উপনীত হয় । এই বাৰ্ষিক নিলাম গণেশ মূৰ্তি বিসৰ্জনৰ অন্তিমদিনা অনুষ্ঠিত হয় ।
প্ৰথম নিলামত কোনে ক্ৰয় কৰিছিল
১৯৯৪ চনত প্ৰথমবাৰৰ বাবে আয়োজন কৰা নিলামত কোলান মোহন ৰেড্ডী নামৰ এজন স্থানীয় কৃষকে লাডুটো ৪৫০ টকাত ক্ৰয় কৰিছিল । তেতিয়াৰে পৰা কোলান পৰিয়ালে প্ৰায়ে নিলামত অংশগ্ৰহণ কৰি আহিছে । আনহাতে, এই অনুষ্ঠানৰ পৰা সংগ্ৰহ কৰা পুঁজি স্থানীয় এলেকাবোৰত আৰ্থ-সামাজিক প্ৰকল্পত ব্যৱহাৰ কৰা হয় ।
নিলামৰ প্ৰতিযোগিতা বৃদ্ধিৰ বাবে বালাপুৰ গণেশ উৎসৱ সমিতিয়ে যোৱা বছৰ অতিৰিক্ত নিয়মাৱলী কাৰ্যকৰী কৰিছিল । স্থানীয় লোকসকলে বৰ্তমান নিবিদা প্ৰক্ৰিয়াত অংশগ্ৰহণ কৰিবলৈ হ'লে পূৰ্বৰ বছৰৰ বিজয়ীয়ে যি পৰিমাণৰ ধনৰ বিনিময়ত লাডুটো ক্ৰয় কৰে, সেই পৰিমাণ জমা দিব লাগে ।
30 বছৰ পূৰ্বে এই নিলাম প্ৰক্ৰিয়া আৰম্ভ হোৱাৰে পৰা এতিয়ালৈকে ইয়াৰ উৎসাহ আৰু আগ্ৰহ অটুট আছে ।
হায়দৰাবাদত গণেশ বিসৰ্জন
উল্লেখ্য যে আৰক্ষীৰ কঠোৰ নিৰাপত্তা আৰু নাগৰিক কৰ্তৃপক্ষৰ ব্যৱস্থাৰ মাজত মঙলবাৰে চহৰখনত গণেশ মূৰ্তি বিসৰ্জন আৰম্ভ হয় । আনহাতে, ১০ দিন ধৰি চলি থকা গণেশ উৎসৱ সূচাৰুৰূপে আৰু শান্তিপূৰ্ণভাৱে সম্পন্ন কৰাৰ বাবে ২৫,০০০ তকৈও অধিক আৰক্ষী মোতায়েন কৰা হৈছে ।
বালাপুৰ লাডু নিলামৰ বিজয়ীসকলৰ তালিকা
- ১৯৯৪ - কোলানা মোহন ৰেড্ডী ৪৫০ টকা
- ১৯৯৫ - কোলানা মোহন ৰেড্ডী ৪,৫০০ টকা
- ১৯৯৬ - কোলানা কৃষ্ণ ৰেড্ডী ১৮,০০০ টকা
- ১৯৯৭ - কোলানা কৃষ্ণ ৰেড্ডী ২৮,০০০ টকা
- ১৯৯৮ - কোলানা মোহন ৰেড্ডী ৫১,০০০ টকা
- ১৯৯৯ - কাললেম আনজী ৰেড্ডী ৬৫,০০০ টকা
- ২০০০ - কাললেম প্ৰতাপ ৰেড্ডী ৬৬,০০০ টকা
- ২০০১ - জি ৰঘুনন্দন চাড়ি ৮৫,০০০ টকা
- ২০০২ - কান্দাদা মাধৱ ৰেড্ডী, ১,০৫,০০০ টকা
- ২০০৩ - চিগিৰিন্থা বালা ৰেড্ডী ১,৫৫,০০০ টকা
- ২০০৪ - কোলানা মোহন ৰেড্ডী ২,০১,০০০ টকা
- ২০০৫ - ইব্ৰাম শেখৰ ২,০৮,০০০ টকা
- ২০০৬ - চিগিৰিন্থা তিৰুপতি ৰেড্ডী ৩,০০,০০০ টকা
- ২০০৭ - জি ৰঘুনন্দন চাড়ি ৪,১৫,০০০ টকা
- ২০০৮ - কোলানা মোহন ৰেড্ডী ৫,০৭,০০০ টকা
- ২০০৯ - সৰিতা ৫,১০,০০০ টকা
- 2010 - কোডালি শ্ৰীধৰ বাবু 5,35,000 টকা
- 2011 - কোলানা ব্ৰাদাৰ্ছ 5,45,000 টকা
- 2012 - পান্নালা গোবৰ্ধন ৰেড্ডী 7,50,000 টকা
- 2013 - থিগালা কৃষ্ণ ৰেড্ডী 9,26,000 টকা
- 2014 - চিংগিৰেড্ডী জয়হিন্দ ৰেড্ডী 9,50,000 টকা
- 2015 - কাললেম মদন মোহন ৰেড্ডী 10,32,000 টকা
- 2016 - কান্দাদি স্কাইলেব ৰেড্ডী 14,65,000 টকা
- 2017 - নাগাম তিৰুপতি ৰেড্ডী 15,60,000 টকা
- 2018 - তেৰেটিপাল্লি শ্ৰীনিবাস গুপ্তা 16,60,000 টকা
- 2019 - কোলানা ৰাম ৰেড্ডী 17,60,000 টকা
- ২০২০ - কৰোনাৰ কাৰণে নিলাম অনুষ্ঠিত হোৱা নাই । ইয়াক তদানীন্তন মুখ্যমন্ত্ৰী কে চি আৰক হস্তান্তৰ কৰা হৈছিল
- 2021 - ৰমেশ যাদৱ, মাৰি শশাংক ৰেড্ডী 18,90,000 টকা
- 2022 - ভাঙ্গেটি লক্ষ্মা ৰেড্ডী 24,60,000 টকা
- 2023 - দাসৰী দয়ানন্দ ৰেড্ডী 27,00,000 টকা আৰু
- ২০২৪ - কোলানা শংকৰ ৰেড্ডী ৩০.১ লাখ টকা
